Find job
Dette jobopslag er udløbet
Siunnersorti (AC-fuldmægtig) attaveqaqatigiinnermut politikkikkullu aqutsinermut piginnaasalik
Aatsitassanut Inatsisillu Atuutsinneqarnerannut Naalakkersuisoqarfik qaffasissumik ilinniarsimasumik suleqatissarsiorpoq pitsaasumik attaveqarsinnaasumik aqutsisunik kiisalu allaffissornerup iluani aamma avammut politikikkut attaveqarnermut sullissisussamik.
Allaffeqarfimmi pitsaasunik suliamut ilisimasaqarluartunik sulisulimmi atorfik pissanganartoq neqeroorutigaarput, tassani periarfissaqarluni suliatigut inuttullu ineriartorsinnaaneq.
Aatsitassanut Naalakkersuisoqarfimmi qaffasissumik ilinniagalittut suleqataasutut, suleqatigiinnut pikkorissunut sulilluartunullu suleqataalissaatit aammalu ulluinnarni ingerlatsinermut ineriartortitsinermullu sunneeqataanissamut periarfissaqassallutit. Kissaatitit piginnaasatillu tunngavigalugit suliassatit annertuumik nammineerlutit sunnersinnaassavatit
Pitsaasissaaq kalaallisut, danskisut ajornanngippallu tuluttut piginnaasaqaruit kiisalu kalaallit piorsarsimassusaannik inuiaqatigiivinillu ilisimasaqaruit
Suliassatit pingaarnerit tassaapput:
- aqutsisunik sullissineq
- Inatsisartuni Naalakkersuisunilu ilaasortat politikikkut apeqqutaannut akissuteqartarnermut peqataaneq, kiisalu politikikkut nalunaarutinik suliaqarnermut peqataaneq.
- Suliffiup avataanut attaveqarneq tusagassiorfinnut nalunaarutit aamma attaveqaatigineqartartunut assigiinngitsunut attaveqarnermik suliaqarneq.
- Sammisat ajornakusoortut paasineqarsinnaasumik kiisalu innuttaasunut suliffeqarfinnullu paasiuminartumik ingerlateqqinneqartarnissaat akisussaaffigalugit.
Suleqatissatsinnik Makkuninnga piginnaasaqartunik ujaasivugut:
- Atorfimmut naleqquttumik ilinniagaqarsimaneq, minnerpaamik Bacheloritut imaluunniit allaffissornermi aningaasaqarnermilu ilinniarsimanissaq.
- Allakkatigut oqaatsitigullu attaveqallaqqissuusutit
- Sammisat ajornakusoortut paasinartumik ingerlateqqissinnaallugit
- Politikikkut sulianut paasinnilluarsinnaaneq aammalu qaffasissumik siunnersuisinnaaneq ilitsersuisinnaanerlu
- Suliassanik suliaqarnermi tamakkiisumik isiginnissinnaaneq
- Suleqatikkuminartuuneq
- Akisussaassusilik sulianillu naammassinnissinnaasoq
- Avatangiisiminut arajutsinianngitsuussaaq nammineerlunilu suliassarsiorsinnaassalluni.
Immikkut siunnersortitut atorfinininnissaq periarfissaqarpoq.
Piumasaqaataavoq pinerlussimannginnermut uppernarsaateqarnissat.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job