Skip to main content
89

Dette jobopslag er udløbet

Studieadjunkti/-lektori imalt.adjunkti ataaseq inuiaqatigiilerinermut ilinniartitsisussamik Ilinniarfissuarmut

Studieadjunkti/-lektori imalt. adjunkti ataaseq inuiaqatigiilerinermut ilinniartitsisussamik 1. februar 2020 imaluunniit isumaqatigiissuteqarneq naapertorlugu atorfinittussanik inuttarsarsiuineq.

Ilinniarfissuarmi ilinniartitsisunngorniarluni ilinniartitaaneq inuussutissarsiutigalugu suliffittaarnissamut bacheloritut ilinniarneruvoq, Ilisimatusarfiup  ataani Ilinniartitsinermik Ilisimatusarfimmi  ingerlanneqarluni.  Ilinniartitsisut 25-it missaanniittut  suleqatigissavatit.

Ilinniarfissuaq 170-it missiliorlugit ilinniartoqarpoq, tassani ingerlanneqarlutik ilinniartitsisunngorniarneq aamma najugaq qimannagu ilinniartitsisunngorniarneq, ungasianiit qarasaasiaq atorlugu ilinniartitsinermik malinnaanikkut, kiisalu katersuulluni pikkorissarnikkut ingerlanneqartartoq. Tamatuma saniatigut meeqqat atuarfianni ilinniartitsisunik pikkorissaaqqinnerit ilinniartitseqqiinerillu ingerlanneqartarput. Ilinniartitsinermik Ilisimatusarfimmi ilisimatuutut misissuinerit  tunngavigalugit ilisimatusartoqartarpoq, ilinniartitsisullu fagini ilisimatusarnissaminnut inerisaanissaminnullu perifissanik atorluaassasut naatsorsuuteqarfigineqarput. Sulisut ph.d.-nngorniarnissamut piffissamik immikkut aaqqiiffigineqartarput.

Ilinniartitsisumik, ilinniartuutitta siunissami Kalaallit Nunaanni meeqqat atuarfianni ilinniartitsisunngornissaannut patajaallisarnissaannut, kiisalu ilinniartitsisooreersunut piginnaasaatigut qaffasinnissaanik piumaffigineqarnerup naammassinissaanut pikkorissaaqqinnerit - ilinniartitseqqiinerillu suliamut attuumassuteqarlutillu naapertuutut neqeroorutiginerisigut nukittorsaanissami sulerusussusilimmik pissarsiorpugut. Ilinniarfissuup ilinniarfeqarfittut ukiuni 175-inngortorsiorneranut tunngatillugu iluarsartuussinermut pilersaarusiortussamik pissarsiorpugut.
 
Suliassat:

  • Ilinniartitsisunngornianik inuiaqatigiilerinermi ilinniartitsineq
  • Inuiaqatigiilerinermi ataavartumik ineriartortitsineq
  • Ilinniarfissuarmi fagini allani ilinniartitsisoqatigiinik suleqateqarneq
  • Ineriartortitsinermik ilisimatuutulluunniit misissuinernik suliaqarneq, kisimiilluni imalt. suleqatinik atuarfimmilluunniit suleqateqarluni
  • Ilinniartitsisunngorniarluni ilinniartitaanerup ilinniartitseqqiinermilu suliniutinik ineriartortitsinermi peqataaneq
  • Ilinniarfissuup ilinniarfeqarfittut ukiuni 175-inngortorsiorneranut tunngatillugu iluarsartuussinermut pilersaarusiornissaq
  • Pisariaqassappat pisinnaasat naapertorlugit ilisimatuutut misissuineq


Neqeroorutigaavut:

  • Sulinermi avatangiisit ineriartortuartut, suliassat naammassiniarneranni nammineersinnaassutsimik ataatsimoorlunilu suleqatigiinnermik oqimaaqatigiissitsiniarfiusut
  • Ilinniartitsinermi avatangiisit pikialaarfiusut, soqutiginnittunik kajumissuseqartunillu sulisullit
  • Ilisimatuutut misissuisut akornanni suliffik fagini pædagogikkimilu ineriartorfissaqarluartut


Pisinnaasat makku pingaartinneqassapput:

  • Suliassamut attuumaassuteqartumik minnerpaamik kandidatitut
  • ilinniartitsinermik misilittagaqassaatit
  • Ilikkarnartumik atuartitsinermik nalinginnaasumik aalajangersimasumillu atorfininnissaq siunertaralugu ilinniartunik ilinniartitsinermik misilittagaqassaatit
  • Sammisamut IT-mut ilisimasalimmik naleqquttumik peqarputit iserfiusinnaasullu assigiinngitsut atorsinnaallugit, ulluinnarnilu programmit assigiinngitsut atuartitsissutitut atorsinnaallugit.
  • Inuiaqatigiilerinermut tunngassutillit makku pikkoriffiusussatut pingaartinneqarput: politikkikkut oqaluttuarisaanermut ingerlaarfiunikut, aningaasaqarniarneq, kisitsisit atorlugit nalunaarsuusiorneq, inuussutissarsiornermut sanasaq piffiusuni 1953-imiit 1979-imut aammalu 2009


Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk