Atorfik pissanganartoq ilinniartitsinermik, inerisaanermik ilisimatusarnermillu imalik
Ilinniartunut, ilinniartitsisoqatigiinnut ikittunnguanut ilisimatusartunullu sulilluartunut qanimut attaveqarneq – soqutigaajuk?

Ilisimatusarfimmi Peqqissaanermut Pinngortitamullu Institutti aalajangersimasumik studieadjunk-titut/ -lektoritut, adjunkt imaluunniit lektoritut atorfik inuttassarsiorneqarpoq ulloq 01.04.2023 imaluunniit isumaqatigiissuteqarneq naapertorlugu.

Instituttimi peqqissaasunngorniarneq bacheloorinngorniarfiusoq, misissuisarfimmi aqqutissiuussineq pikkorissaanerillu ataasiakkaat ingerlanneqartarput. Instituttimittaaq aallunneqartut ilagaat Kalaallit Nunaanni peqqissutsip ilisimatusaatigineqarneranik suliaqarfik sulliviusoq eqeersimaartoq siuariartortorlu.

Suliassat

• Peqqinnissamut tunngasut teoreertaannik suleriaasiinillu, aammalu ilisimatusaatiginerannik ilinniartitsineq
• Ilinniartunik opgaviliornerit aalajangersimasunillu sammisaqarnerit nalaanni aqqutissiuussineq
• Praktikkerfinnik ilinniartunillu praktikkertunik suleqateqarneq
• Atuartitsinerup ilisimatusarnermut ineriartortinniarneranut tunngasuni piareersaasiorneq suliaqarnerlu
• Piginnaasat naapertorlugit inerisaanerni ilisimatusarnernilu suleqataaneq

Neqeroorutigisinnaavarput

• Suliassani namminersortitaangaatsiarneq
• Inuiaqatigiinni arlalinnik kultureqarfiusumi ilinniartitsinermi piginnaasanillu qaffassaanermi atuagarsornikkut. perorsaanerullu tungaatigut unammilligassarpassuit.
• Ilisimatusaqatigiit soqutiginnnillutillu siuariartortut.
• Suleqatit tunniusimallutillu piumassusillit.
• Sulinngiffeqarneq sammisassanik periarfissiisoq, apeqqutaatinnagu pinngortitamik kulturimilluunniit soqutigisaqarneq (uani annertunerusumik atuarsinnaavat: www.nuuk.gl).  
• Ilinniuartitsisunut nutaanut adjunktpædagogikum ilinniagaqarneq aammalu sammisap iluani ilisimatusaatinik angusaqarnissaq siunertaralugu sulinermut piffissaqartitaaneq.

Piginnaasat

• Atuartitsinermik aqqutissiuussinermillu misilittagaqarneq
• Ilisimatusaatinik inerisaanermillu sulinermik soqutigisaqarneq, ilisimasaqarneq misilittagaqarnerlu
• Peqqissaasutut sulinermik misilittagaqarneq
• Kalaallit Nunaanni peqqissaasutut sulisinnaanermik allagartaqarneq
• Suliamut naleqquttumik kandidatitut ajornanngippallu Ph.d.-mik soraarummeersimaneq

Qinnuteqaat:
Qinnuteqartup ersarissumik nalunaassavaa adjunktitut, lektoritut, studieadjuntitut imaluunniit studielektoritut atorfik qinnutiginerlugu. Qinnuteqaammut ilannguteqquneqarpoq Kalaallit Nunaanni sulisinnaanissamut qinnuteqaat immersoriigaq.
Sulisinnaanissamut qinnuteqarnermi immersugassaq nittartakkatsinni nassaarineqarsinnaavoq  Autorisation (nun.gl)

Attavigisassat/ilisimatitsissutit:
Atorfik pillugu paasisssutissat annertunerusut pissarsiarineqarsinnaapput Instituttimi aqutsisumut Anna Kleist Egede-mut attaveqarnikkut, oqarasuaat 385903.  Peqqissaanermut ilinniarfik pillugu annertunerusunik atuagaqarsinnaavutit uani: www.uni.gl

Naliliisarneq atorfinitsitsisarnerlu, adjunktinut lektorinullu atorfinnut
Qinnuteqartut nalilerneqarnerat malittarisassat atuuttut naapertorlugit naliliisartunit ilisimasalinnit ingerlanneqartarpoq. Qinnuteqartut piffissap qinnuteqarfiusup naareernerani  naliliisartut inuttalersornerinik ilisimatinneqassapput. Qinnuteqaatit takkussuuttut naliliisartoqatigiinnit misissorneqassapput, tamanna pereerpat taakkua Instituttimi aqutsisumut innersuusiussallutik.

• Studieadjunktitut atorfeqartitaaneq ukiunik 6-nik sivisussuseqarpoq, tamatumalu kingorna suli ukiut marluk angullugit sivitsorneqarsinnaalluni. Tamatuma kingorna lektorit naliliinerat tunngavigalugu studielektoritut atorfittut aalajangersimasunngorlugu atorfinitsinneqarsinnaavoq.
• Studielektoritut atorfinitsitaaneq pisinnaavoq atorfininnissaq sioqqullugu naliliilluartoqarpat imaluunniit qinnuteqartoq piffimmi allami sammisami lektorimit nalilerneqarsimappat.
• Adjunktitut atorfeqartitaaneq nalinginnaasumik ukiunik 4-nik sivisussuseqarpoq, tamatumalu kingorna suli ukiut marluk angullugit sivitsorneqarsinnaalluni. Tamatuma kingorna lektorip naliliinera tunngavigalugu lektoritut atorfittut aalajangersimasunngorlugu atorfinitsinneqarsinnaavoq.
• Lektoritut atorfinitsitaaneq pisinnaavoq atorfininnissaq sioqqullugu naliliilluartoqarpat imaluunniit qinnuteqartoq piffimmi allami sammisami lektorimit nalilerneqarsimappat. 

Ilisimatusarfik pillugu.
Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut qulingiluaallutik taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu.
Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.
 
Ilisimatusarfik sisamanik instituteqarpoq:

• Kulturimik, Oqaatsinik Oqaluttuarisaanermillu Ilisimatusarfik
• Ilinniartitsinermik Ilisimatusarfik ilinniartitsisunngorniarfittaqarlunilu meeqqat atuarfianni ilinniartitsisunut ilinniaqqiffissartalik
• Peqqissaanermik Ilisimatusarfik peqqissaasunngorniarfittalik
• Inuiaqatigiilerinermik, Aningaasaqarnermik Tusagassiornermillu Ilisimatusarfik. 

Allaffissornikkut aqutsisoqatigiiffik pillugu:
Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisuniik, Akademisk Rådimik kiisalu ilimmarfimmi sulisunik ilinniartunillu sullissineq.
Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk