Skip to main content
88

Dette jobopslag er udløbet

Siulittaasup Naalakkersuisoqarfiata Inatsisinut immikkoortortaqarfianut Inatsisileritooq

Naalakkersuisut Siulittaasuata Naalakkersuisoqarfia inatsisilerituumik pisortani inatsisilerinermik soqutiginnillunilu ilisimasalimmik pissarsiorpoq, Inatsisilerinermut immikkoortortap suliassaanik ingerlatseqataasussamik aamma sullissinermi inatsisinillu isumasiuinermi inatsisitigut qulakkeerinneqataasussamik.

Naalakkersuisut Siulittaasuata Naalakkersuisoqarfia
Kalaallit Nunaanni Namminersorlutik Oqartussat suliassaqarfinnut tigusimasaminnut tunngatillugu inatsisiliortuullutillu inatsisinik atuutsitsisuupput. Inatsisartut inatsisiliortuupput Naalakkersuisullu inatsisinik atuutsitsisuullutik. Naalakkersuisut aqutsisoqarfii maanna naalakkersuisoqarfinnut 11-nut agguataagaapput.

Naalakkersuisut Siulittaasuata Naalakkersuisoqarfia Kalaallit Nunaanni naalakkersuisut siulittaasuannik sullissisuuvoq naalakkersuisullu politikiannik ataqatigiissaarisuulluni, naalakkersuisut siunnersuutaasa Inatsisartuni suliarineqarnissaat isumagisarpaa kiisalu naalakkersuisoqarfinni tamani suliniutigineqartut misissugassallu isumagisarlugit.

Inatsisilerinermut immikkoortortaq
Inatsiseqarnermut immikkoortortap suliassai ilaatigut makkuupput:

  • Naalakkersuisoqarfiit ataasiakkaat, Inatsisartut allaffeqarfiat danskillu oqartussaasui suleqatigalugit inatsisissanik piareersaanermi ikorfartuisarneq pilersaarusiortarnerlu
  • Inatsisartut inatsisaannut siunnersuutinik, Namminersorlutillu Oqartussat nalunaarutaannik inatsisitigut periuutsinik misissuineq, kiisalu taakkunannga atortussanngortitsinerit nalunaarutiginnittarnerillu.
  • Inatsisitigut pitsaassutsip, inatsisilerinerup aamma inatsisitigut sammisat allat iluanni naleraqartitsineq.
  • Naalakkersuisoqarfiit tamaasa akimorlugit inatsiseqartitsinikkut suliassanik isumaginninneq
  • Naalakkersuisut siulittaasuannik Naalakkersuisoqarfinnillu inatsiseqarnikkut siunnersuisarneq, tassunga ilanngullugit inatsisit tunngavigalugit allakkiorlunilu akissuteqaasiortarneq.
  • Naalakkersuisut Inatsisartullu naalakkersuinikkut sunniiveqatigiittarnerannut tapersiisarneq aamma inatsisissap piareersarneqarnissaanut ataatsimiititaliap suliaqarneranut peqataasarneq.
  • Inatsisartut ataatsimiiffissaannik ataqatigiissaarineq, tassunga ilanngullugu ataatsimiinnerni Naalakkersuisunit oqaluuserisassanngortitanik nalunaaruteqarneq.


Inatsiseqarnermut immikkoortortami inatsisilerituutut Naalakkersuisut Siulittaasuata Naalakkersuisoqarfiani eqeersimaartumik atorfeqassaatit.

Ilinnut tunngasut

  • Cand. jur.-itut ilinniarsimasuuvutit pitsaasumik atuagarsornikkut tunuliaquteqarlutit. Ilinniakkaminnik naammasseqaat aamma kajumissaarpagut atorfimmut qinnuteqaqqullugit.
  • Pisortat inatsisaannik tamakkiisumik immikkut ittumik soqutigisalik, ingammik pisortat ingerlatsinerat aamma inummut paasissutissat pillugit inatsisinik.
  • Suleqatigiit inatsisitigut suliaqarnissamut toqqammaveqarluartut tunniussimasullu amerlanngitsut akornanni sulilerusuppit.
  • Suleqatigiuminartuuvutit, isumasioqatigiuminartuuvutit aamma suleqatinnut ilisimasannik avitseqatigiillaqqissuullutit.
  • Oqaatsitigut allattariarsornikkullu attaveqarluarsinnaassuseqassaatit.
  • Qiimasuussaatit suleqatigiillu persuarsiorpallaanngitsut akornanniinnissaq kajumissuseqarfigissavat.


Kalallisut/danskisullu oqaaseqartuuneq iluaqutaassaaq.

Akissarsianut atorfinitsitaanermullu tunngasut
Akissarsiat atorfinitsitaanermilu atugassarititaasut, aamma atorfininnermi soraarnermilu angalanissamut kiisalu pisattat assartorneqarnerinut tunngasut Namminersorlutik Oqartussat sulilertussallu kattuffiata isumaqatiginninniarsinnaatitaasup akornanni isumaqatigiissutit naapertorlugit pissapput.

Qinnuteqartut pisariaqartinneqartunik misilittagallit immikkut siunnersortitut atorfinitsinneqarsinnaapput.

Inissaqartitsineq
Atorfimmut atatillugu malittarisassat sukkulluunniit atuutsinneqartut naapertorlugit sulisunut inissiamik pequsersoringaanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusia nikerarsinnaapput inissiap qanga sananeqarsimanera, piginnittua il.il. apeqqutaallutik. Sulisutut ataavartumik initaarnissaq utaqqinarsinnaavoq, taamaammat utaqqiisaasumik inissiisoqarsinnaasarpoq, matumani aamma najugaqatigiiffiit minnerusut imaluunniit akunnittarfinni inissiat pineqarput, taakkulu akileraarusersorneqassallutik.

Sulinngiffeqarallarneq
Danmarkimi naalagaaffimmi kommuninilu sulisut Namminersorlutik Oqartussani atorfinitsinneqartut piffissami killiligaanngitsumi sulinngiffeqarnissamut pisinnaatitaaffeqarput.

Qinnuteqarnissamut killissarititaq: Ataasinngorneq, ulloq 27 juli 2020, nal. 12:00.

Atorfininneq: 1. september 2020 isumaqatigiissuteqarnikkulluunniit

Atorfinitsitsinissamut oqaloqateqarnissat ingerlanneqassapput sapaatip akunnerani 31/2020.

Atorfik pillugu erseqqinnerusumik paasisaqarusukkuit
Inatsisileriffiup pisortaanut Jógvan Svabo Samuelsen, e-mailikkut josn@nanoq.gl-imut oqarasuaatikkulluunniit (+299) 34 51 31-mut saaffigisinnaavutit.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

  Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk