Skip to main content
89

Dette jobopslag er udløbet

SENIORFORSKERISSARSIORNEQ / ILISIMATUSARTARTUSSARSIORNEQ

Aalisagaqassuseq – Ilusilersuineq – Peqassutsit amerliartortaasii – Peqassutsinik misissuineq

Atorfik pillugu: Pinngortitaleriffimmi Aalisakkanut Qalerualinnullu Immikkoortortaq Kalaallit Nunaanni aalisak­kanik qalerualinnillu peqassutsinik pillugit misissuisarnermik pingaarnerutillugu suliaqartussamik senior­forskeris­sarsiorpoq/ilisimatusartartussarsiorpoq. Aalisarneq Kalaallit Nunaanni inuussutissarsiutini pingaarner­saammat aalisagaqassuseq pillugu nalilersuisarneq siunnersuisarnerlu Kalaallit Nunaanni inuiaqatigiinnut pingaa­rute­qarluinnartuuvoq.

Pingaarnerusutigut suliaqarfiusussat:

  • Ilisimatusartarneq, peqassutsinillu nalilersuisarnermi misissueriaatsinik nalinginnaasumik ineriartortitsillunilu siunnersuisarnerni nalorninaataasinnaasunik annikillisaaneq.
  • Aalisakkanik qalerualinnillu peqassutsit pillugit paasissutissaatinik misissueqqissaarnerit peqassutsillu pillugit naatsorsuinerit.
  • Aalisakkanik peqassutsit allanngorartaasiinik paasiniaasarnermi atorneqartartunik, tassa uumassuseqatigiiaat pillugit ilutsinik takussutissiarineqatartunik ineriartortitsineq.
  • Aqutsisunik, politikerinik allanillu attuumassuteqartunik siunnersuisarneq kiisalu ilisimatuussutsikkut paasissutissanik tamatigoortumik paasissutissiisarneq.
  • Peqassutsinik nalilersuisarnermut tunngasut pillugit nunat tamalaat akornanni suleqatigiissitaliat ukiumoortumik ataatsimeeqatigiittarnerinut kiisalu ICES-imi/NAFO-milu ataatsimeeqataasarneq.
  • Ilisimatuussutsimik tunngavilimmik ilinniartitsisarsinnaaneq.
  • Akunnerit sulinermut atugassiaasut sisamararterutai immikkoortortap susassaqarfiata iluani nammineq ilsimatusarnermut saqqummiussaqartarnermullu atugassiarineqarput.

Piginnaasaqarfiit: Qinnuteqartoq biologiimi amerlassussilerinermut tunngasuni, matematikkimi imaluunniit naatsorsueqqissaarnermi ph.d-qassaaq aalisagaqassuserlu pillugu naatsorsuisarnermi periaatsinik, kiisalu peqassutsit amerliartortaasiannut tunngasunik soqutigisaqartuullunilu sulinikkut misilittagaqartuussaaq. Aqut­si­sunut, atuisunut ilisimatusartartunullu paasissutissanik allakkatigut oqalunnikkullu ingerlatitsillaqqissuunissaq pingaartinneqarpoq. Tamakkua saniatigut qinnuteqartup sulianut ilisimatusarnermut malinnaaviginnit­tarner­nullu tunngassuteqartunut misilittagaqartuunissaa, nunat tamalaat akornanni ilisimatuussutsikkut oqallit­tar­finni peqataasarnikkut misilittagaqarluartuunissaa, oqartussanut siunnersuisarnermik misilittagarnissaa kiisalu ilisimatuussutsikkut atuagassiani saqqummiussaqartarsimanissaa pingaartinneqarput.

Seniorforskerimut piumasaqaatit

  • Peqassutsit allanngorartaasii peqassutsinillu nalilersuisarnermi tunngavissalimmik ilisimatusarsimaneq, tamatumani aamma amerlassutsit pillugit misissueqqissaarsimaneq ilutsinillu suliaqarsimaneq.
  • Programmilerinermut, matematikkimut naatsorsueqqissaarnermillu suliaqarnermut uppernarsaa­tita­lim­­mik misilittagaqarneq.
  • Paasissutissaatini paasiuminaassinnaasuni amerlassutsinut tunngasunik misissueqqissaarnermik misi­lit­tagaqarneq. 
  • Naatsorsueqqissaarnermut programmelerinermlu oqaatsinik assigiinngitsunik ilisimasaqarneq (pingaar­tu­mik R, aammali SAS/WPS).

Forskerimut piumasaqaatit:

  • Paasissutissaatinik suliaqarsinnaaneq, tamatumani paasissutissaatit (soorlu Access).
  • Pilersaarusiorsinnaaneq sulianillu malinnaaviginninnermut tunngasunik suliaqarsinnaaneq.
  • Programminik suliaqarnermut misilittagaqarneq, matematikki, naatsorsueqqissaarnernit paasissutissaatinik misissueqqissaarsinnaaneq kiisalu paasissutissaatini annertussutsinik paasiuminaassinnaasunik misissueqqissaarnermik soqutigisaqartuuneq.
  • Naatsorsueqqissaarnissamut piginnaasaqarluarneq, eqaatsumik peqqissaartumillu suleriuseqarneq.

Ilinniagaqassuseq il.il.: Naatsorsuutigaarput qinnuteqartoq biologimik, imaani uumassusilerinermik, naat­sorsuuserinermik imaluunniit ingeniørisut assigisaannilluunniit ilinniagaqartuussasoq. Ph-d-nngorsimaneq, imaluunniit kisitsisilerinermik biologimilu amerlassusilerinermik misilittagarneq iluaqutaaginnassapput.
Qinnuteqartut pimoorussisuullutik, sungiussiasuullutillu suleqatikkuminartuunissaat kiisalu nunani tamalaani ilisimatusartartut silarsuaanni sulerusussuseqartuunissaat naatsorsuutigaarput. Kalaallit Nunaanni pissutsinut ilisimasaqartuuneq aammalu kalaallit oqaasinik ilisimasaqartuuneq iluaqutaaginnassapput.

Pinngortitaleriffik pinngortitamik qitiusumik ilisimatusarfiuvoq Kalaallit Nunaanni Namminersorlutik Oqartussanit pigineqartoq. Pinngortitaleriffik ilisimatusarnermit paasisat tunngavigalugit Kalaallit Nunaanni eqqaanilu pisuussutinik uumassusilinnik atuinerup piujuaannartitsinermik tunngavilimmik ingerlanneqar­nissaanut, avatangiisinik uumassusillillu assigiinngisitaartuarnissaannik qularnaarinninnissamut aqqutissiue­qataasussaavoq. Pinngortitaleriffik Nuummiittoq Kalaallit Nunaanni pisuussutinut uumassusilinnut tunngatillugu apeqqutini Namminersorlutik Oqartussanut siunnersuisartutut atuuffeqartoq 67-it missaanni sulisoqarpoq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk