Skip to main content
67

Dette jobopslag er udløbet

Socialmedhjælper-itut, sundhedshjælper-itullu ilinniarsimasunik immikkoortortaqarfitsinnut tamanut pissarsiorpugut

Najugaqarfik Elisibannguaq-mi Isumaginninnermut Ilaqutariinnut Naligiissitaanermut Inatsisinillu Atuutitsinermut Naalakkersuisoqarfik-up ataaniittoq, socialmedhjælper-itut, sundhedshjælper-itullu ilinniarsimasunik immikkoortortaqarfitsinnut tamanut pissarsiorpugut.
 
Najugaqarfik Elisibannguaq tassaavoq inersimasunut eqqarsartaatsimikkut innarluutilinnut najugaqarfiu-soq. Najugaqarfiit katillugit 21-inik najugaqarfigineqarsinnaasoq. Najugaqartut 37-it 73-illu akornanni ukioqartuupput.
Immikkoortortat Elisibannguaq ilanngullugu sisamaapput, ukuusut:
Najugaqarfik Elisibannguaq 12-nik najugaqarfigineqarsinnaasoq. Ukaliusaq sisamanik najugaqarfigineqar-sinnaasoq. Sikkerneq tallimanik najugaqarfigineqarsinnaasoq.
Sannavik Inneruulat ulluunerani innarluutilinnut sammisassaqartitsivittut ornittagaq.
 
Isumaginninnermut peqqinnissamullu ikiortitut ilinniarsimasunut qinnuteqartussanut piumasaqaataapput:

  • Piareersimaffigissagit sulisooreersut peqatigalugit ulluinnarni perorsaanermut sungiusaanermullu tunngasut suliarissallugit.
  • Aalajaatsuusutit piffssamillu eqquisuusutit.
  • Kalaallisut qallunaatullu oqaatsinik atuisinnaasutit.
  • Soqutigisaqarfigissagit misilittagaqarfigalugulu eqqarsartaatsimikkut kinguarsimasunik sullitaqarnissat.
  • Pinerlussimasuussanngitsutit
  • Piareersimaffigissagit najugaqartumik illoqarfimmut allamut angallassisinnaanissat.

 
Sulineq sapaatip akunneranut 40 tiimi-nik sivisussuseqarpoq, kiisalu nikerartumik sapaatillu akunnerisa naanerini nalliuttunilu sulisarnissaq naatsorsuutigineqassaaq.
 
Ulloq atorfiniffissaq qinnuteqarfissamullu killissarititaq:
 
Qinnuteqarfissaq kingulleq 05.08.2020
Atorfiniffissaq: 01.09.2020 imaluunniit isumaqatigiissuteqarnikkut.
 
Annertunerusumik paasisaqarusukkuit pisortamut Ane B. Jensen-imut saaffiginnissinnaavutit tlf.: 81 33 43 kiisalu e-mail: ne-forstander@nanoq.gl imaluunniit e-mail ataani allassimasumut allannikkut paasiniaasoqarsinnaalluni.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk