Skip to main content
122

Dette jobopslag er udløbet

Sisimiuni Kalaallit Nunaani maskinmesteritut ilinniarfimmut sulisartumik/ilinniartitsisumik

Ilinniartuutigut ineriartortillugillu isummersussavatit

Suleqatitit, aqutsisut inuussutissarsiortullu peqataaffigisagut peqatigalugit siunissami maskinmesterissat ilinniartitseqataaffigerusuppigit? Taava immaqa Sisimiuni Sanaartornermut Ilinniarfimmi atuartitsisussaraatsigit nutaaq.
Københavnimi Maskinmesterskolip januar 2022-mi Sisimiuni maskinmesterinngorniarluni ilinniarneq aallartissavaa, tassani 2021-mi ukiakkut Lyngbymi Københavnimiittumi piffissami aalajangersimasuni ilinniartitsisoqassaaq.
Københavnimi Maskinmesterskoli Tech College Greenlandimi – Teknikkimut Ilinniarfiimi (KTI-mi) inissisimavoq. KTI ilinniarfiuvoq nutaaliaasoq, inuussutissarsiutitigut ilinniarnernik, oqaatsinik pikkorissarnernik, ilinniarnertuunngornianermik, taakkualu saniasigut KTI Danmarks Tekniske Universitet – ARCTIC DTU ingerlatsinermi suleqatigaa.

SULIATIGUT PIGINNAASAT

  • Industriteknikeritut, sannatiliortutut, saffiuutut, aquuteralannik qamuteralannillu mekanikeritut imaluunniit assigisaannik illinniagaqarputit.
  • Suliaqarfinni ukiuni arlalinni inuussutissarsiornermik misilittagaqarputit.
  • Danskisut aamma kalaallisut attaveqaqatiginnissinnaavutit.

INUTTUT PIGINNAASAT

  • Ilinniartitsineq kajumigilluinnarpat inuusuttunillu ilinniartitserusullutit.
  • Attaveqatigiinneq oqariartuuteqarnerlu pikkoriffigaatit.
  • Atuakkaniittut tigussaasunngortinnerat nuannaraat atuagarsuutillu tigussaasumik takunissaat nuaannaralugu.
  • Ilinniartut siunnersornerat ikorfartornerallu nuannaraatit.
  • Ineriartortitsineq allannguinerlu ilorrisimaarutigaatit.
  • Sulisooqataalluarputit.
  • Ammasuuvutit suleqatiginnittuullutillu.

SUNIK NEQEROORUTEQARPUGUT

  • Lyngbymi ilinniarnerup nalaani ilinniartitsisut nutaat misilittagallillu suleqatigiittut akuliuffigissavatit, kiisalu malitsigisaanik Sisimiuni.
  • Suliassaqarfimmik ineriartortitsinermut peqataassaatit.
  • Københavnimi Maskinmesterskolimi, Sisimiuni, ilinniartitsisutut ilinniartoqarfimmut angisuumut ilanngutissaatit, taanna piffissamut malinnaasuuvoq inuussutissarsiortullu pisariaqartitaat ilutigalugit ineriartortuulluni.
  • Suleqatit pitsaasut peqatigalugit suliffeqarfimmi unammillernartulimmi allanngorartumilu atorfik.
  • Atuarfik ilinniaqqinnissamut periarfissanik neqerooruteqarpoq.
  • Lyngbymi ilinniarnerup nalaani unnukkut suliaqartarnissaq pisinnaavoq.
  • Sisimiut sanaartornermut atuarfitsinnik ineriartortitsineq annertuumik peqataaffigissallugu periarfissaqassaatit.

Qinnuteqaat aamma attaveqarneq

Atorfik pillugu apeqqutissaqaruit ilinniartitaanermut pisortaq Tommy Birkebæk mobiilimut mobil + 45 24 48 30 22 - tbi@msk.dk – attavigisinnaavat.

Atorfik 1. august 2021 imaluunniit isumaqatigiissuteqarnikkut inuttalerneqarusuppoq.
Atorfinitsitaanerup qaammatini misiliutitut aallaqaasernissaa kissaatigaarput.

MSK PILLUGU
Maskinmesterskolimi Københavnimiittut tulluusimaarutigaarput, inuussutissarsiortutit killiit tamaasa qaangerlugit piumaneqaratta. Oqaatigilluaannarlugu, Danmarkimi nunallu killeqarfiata avataani atuagarsornikkut paasisimasaqarneq, assassorsinnaassuseq, iliuuseqarsinnaassuseq aamma pikkorissuseq, MSK-rmiut ilisarnaataat – ilinniartut, ilinniartitsisut inuussutissarsiornermullu peqataasut.
Tassami Maskinmesterskolimi Københavnimiittumi polytekniskimik aqutsisutut ilinniarneq nunarsuarmi pitsaanerpaaq neqeroorutigaarput. Tamatumani aqutseriaaseq aaqqissuussaanerlu nutaaliaasut maskintekniskimik tigussaasumillu ilinniakkani ilaapput, taamaasilluni ilinniartoq naammassinikoq inunnik maskinanillu suliaqarsinnaassaaq.
Ilinniagaqartitsinerput tassaavoq pitsaassutsimik naqissusiineq matunik ammaasoq kiisalu imaani, nunami aamma aqutsinermi torsuusani suliassaqalersitsisoq.
MSK 800-t missaannik kiisalu 60-it sinnerlugit ilinniartitsisoqarluni nunap maskinmesterskolerivaa pisoqaanerpaaq, tassani 1906-imili maskinmesterinik ilinniartitsisalerpugut.
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk