Skip to main content
117

Dette jobopslag er udløbet

Studieadjunktitut, studielektoritut, adjunktitut imaluunniit lektoritut Ilisimatusarfimmi Peqqissaanermut Peqqinnissarlu pillugu Instituttimi inuttassarsiorneq

Atorfik pissanganartoq atuartitsinermik, inerisaanermik ilisimatusarnermillu imalik.
Ilinniartunut qanimut attaveqarneq, ilinniartitsisut eqimattat ikittunnguanik tunniusimasunik inuttallit, ilisimatusarfillu eqiingasoq– ilinnoortuuppat?
 
Ilisimatusarfimmi Peqqissaanermut Peqqinnissarlu pillugu Instituttimi studieadjunktitut/-lektoritut imaluunniitadjunkt ph.d. /lektoritut atorfik 01.08.2021 isumaqatigiissulluunniit naapertorlugu inuttassarsiuunneqarpoq.

Studieadjunktitut atorfeqartitaaneq ukiunik 6-nik sivisussuseqarpoq. Tamatuma kingorna lektorit naliliinerat tunngavigalugu studielektoritut atorfittut aalajangersimasunngorlugu sivitsorneqartarpoq.

Studielektoritut atorfinitsitaaneq pisinnaavoq atorfininnissaq sioqqullugu naliliilluartoqarpat imaluunniit qinnuteqartoq piffimmi allami sammisami lektorimit nalilerneqarsimappat.

Adjunktitut atorfeqartitaaneq nalinginnaasumik ukiunik 4-nik sivisussuseqarpoq, tamatumalu kingorna suli ukiut marluk angullugit sivitsorneqarsinnaalluni.
Tamatuma kingorna lektorip naliliinera tunngavigalugu atorfik lektoritut atorfinngorlugu sivitsorneqarsinnaavoq.

Suliassat:

  • Peqqissaanerup iluani teoriinik periutsinillu, kiisalu ilisimatusaatini allani, atuartitsineq
  • Aqqutissiuussineq soraarummeersitsinerillu
  • Praktikkerfinnik ilinniartunillu praktikkertunik suleqateqarneq
  • Ilisimatusarnermut tunngassutilinnik ineriartortitsinermut tunngatillugu piareersaasiornerit ingerlatsinerillu
  • Piginnaasat naapertorlugit inerisaanerni ilisimatusarnernilu peqataanerit

Neqeroorutigaagut

  • Suliassani assigiinngitsuni namminersortitaaneq
  • Piffimmi kulturit kateriffianni sammisat pædagogikkillu iluanni ilinniartitaanermi piginnaasanillu inerisaanerrmi unammilligassat
  • Ilisimatusarnerit ineriartortut
  • Suleqatit tunniusumasut piumassusillillu
  • Pinngortitaq kulturiluunniit soqutisisarigukkit sunngiffik pisoqarfiujuartoq (uani atuakkit: www.nuuk.gl)
  • Ilinniartitsisunut nutaanut adjunktpædagogikum kiisalu misilittagaqarneq ilisimatusaatinillu pissarsiniarnissaq siunertaralugu sammisamut tunngasunik suliaqarnissamut piffissaq
  • Studieadjunktitut atorfeqartitaaneq ukiunik arfinilinnik sivisussuseqarpoq, ukiunillu marlun-nik sivitsorneqarsinnaalluni. Tamatuma kingorna atorfilik lektorinit pitsaasumik naliliiffigi-neqarnerup kingorna aalajangersimasumik studielektoritut atorfinitsinneqarsinnaavoq. 

Piginnaasat

  • Tunngaviusumik atuartitsinermik aqqutissiuussinermillu misilittagaqarneq
  • Ilisimatusarnernik inerisaanernillu soqutigisaqarneq, ilisimasaqarneq misilittagaqarnerlu
  • Peqqissaasutut qatsorsaanermik misilittagaqarneq
  • Peqqissaasutut Kalaallit Nunaanni sulisinnaanermut akuersissuteqarneq
  • Naleqquttumik kandidatitut soraarummeersimaneq, ajornanngippallu aamma Ph.d.-gradimik angusisimaneqaq.

Qinnuteqaammut ilannguteqquneqarpoq Kalaallit Nunaanni sulisinnaanissamut qinnuteqaat immersoriigaq. Sulisinnaanissamut qinnuteqarnermi immersugassaq nittartakkatsinni nassaarineqarsinnaavoq, https://nun.gl/Emner/Autorisation?sc_lang=da

Atorfik pillugu paasissutissat annertunerusut pineqarsinnaapput Instituttimi aqutsisup Anna Kleist Egedemut attaveqarnikkut oqarasuaat: +299 385903
Peqqissaasunngorniarneq aammalu Peqqissaaneq Peqqinnissarlu pillugu ilisimatusarneq Institutti pillugit annertunerusumik uani atuarneqarsinnaapput: www.uni.gl

Ilisimatusarfik pillugu.
Ilisimatusarfik – Grønlands Universitet –1987-imi pilersinneqarpoq. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu.
 
Ilisimatusarfik sisamanik instituteqarpoq:

  • Kulturimik, Oqaatsinik Oqaluttuarisaanermillu Ilisimatusarfik
  • Ilinniartitsinermik Ilisimatusarfik ilinniartitsisunngorniarfittaqarlunilu meeqqat atuarfianni ilinniartitsisunut ilinniaqqiffissartalik
  • Peqqissaanermik Ilisimatusarfik peqqissaasunngorniarfittalik
  • Inuiaqatigiilerinermik, Aningaasaqarnermik Tusagassiornermillu Ilisimatusarfik

Allaffissornikkut aqutsisoqatigiiffik pillugu:
Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut.
Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisunik, Akademisk Rådimik kiisalu ilimmarfimmi sulisunik ilinniartunillu sullissineq.
Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk