Skip to main content
109

Dette jobopslag er udløbet

Suliffeqarnermut Immikkoortoqarfik AC-fuldmægtigimik pissarsiorpoq

Nunatsinni suliffeqarfimmik ineriartortitseqataanissaq kissaatigaajuk? Innuttaasunut inuiaqatigiinnullu akuersaarnartumik assigiinngissuteqarnissat ilinnut kaammattuutaava? Inerneqartussamik suleqatigiinnermut akuerunnissat sapersaatiginngiliuk? Taava  suleqatitaarerusuppatsigtit.
 
Ukiuni makkunani sulisulisartutut pissarsiassaasut nukittorsarnissaat aamma siunissami suliffeqarfimmut nunami innuttaasut piginnaanngorsarniarlugit Naalakkersuisut assut sammisaqarput. Suliffeqarfimmi suliassaqarfiup iluani sulianik isumaginninnernik, aamma ilinniartitsinermik ineriartortitsinermillu suliassanik isumaginnissinnaasumik suleqatissarsiorpugut.
 
Tassaavugut suliffeqarfik pissanganartoq uummaarissoq aamma pitsaasoq. Sukumiisumik ilinniartinneqassaatit aamma sammisanik suliassaqarfinnik ineriartortitsinissamut illit sunniiviginninnissannut periarfissaqarluartoq neqeroorutigaarput.
 
Naalakkersuisoqarfiup akisussaaffia, suliassai ineriartortitassaalu PKU-mut tunngasut pingaarnertut suliaqarfigissavatit inuussutissarsiornermut ilinniarfinnut attuumassuteqartut. Tamatumunnga ilanngullugu Namminersorlutik Oqartussat Inuussutissarsiornermillu Ilinniarfiit akornanni isumaqatigiissutinut tunngatillugu malittarinninneq. 
 
Immikkoortoqarfik assigiinngisitaartunik suliassanik isumaginniffiuvoq, naalakkersuisut isummernissaannut tunngavissiissusiornernit, suliffeqarfiup ineriartortitaaneranit, misissueqqissaarinernit aamma immikkoortoqarfiup suliassaqarfiini ingerlaavartunik sulianik isumaginninnernit iliuuserisat tamaasa pillugit paasissutissiissuteqartarnernut.
 
Piukkunnaatitit piginnaasatillu
Takorloorparput:

  • ilisimatusarnermik ilinniagaqartutit assigisaannilluunniit
  • naalakkersuinikkut aqunneqartumik aaqqissuussaasumi suliaqarnermik misilittagaqartutit
  • namminersuutigisannik, najoqqutassalikkamit anguniagaqartumillu sulisinnaassuseqartutit
  • suliassat siuarsaaviginissaannut akisussaaffiup tigunissaanut piareersimasutit
  • suliassanik iluarsiinerit pitsaassuseqarnissaannut akisussaaffiup tigunissaanut piareersimasutit
  • attaveqaqatigiissutinik suleqatigiinnissamut piginnaaneqarluartutit
  • sungiussiasuusutit, piffissamik eqqorluaasartutit inussiarnersuusutillu
  • oqaatsit marluk sapinngikkitit, kalaallisut/danskisut imaluunniit kalaallisut/tuluttut
  • angalasarsinnaanissat piareersimaffigissagitit
  • ulluinnaat ulapaarfiusut iluarisimaaritit, aamma suliassat suussusaat arlallit ataatsikkut isumagisinnaallugit

Aamma

  • IRIS XAL-imillu ilisimasaqarneq iluaqutaassaaq
  • Kalaallit Nunaanni inuiaqatigiinnik kulturimillu ilisimasaqarnissat assut pingaaruteqarpoq
  • Soorunalumi isumagissaartuullutillu suleqataalluarputit.

Suliassatit
Anguniagarput tassaavoq naalakkersuinermi kissaatigisanut pingaarnersiukkanullu naleqqiullugu suliffeqarfimmik ineriartortitsiviusumik sungiussiasumik nutaaliaasumillu pilersitseqataanissaq. Sulianik isumaginninnermik ”inuppalaartunik” suliassaqassaatit, soorlulusooq takorluugaasutut periusissiat – taakkulu akornanni sunik tamanik – suliaqartassallutit.
 
Pingaarnertut suliassatit tassaassapput:

  • PKU-mi pikkorissartitsinerit pillugit Namminersorlutik Oqartussat Inuussutissarsiornermut Ilinniarfiit akornanni ukiut pingasukkaarlugit isumaqatigiissutiliorneq
  • PKU-mi pikkorissartitsisarnernut tunngatillugu kommuunit Inuussutissarsiornermullu Ilinniarfinnik siunnersuisarneq
  • Inuussutissarsiornermut Ilinniarfinnik, kommuuninik susassaqartunullu allanut isumasioqatigiititsinernik ataatsimiititsinernillu pilersitsineq ineriartortsinerlu
  • Missingersuutinik nakkutilliineq ataqatigiissaarinerlu
  • Sulianik isumaginninneq allaffissorfittut inissisimaffiusumi

Neqeroorutigaavut

  • Suliffik pissanganarlunilu ineriartornermut periarfissatsialannik pilik
  • Inuttut nammineq akisussaaffeqarneq pisinnaanerlu
  • Periarfissaavoq suliassanut sunniuteqaqataasinnaaneq
  • Piginnaanngorsarnissamut ilinniaqqinnissamullu periarfissatsialaat
  • Suleqatit pitsaasut!

Atorfimmut apeqqutissaqaruit immikkoortortami pisortaq Lona Lyngep saaffiginissaanut tikilluaqqusaavutit: +299 345624 / loly@nanoq.gl

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk