Skip to main content
130

Dette jobopslag er udløbet

Suliffeqarnermut Immikkoortortaqarfik AC-fuldmægtigissarsiorpoq

Kalaallit Nunaanni suliffeqarneq ineriartortikkusuppiuk? Innuttaasunut inuiaqatigiinnullu ajunngitsuliornissannut kajumissuseqarpit? Suleqatigiinnermut kinguneqarluartumut ilakkuminarpit? Suleqatissarivatsigit?

Sulisut siunissami suliffeqarnermut nukittorsarnissaat piginnaanngorsarnissaallu Naalakkersuisut annertuumik sammisarivaat.

Suliffeqarnermut suliassaqarfiup iluani suliniutinik aallartittussanik suliaqarsinnaasumik aamma ingerlatsinermik misissueqqissaarnermillu suliaqarnissamut piareersimasumik aaqqissuinissamut qulaaniit isiginnissinnaasumik suleqatissarsiorpugut.

Suliffeqarfimmi pissanganartumi sukumiisumik ilitsersuunneqarfiusussami atorfimmik namminersorfiusumik neqerooruteqarpugut aamma illit atorfik nammineq sunniuteqarfiginissaanut periarfissaqarluarputit. Peqatigalugu suliffeqarnermut attuumassutilinni naalakkersuisoqarfiup akisussaaffiinut, suliassaanut ineriartortitsineranullu tunngasunik sammisaqarlutit suliaqassaatit.

Immikkoortortaqarfik assigiinngeqisunik suliassaqarpoq ilaatigut politikkikkut isummernissamut tunngavissiat, suliffeqarnermut suliassaqarfimmi ineriartortitsineq, immikkoortortaqarfiup suliassaqarfiini misissueqqissaarneq ataavartumillu suliassanik suliaqarneq suliniutillu tamaasa pillugit paasissutissiinermik suliaqarneq.

Illit piukkunnaatitit piginnaasaqarfitillu
Takorloorparput illit:

  • akademikeritut assigisaanilluunniit ilinniagaqarsimasutit
  • it pillugu ilisimasaqarluartutit
  • politikkikkut aqunneqartumi sulinermik misilittagaqartutit
  • aaqqissuulluakkamik anguniagaqartumillu nammineq sulisinnaasutit
  • suliassani ingerlatsinissamut naammassineranilu pitsaassusaanut akisussaaffeqartutit
  • attaveqaqatigiinnermi suleqatikkuminartutit, allannikkut oqalunnikkullu
  • eqaatsumik pissuseqartutit, piffissamik eqqorluaasinnaasutit ammasuusutillu
  • angalasarnissamut piareersimasutit
  • ulapaarfiusumi sulinissaq nuannarigit suliassallu assigiinngitsut ataatsikkut suliarisinnaagitit

Taakkua saniatigut:

  • Suliassanik suliaqarnermut aaqqiissummut F2-mut allamulluunniit misilittagaqaruit iluaqutaasinnaassaaq
  • Peqatigitillugu pingaaruteqarpoq inuiaqatigiinnut kalaallinut piorsarsimassutsimullu ilisimasaqarnissat
  • Marluinnik oqaaseqartuuguit iluaqutaassaaq: kalaallisut/danskisut imaluunniit kalaallisut/tuluttut
  • Soorunami qiimasuuvutit aamma suleqat ajunngitsuuvutit!

Illit suliassatit
Politikkikkut kissaatit tulleriiaarinerillu naapertorlugit suliffeqarnermik ineriartorfiusumik, eqaatsumik nutaaliamillu pilersitseqataanissarput anguniagaraarput. Suliassat ”nunamut tunngasut” suliarisartussaavatit, soorlu anguniagaqartumik periusissiat aamma akornaniittut suut tamarmik.

Eqqaasariaqarpoq atorfik allannermik suliaqarfiugaatsiarmat.

Illit pingaarnertut suliassatit tassaapput

  • Allakkiat il.il. suliarineqarneri.
  • Misissueqqissaarneq ineriartortitsinerlu
  • Suliniutinik aqutsineq ataqatigiissaarinerlu
  • Suliniutinik aallartitsineq, tak. sulisussaqartitsinianermut periusissiaq 2022-24, ilanngullugit nioqqutissiornermut assingusumik atuarnermik ingerlataqarneq piginnaanngorsaanermilu periarfissanik ukkataqartitsineq
  • Nunat Avannarliit akornanni inersimasunik ilinniartitsinermi attaveqaatit (NVL)

Neqeroorutigivagut

  • Atorfik pissanganartoq inuiaqatigiinnullu iluaqutaasoq ineriartornissamullu periarfissaqartoq pitsaasunik
  • Inuttut akisussaaffeqartitsisoq piumasamillu pisinnaatitaaffeqartitsisoq
  • Suliassani amerlasuuni pissanganartunilu illit sunniuteqarnissannut periarfissaqarputit
  • Piginnaasanik ineriartortitsinissamut ilinniagaqaqqinnissamullu periarfissat ajunngilluinnartut
  • Suleqatit pitsaanerpaat!

Atorfik pillugu apeqqutissaqaruit, tikilluaqqusaavutit saaffiginninnissamut uunga immikkoortortaqarfimmik pisorttaq Lona Lynge +299 345624/ loly@nanoq.gl imaluunniit immikkut siunnersorti Sussi Wille +299 342849 / suwi@nanoq.gl.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk