Skip to main content
106

Suliffeqarnermut Immikkoortoqarfik AC-fuldmægtigimik/Siunnersortimik pissarsiorpoq

Nunatsinni suliffeqarfimmik ineriartortitseqataanissaq kissaatigaajuk? Innuttaasunut inuiaqatigiinnullu akuersaarnartumik assigiinngissuteqarnissat ilinnut kaammattuutaava? Inerneqartussamik suleqatigiinnermut akuerunnissat sapersaatiginngiliuk? Taava  suleqatitaarerusuppatsigtit.
 
Ukiuni makkunani sulisulisartutut pissarsiassaasut nukittorsarnissaat aamma siunissami suliffeqarfimmut nunami innuttaasut piginnaanngorsarniarlugit Naalakkersuisut assut sammisaqarput. Suliffeqarfimmi suliassaqarfiup iluani sulianik isumaginninnernik, aamma ilinniartitsinermik ineriartortitsinermillu suliassanik isumaginnissinnaasumik suleqatissarsiorpugut.
 
Tassaavugut suliffeqarfik pissanganartoq uummaarissoq aamma pitsaasoq. Sukumiisumik ilinniartinneqassaatit aamma sammisanik suliassaqarfinnik ineriartortitsinissamut illit sunniiviginninnissannut periarfissaqarluartoq neqeroorutigaarput.
 
Naalakkersuisoqarfiup akisussaaffia, suliassai iineriartortitassaalu Majorianut tunngasut pingaarnertut suliaqarfigissavatit.
 
Immikkoortoqarfik assigiinngisitaartunik suliassanik isumaginniffiuvoq, naalakkersuisut isummernissaannut tunngavissiissusiornernit, suliffeqarfiup ineriartortitaaneranit, misissueqqissaarinernit aamma immikkoortoqarfiup suliassaqarfiini ingerlaavartunik sulianik isumaginninnernit iliuuserisat tamaasa pillugit paasissutissiissuteqartarnernut. 
 
Piukkunnaatitit piginnaasatillu
Takorloorparput:

  • ilisimatusarnermik ilinniagaqartutit assigisaannilluunniit
  • naalakkersuinikkut aqunneqartumik aaqqissuussaasumi suliaqarnermik misilittagaqartutit
  • namminersuutigisannik, najoqqutassalikkamit anguniagaqartumillu sulisinnaassuseqartutit
  • suliassat siuarsaaviginissaannut akisussaaffiup tigunissaanut piareersimasutit
  • suliassanik iluarsiinerit pitsaassuseqarnissaannut akisussaaffiup tigunissaanut piareersimasutit
  • attaveqaqatigiissutinik suleqatigiinnissamut piginnaaneqarluartutit
  • sungiussiasuusutit, piffissamik eqqorluaasartutit inussiarnersuusutillu
  • oqaatsit marluk sapinngikkitit, kalaallisut/danskisut imaluunniit kalaallisut/tuluttut
  • angalasarsinnaanissat piareersimaffigissagitit
  • ulluinnaat ulapaarfiusut iluarisimaaritit, aamma suliassat suussusaat arlallit ataatsikkut isumagisinnaallugit

Aamma

  • Kalaallit Nunaanni inuiaqatigiinnik kulturimillu ilisimasaqarnissat assut pingaaruteqarpoq,
  • Soorunalumi isumagissaartuullutillu suleqataalluarputit.

Suliassatit
Anguniagarput tassaavoq naalakkersuinermi kissaatigisanut pingaarnersiukkanullu naleqqiullugu suliffeqarfimmik ineriartortitsiviusumik sungiussiasumik nutaaliaasumillu pilersitseqataanissaq. Sulianik isumaginninnermik ”inuppalaartunik” suliassaqassaatit, soorlulusooq takorluugaasutut periusissiat – taakkulu akornanni sunik tamanik – suliaqartassallutit.
 
Pingaarnertut suliassatit tassaassapput:

  • Majorianik nakkutilliineq siunnersuinerlu
  • Majorianik ingerlatsineq pillugu Kommuunit Namminersorlutillu Oqartussat akornanni ukiumoortumik naammassisassanut isumaqatigiissutinik suliaqarneq kiisalu tapiissutinik kisitsineq
  • Suliffeqarfimmi suliassaqarfimmi ineriartortitsinermik suliassanik isumagisaqarneq
  • Naalakkersuisoqarfimmi suliniutinik malittarisitsineq ataqatigiissaarinerlu
  • Sulianik isumaginninneq allaffissorfittut inissisimaffiusumi
  • Susassaqarfiup kontoanik missingersuutinik akisussaaffeqarneq

Neqeroorutigaavut

  • Suliffik pissanganarlunilu ineriartornermut periarfissatsialannik pilik
  • Piginnaanngorsarnissamut ilinniaqqinnissamullu periarfissatsialaat
  • Suleqatit pitsaasut!
    Suleqatinnit misilittagalimmit ilinniartinneqassaatit, aamma Namminersorlutik Oqartussani suleqatit nutaat allat peqatigalugit aallartinnermik saqqummiussiffimmi ilaassallutit.

Qinnuteqaat
Inuttassarsiorluni ussassaarut atuarlugu ”tassa uangarpiaq!”-mik eqqarsaruit tusarfiginissat qilanaarissavarput! ”Qinnuteqaat nassiuguk” toorlugu qinnuteqaat, CV, ilinniagaqarnermut pikkorissarnernullu uppernarsaatit, kiisalu allagaatit attuumassuteqartut allat nassiutikkit kingusinnerpaamik 27. september 2019-imi.

Atorfimmut apeqqutissaqaruit immikkoortortami pisortaq Lona Lyngep saaffiginissaanut tikilluaqqusaavutit: +299 345624 / loly@nanoq.gl
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk