Skip to main content
106

Dette jobopslag er udløbet

Sisimiuni Gertrud Rask Minde Isumaginninnermi ikiortissarsiorpoq

Gertrud Rask Minde isumaginninnermi ikiortinik marlunnik atorfinittussanik pissarsiorpoq ulloq 1. april 2019 aallarnerfigalugu imaluunniit piaartumik.
Gertrud Rask Minde ulloq unnuarlu angerlarsimaffiuvoq meeqqanut innarluutilinnut 7-18-inut ukiulinnut.
Marlunnik immikkoortortaqarpoq, immikkoortortaq Nanuaqqaniipput 7-iniik 16-inut ukiullit, arlalinnik innarluuteqartuusut (multihandicap).
Immikkoortortaq Akulliit, tassani najugaqarput meeqqat 12-iniit 17-inut ukiullit taakkuupput ADHD-mik innarluuteqartut assingusumilluunniit.

Atorfiit:
Atorfiit inuttalerneqarniartut Nanuaqqat-ni atorfeqarfiussapput.
Nanuaqqani meeqqat ikorfartorneqarnissamik pisariaqartitsisuupput. Taamaattumik atorfillit arlaqartut makkuupput, perorsaasoq, inunnik isumaginninnermi ikiortit aammalu ilinniarsimanngitsut.
Meeqqat ataasiakkaarlugit ullormut ineriartornissaannut aammalu passunneqartarnerinut atatillugu pilersaarusiortoqartarpoq.
Piumasarineqartarpoq ataqatigiinneq, ilisareqatigiinneq aalajaatsuuneq. Inersimasut meeqqanut sullitaminnut aalajaatsut tarrarsorfiusinnaasut, immersuilluarsinnaasut aammalu meeqqat aliasuffiini.
Pingaaruteqarpoq perorsaanikkut suleqatigiiffiunissaa aammalu suleqatit peqatigalugit pissusissanik malinnilluarlutik passussinissamik paaqqutarinninnikkut malitarinninnissaat.
Gertrud Rask Minde isumaginninnermi ikiortinik pisariaqartitsivoq suleqatit peqatigalugit meeqqanut perorsaanikkut suleqatigiissinnaasunik.

Suliffik nikerartuuvoq pingasunut agguagaq. Siulliit nal.06.00 – 14.00 tungaanut, nal.13.30 – 21:30/22.30 tungaanut aammalu unnuarsiortoq aaliangersimasoq.
Naatsersuutigineqassaaq weekend-it allortarlugit sulisarnissaq kiisalu nalliuttuni.
Meeqqat Kalaallit Nunaata sineriaanit tamanit aggersuupput, naatsersuutigineqassaarlu ukiumut minnerpaamik ataasiarluni angalasumut ingiallortaasarnissaq.

Naatsorsuutigaarput:

  • Sanngisuujusutit meeqqanut ineriartortitsinermik soqutigisalik
  • Pitsaassaaq asimiinneq nuannarigukku
  • Ineriartortitserusussusilik suleqatiginnilluarsinnaasoq
  • Perorsaanikkut ilinniagalik
  • Arlalinnik innarluutilinnut (multihandicap) sumiginnagaasimasunullu misilittagaqartoq
  • Perorsaasoq qanilaartoq, siumut pilersaarusiorluni sulisinnaasoq
  • Aaqqissuussaasumik avatangiisinullu eqqummaarissoq
  • Iliuusissatut pilersaarutinik suliaqarsinnaasoq
  • Salliunneqassaaq ussersorluni oqaluutinik ilisimasalik atuisinnaasoq

Atorfimmut tunngatillugu paasissutissat sukumiinerusut ukununnga paasiniarneqarsinnaapput Forstander Niels Ole Berthelsen imaluunniit Niels Tuutu Berthelsen tlf: 864688 imaluunniit mailimut grm@nanoq.gl


Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk