Find job
Dette jobopslag er udløbet
Siunnersorti / controller Lønteknik-imut atorfinittussamik pissarsiorpoq, isumaqatigiissuteqarnikkut atorfinittoqarsinnaavoq
Inuttassarsiuteqqitaq
Namminersorlutik Oqartussat - Aningaasaqarnermut SulisoqarnermulluAqutsisoqarfikJuni 2023
Siunnersorti / controller Lønteknik-imi atorfinittussamik pissarsiorpoq.
Immikkoortortaq pillugu
Lønteknik-imi suliarineqartarput, akissarsialerissummik isumaginninneq, ikkussuinerit, tulluarsaanerit iluarsaasinerillu, kiisalu Kalaallit Nunaanni Namminersorlutik Oqartussat akissarsisitseriaasianik ingerlatsineq, taanna aamma kommuninit atorneqarluni.
Atortorissaarut nuna tamakkerlugu atorneqartussatut akuersissutitut pissarsiaavoq nunamullu tamarmut atuuttuuvoq programinik Mit-Perspektiv-imik piffissamillu nalunaarsuisarnernut atortorissaarutitalik, taaguutilik Webtas. Atortorissaarutit ataatsimoortillugit Namminersorlutik Oqartussani aningaasaqarnermut sulisoqarnermullu aqutsisoqarfimmit ingerlanneqarput. Lønteknik-ip akisussaaffigaa, serverimi paasissutissat isumannaatsuunissaat kiisalu isumaqatigiissutinut takussutissiat ataavartumik ikkussuuttarnissaat, taakku isumaqatigiissutinut atuuttunut naapertuunnissaat anguniarlugu. Kiisalu Kommunit akissarsialeriffiini atuisunut ikiorsiineq, ilitsersuineq pikkorissartitsinerillu Lønteknik-imiit akisussaaffigineqarput.
Ullumikkut Lønteknik-imi siunnersortit pingasuupput. Siunnersortit Sulisunut Isumaqatiginninniarnermullu pisortamut attaveqartarput.
Suliassatit:
Siunnersortitut akisussaaffissatit ilaatigut makkuupput, Aningaasaqarnermut Sulisoqarnermullu Aqutsisoqarfimmi kommuninilu akissarsilerivinnut ikiorsiineq. Akissarsialerissummi pitsaassutsimik qulakkeerinninneq. Suliffeqarfimmi ilitsersuusiorneq akissarsialeriaatsinullu ineriartortitseqataaneq.
Makkuninnga nammineq piginnaasaqarnissat naatsorsuutigaarput:
- Allaffimmiutut ilinniarsimasoq
- Ataqatigiissaarisinnaaneq, akisussaassuseqarneq peqqissaartuunerlu
- Akissarsialereriaatsimik akissarsialerinermillu ilisimasaqarneq
- Isumaqatigiissutinik ilisimasaqarneq iluaqutaassaqaaq
- Namminersortumik suleqatigiinnilu sulisinnaaneq
- IT-mik aamma matematikimik paasisimasaqarluarneq
- Marluinnik oqaaseqartuuguit iluaqutaassaaq
- Pikkorissarnernik ingerlatsinermi ersarissumik paasiuminartumillu attaveqarsinnaaneq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Paasissutissanik annertunerusumik pissarsiniarnermi uku attavigineqarsinnaapput: Susanne Kreutzmann Pedersen, e-mail.: susanne@nanoq.gl aamma oqarasuaat 34 64 70, kiisalu Frederik Schmidt, e-mail.: fsch@nanoq.gl, oqarasuaat 34 66 81
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job