Skip to main content
144

Dette jobopslag er udløbet

Suliassanik aqutsisoq – Ilanngaaserisoqarfik

Akileraartarnermut Aqutsisoqarfimmi suliassanik aqutsisutut atorfik ulloq 1. Marts 2019 erseqqinnerusumilluunniit isumaqatigiissuteqariarluni inuttalerniarneqarpoq.
 
Aaqqissuussaanikkut inissisimaneq:
Atorfik Akileraartarnermut Aqutsisoqarfiup Nuummi pingaarnertut allaffeqarfiani Ilanngaaserisoqarfimmiippoq illillu Ilanngaaserisoqarfimmi Allaffiup pisortaa saaffigisartagarissavat.
 
Inuiaqatigiit kalaallit ineriartortuarsinnarput uagullu nakkutilliinermik suliassaqarfitsinni sullissinitsinnut suliassanillu suliarinnittarnitsinnut inuiaqatigiit naatsorsuutigisaat siumut isigisinnaajuarumallugit naammassisarsinnaajuarumallugillu atorfissaqartippatsigit taamatuttaaq akitsuuserinermi allaffissornerup suliassallu suliarineqartarneranni ineriartortitsinermut.
 
Suliassat:

 
Suliassat assigiinngiiaartuupput, soorlu
  • Allaffissornermut suliassallu suliarineqartarnerannut tunngatillugu illit soorunalimi pingaarnerpaassaatit ingerlatsisuullutillu, taamatuttaaq suleriaatsinik nutaanik ineriartortitsinermi.
  • Nakkutilliinissanik pilersaarusiorneq nakkutilliiartortarnerillu suliarisassavatit.
  • Suliassat aalajangersimasut suliarineqartarnerat.
  • Immikkut akuersissuteqartarnermut taxartarnermullu tunngasuni taamatullu suliassaqarfinni allani immikkut ittuni pilersaarusiortarneq naammassinnittarnerlu suliarisarlugit.
  • Viinninik, imigassanik aalakoornartulinnik tupanillu eqqussinissamut akuersissutinik tunniussisarneq malitseqartitsisarnerlu.
  • Ilanngaaserisoqarfiup nammineq suleriaasiinik, periaasiinik, pilersaarutaanik malitassaanillu ineriartortitsineq piviusunngortitsisarnerlu suliarisarlugit.
  • Ilitsersuusiortarluni taamatullu akileraartarnermut akitsuusiisarnermullu tunngassuteqartuni sulisunik ilinniartitsineq, ineriartortitsineq sulisorinniinnarniartarnerlu suliarisarlugit aamma suleqatigisat piginnaasaannut tunngasut.
  • Nammineerluni suliarineqartartut qarasaasiakkut suliarineqartalernissaannik ineriartortitsinermut peqataassalluni
  • Naalakkersuisunut Inatsisartunullu allanullu allakkiat, tusarniaanermut akissutit atortussallu suliarineqartarnerannut peqataasassalluni.
Ilanngaaserisoqarfik aqqanilinnik sulisoqartussaligaavoq.
 
Pisinnaasat
Naatsorsuutigaarput illit:                       
  • Suliat sularineqarneranni eqqarsaatersullaqqissuusutit inatsisilerinermillu taamatullu taakku nassuiarineqartarnerannik ilisimasaqarluarlutit.
  • Suleqatiginnillaqqissuusutit
  • Oqaatsit marluk atorsinnaagitit (kalaallisut danskisullu) taamatullu pisariaqartinneqartutut tuluttut oqalussinnaasutit.
  • Pilersaarusiorneq, attaveqaqatigiittarneq ilisimasanillu avitseqatiginnittarneq nukittuffigigitit.
  • Pitsaasumik suleqatigiissinnaanermut tunngavissiinissat soqutigisarigit
  • Ilanngaaserinermut tunngassuteqartuni paasisimannilersinnaasutit sulissutigineqartussallu aamma aaqqiissutissat siumut oqaatigisinnaasassallugit
  • Inatsisinik sukumiinerusumik paasisimasaqartutit ilanngaaserisoqarfiullu suleriaasiinut paasinnissinnaallutit soorluttaaq Ilanngaaserisoqarfiup suliassaasa suliarineqartarnerannut tamatigoortumik misilittagaqassasutit.
  • Pitsaanerpaanngortitsinissaq siunertaralugu suleriaatsinik nalilersuisinnaassuseqassasutit.
  • Naliliisarluni misissuisarnermut piginnaaneqartutit
  • Sunnertiaatsuullutillu isertuussisinnaassuseqartutit.
  • Kalaallit kulturiannik inuiaqatigiinnerannillu ilisimasaqarneq
  • Sulianut aaqqissuussaanermullu tunngatillugu illit suleqativillu ineriartornissaat sammisarerusukkukku.


Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.