Skip to main content
105

Dette jobopslag er udløbet

Suliassanut pissanganartunut tamatigoortunullu immikkut siunnersorti/inatsisilerinermullu fuldmægtigi

Naalakkersuisoqarfimmi pissanganartorpassuarnik suliaqarfiusumi suleqatigiinnut misilittagaqarluartunut ilaanissamut soqutigisaqaruit, taava ilinnut pissanganartumik allanngorarfiusumilu atorfinitsissinnaavatsigit.
 
Isumaginninnermut, Inatsisinillu Atuutsitsinermut Naalakkersuisoqarfiup inatsisilerinermut immikkoortortaqarfia inatsisilerituumik pissarsiorpoq. Qinnuteqartunut uppernarsarneqarsinnaasunik piginnaasalinnut misilittagalinnullu immikkut siunnersortitut atorfinitsinneqarnissaq neqeroorutigineqarsinnaavoq.
 
Naalakkersuisoqarfimmi politikkikkut anguniakkat suliassaqarfimmut tunngasut piviusunngortinnissaat suliarisarpagut. Ilaatigut inatsisilerinernik suliaqartarpugut, matumani naalagaaffiup inatsisai Kalaallit Nunaannut attuuttut, nunat assigiinngitsut akornanni isumaqatigiissutit ilanngullugit. Isumaginninnermut tunngasuni meeqqanut inuusuttunullu navianartorsiortunut, inersimasunut navianartorsiortunut, utoqqaanerusunut inunnullu innarluutilinnut pissutsit inatsisitigut pitsanngorsarneqarnissaat ilaavoq. Inatsisinut tunngasutigut danskit oqartussai qanilaartumik sammisat suli tiguneqanngitsut iluanni suleqatigisarpagut. Tamanna ingammik eqqartuussisaaseq aamma pinerluttulerineq pillugu inatsiseqartitsinermut aamma ilaqutariit inatsiseqartitaanerannut susassaqarfimmut tunngasuuvoq. Aammattaaq pisortanit ikiorsiissutit pillugit inatsit atuuttoq pillugu aaqqissuusseqqinnissamut suliniut annertooq aammalu taassuma pisortanit ikiorsiissutinut allanut sunniisarnera pillugu Naalakkersuisoqarfiup suliaq aallarteqqammerpaa.
 
Inatsisilerinermik Immikkoortortaqarfimmi maannakkut Immikkoortortaqarfimmi pisortaq inatsisilerituullu 3-t sulisuupput.
 
Isumaginninnermut suliassaqarfimmut tamarmiusut nalunaarutissatut inatsisissatullu siunnersuutinik piareersaasarnerit inatsisilerinermik immikkoortortaqarfiup suliarisarpai, aammalu naalagaaffimmi oqartussat suleqatigalugit ilaqutariinnermut suliassaqarfimmut inatsisinillu atuutsitsinernut suliassaqarfik pillugit inatsisiliortarnerit suliarisarlugit.      Taassuma saniatigut inatsisilerinermik immikkoortortaqarfiup suliassaasa ilai tassaapput politikerinik kiffartuussisarnerit aammalu politikerinit innuttaasunit, kommuninit allaniillu oqartussanit saaffiginnissutinik akisissuteqartarnerit.
 
Aammattaaq inatsisilerinermik immikkoortortaqarfik Meeqqat Pillugit Paasisimasalittut Ataatsimiititaliamut allattoqarfiuvoq aamma Kalaallit Nunaanni Eqqartuussiveqarneq pillugu Siunnersuisoqatigiinnut aamma Nunani Avannarlerni Ministerit Siunnersuisoqatigiivini atorfilittatigut suleqatigiissitani peqataasarpoq.
 
Suliassat tamatigoortuupput aamma kulturikkut sulianullu tunngasut pillugit oqartussaasoqarfiit assigiinngitsunik suliallit akornanni suleqatiginnissinnaanernik piumasaqaatitaqarput, kiisalu nammineq sulianut tunngasunut nammineerluni akisussaaffimmik tigusisinnaasariaqarpoq.
 
Illit suliassatit

  • Namminerisamik inatsisissanik piareersaanerni suliaqarnerit, matumani inatsisissatut siunnersuutinik nalunaarutinillu suliarinnittarneq ilanngullugit
  • Politikkikkut aqutsisut aalajangiussassaannut tunngavissat suliarineqarnerisa pitsaassusaannik qulakkeerinninneq kiisalu politikkikkut aalajangiussanik atuutilersitsineq
  • Inatsisit pillugit siunnersuineq
  • Ajornartorsiutit inatsisilerinermut tunngasut pillugit allakkianik suliarinninneq

 
Ilinnut neqeroorutigisinnaavagut:

  • Suliffeqarfik nammineersinaassusermik aalajangiisinnaassuseqarnermillu pingaartitsisoq
  • Atorfik Naalakkersuisoqarfimmi pimoorussisunik pikkorissunillu suleqateqarfiusoq
  • Atorfik, sulisut ataasiakkaat piginnaaneqarfiinik ataqqinnillunilu ammaffiusoq
  • Atorfik ulapaarfiusinnaasoq, kisiannili aammattaaq unammillernartulik pissanganartorlu.

Naatsorsuutigaarput

  • Cand. jur.-itut ilinniarsimasuussasutit
  • Inatsisit inatsisilerinerillu allat pillugit suliaqarnermik misilittagaqartutit, ajornanngippat isumaginninnermi- aamma pisortat pillugit inatsisilerinermi imaluunniit Inatsiseqarnermut Ilaqutareeqarnermullu tunngasunik inatsisilerinermi
  • Suliffeqarfimmi politikkikkut aqunneqarluni ingerlatsiviusumi sulinermi misilittagaqartutit
  • Allanngortitsinissamut piareersimassasutit suleqatigiuminartuullutillu, suleqatinnut suleqatigisanullu ammasuullutillu akuersaartuullutit, aammalu suleqatigiinnissamik oqartussaasoqarfiillu assigiinngitsunik suliallit akornanni suleqatigiinnermik paasisimasaqartuusutit 
  • Inersimasuusutit nammineersinnaassuseqartoq, akisussaaffimmillu tigusisinnaasoq nammineerlunilu suliaqarsinnaasoq
  • Naligiittumik akuersaartumillu attaveqallaqqissuusutit, inatsisilerituujunngitsunullu inatsisilerinermut tunngatillugu ajornartorsiutaasinnaasunik paasiuminaatsunik nassuiaasillaqqissuusutit.
  • Aaqqissuussaasumik sulisinnaasutit aammalu suliassat piffissalerneqarsimasut pitsaassutillu pikkoriffigalugit.

Inuiaqatigiinnik kalaallinik oqaasiinillu ilisimasaqarneq iluaqutaassaqaaq, kisiannili piumasaqaataanngilaq.
  
Ulloq atorfiniffissaq
Ulloq 1. septembari 2019 imaluunniit tamatuma kingorna piaarnerpaamik.
 
Paasissutissat sukumiinerusut:
Atorfik pillugu sukumiinerusumik paasisaqarusukkuit, taava allassinnaavutit immikkoortortaqarfiup pisortaanut Trine Foldager-imut ugguuna  trif@nanoq.gl imaluunniit oqarasuaammut sianerlutit +299 546647. Eqqaamajuk Kalaallit Nunaata Danmarkillu akornanni akunnernik sisamanik nikingassuteqarmat.
 
Ulloq qinnuteqarfissaq kingulleq
Ulloq 29. juuli 2019
Ataani link atorlugu qinnuteqaat nassiunneqassaaq. Qinnuteqaatinik e-mailikkut tigusineq ajorpugut.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk