Skip to main content
111

Dette jobopslag er udløbet

Siusissukkut Suliniuteqarnermut Siunnersorti

Meeqqat tamarmik ajunngitsumik inuuneqarnissamut pitsaanerpaanik tunngavissaqarnissaannut siunnerfeqarluartumik sulinissamut kajumissuseqarpit, ataatsimoorfimmut peqataarusuppit aamma suliatigut inuttullu piginnaasatit ineriartortikkusuppigit? Ineriartornissamut pitsaaliuillunilu suliniuteqarnissamut kajumissuseqarluarpit? Taava atorfik una ilinnut tulluartuuvoq.

Isumaginninnermut Aqutsisoqarfik suleqatissamik suliniutinut tunngasunik suliaqarnernik misilittagalimmik aamma pitsaaliuinermik suliassaqarfimmi ilorraap tungaanut allannguinissamut kajumissuseqartumik pissarsiorpoq. Atorfik oqartussaasoqarfiit assigiinngitsunik suliallit akornanni pitsaaliuinermut immikkoortortaqarfiup PAARISA-p ataani tunngavissinneqarsimavoq tassanilu ilaatigut nuna tamakkerlugu periutsit nutaat kiisalu Peqqinnissaqarfiup aamma isumaginninnerup iluani suliniutit kommunit oqartussallu allat qanimut suleqatigalugit suliarineqartarput. Immikkoortortaqarfimmi assigiinngitsunik suliallit suliniutaat suliassaapput pingaarnerit, tamatumani innuttaasut qitiutinneqarlutik.

Atorfik pillugu
Suleqatigiinni isumassarsianik ineriartortitsisarnermik, ataqatigiissaarisarnermik, akuutitsinermik atuuttunngortitsinermillu pingaartitsisuni suleqataassaatit. Ilaatigut naartusut ilaqutariillu mikisunik meerartallit pillugit Siusissukkut suliniutini nutaamik eqqarsarluni siunnerfeqarluartunik suliaqartassaatit.
Sulininni suliassatit ilaatigut makkuussapput:
  • Politikikkut suliniutit akuerisat ineriartortinneqarnissaat atuuttunngortinnissaallu
  • Assigiinngitsunik suliallit suleqatigiinnerannik ataqatigiissaarinerit, tassunga ilanngullugit suliassat assigiinngitsunik suliallit oqartussaaffigissaannik iluarsillugit suliarineqarnissaat qulakkiissallugit
  • Siusissukkut Suliniuteqarnernut allatseqarfimmi suliassat
  • Siusissukkut Suliniutinik pisussanik ingerlaavartumik ataqatigiissaarinerit
  • Siusissukkut Suliniuteqarnerni assigiinngitsunik suliallit suleqatigalugit
  • Ingerlaavartumik nakkutilliinerit, uppernarsaanerit nalilersuinerillu
  • Ataatsimiinnissat, workshopernissat il.il. pilersaarusiorneri aaqqissuunnerilu
  • Allatanik atortussiornerit soorlu suliniutit pillugit allaaserisanik, allakkianik nalunaarusianillu
  • Ineriartortitsinernik suliniutinik nutaanik suliaqarnerit
  • Ilisimasanik katersinerit siammarterinerillu
  • Malitseqartitsinerit atuuttussanngortitsinerillu.

Piginnaasatit
Makkuninnga piginnaasalimmik suleqatissarsiorpugut:
  • Attuumassuteqartumik ilinniaqarpit, soorlu perorsaanerup, tarnip pissusaanik ilisimasallit iluini, peqqissutsimik suliallit imaluunniit isumaginninnermik suliassaqarfiit iluini
  • Diplomimik, masteritut kandidatitulluunniit attuumassuteqartunik ingerlaqqissimaguit iluaqutaassaaq
  • Suliniutinik ineriartortitsinermillu suliaqarnernik misilittagaqarneq
  • Siusissukkut suliniutinik pitsaaliuinermillu suliassaqarfinnik ilisimasalik misilittagalilluunniit
  • Allattariarsornermik oqaluttariarsornermillu paasissutissiisarnernut piginnaaneqarluartoq
  • Periusissiorsinnaanermik, misissueqqissaarisinnaanermik allatullu eqqarsarsinnaassuseqarneq
  • Nammineerluni suliaqarsinnaasoq aamma tunaartaqarluni periusissianik pilersaarusiorsinnaasoq ineriartortitsinernillu ingerlatsisinnaaneq
  • Aaqqissuussaasumik suleriaaseqarneq angusaqarluarnissamillu pingaartitsisuuneq
  • Pimoorussisoq inunnillu assigiinngitsorpassuarnik suleqatiginnillaqqissoq
  • Marluinnik kalaallisut danskisullu oqaasilik aamma tuluttut nalinginnaasumik atuisinnaasoq.


Siusissukkut Suliniuteqarnermi sulinerup saniatigut atorfimmi Paarisami suliniuteqarfinni allani suliatigut suliassaqartiterpoq, soorlu nakuusernermut, kinguaassiutitigut peqqissutsimut, kinguaassiutinik atornerluinernut, MANU-mut, imminut toquttarnernut, imigassamut, pujortartarnermut, hashimut, nerisanut il.il. tunngasut.
Naalakkersuisut Danmarkimilu naalakkersuisut 2019-imi oktobarimi Kalaallit Nunaanni meeqqat inuusuttullu atugarliortut pillugit suliniutinik suleqatigiissutiginninnerit nukittorsarnissaat aamma tamanna pillugu assigiinngitsunik suliallit ataatsimut suliassaasa pilersinneqarnissaat isumaqatigiissutigaat.  Suliaq suliniutit siunnerfeqarluartut 16-it pillugit siunnersuutinik kinguneqarput, tamatumani meeqqat pillugit suliassaqarfimmi Siusissukkut Suliniutit killiliusssat nukittorsakkat ilagalugit. Taamaalilluni atorfik kalaallinik danskinillu assigiinngitsunik sulialinnik aallaaveqarlunilu 2023-p tungaanut killeqartinneqarnissaa aallaavigineqarpoq, sivitsorneqarsinnaassaarli.

Isumaginninnermut Aqutsisoqarfik pillugu
Isumaginninnermut Aqutsisoqarfik Naalakkersuisuni tullinnguuttunik arfinilinnik immikkoortortaqarfeqarluni Aqutsisoqarfiuvoq: Pitsaaliuinermut immikkoortortaq Paarisa, Aningaasaqarnermut immikkoortortaqarfik, Ulloq unnuarlu paaqqinnittarfinnut tulleriiaarisarnermullu immikkoortortaq, Oqartussaasunut immikkoortortaqarfik, Pineqaatissinneqarsimasunut immikkoortortaqarfik aamma Allattoqarfik. Immikkoortortaqarfiit qanimut suleqatigiittarput suliffiuvorlu suliassanut tunngatillugu amerlasuunik unammilligassaqarfiusoq.
 
Ulloq atorfiniffissaq: 1. decembari 2020 isumaqatigiissuteqarnikkulluunniit.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Ineqarneq
Atorfimmut atatillugu inissiamik pisatsersugaanngitsumik inissaqartitsisoqarsinnaavoq. Qinnuteqartorli Namminersorlutik Oqartussani atorfeqarnerminut atatillugu sulisutut ineqareersimaguni sulisunut inissiamik innersuussiffigineqarsinnaanini attatiinnassavaa. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Sulisumut inissiaq atorfinitsinneqarnermut ilaavoq, atorfiullu atorfigiunnaarnerani kingusinnerpaamillu pilersaarut naammassineqarpat qimanneqassalluni. 
 
Paasissutissat amerlanerusut:
Atorfik pillugu sukumiinerusumik paasisaqarumaguit Paarisami immikkoortortaqarfimmi pisortaq Ditte Enemark Sølbeck ugguna attavigisinnaavat ditt@nanoq.gl /+299 34 60 37 imaluunniit suliassanik aqutsisoq Rikke Louise Kuhn ugguuna riku@nanoq.gl/ +299 34 68 52 attaveqarfigisinnaavatit

Qinnuteqarnissamut killissarititaq: 5. novembari 2020 nal. 12.00 (nunatsinni nalunaaqutaq malillugu)

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk