Skip to main content
104

Dette jobopslag er udløbet

Sarliaq Inunnik isumaginninnermi siunnersortimik pissarsiorpoq

Meeqqat angerlarsimaffiat Sarliaq ulloq unnuarlu paaqqinniffiuvoq aaqqissuussaasumik sinaakkusersukkamillu pisariaqartitsisunut meeqqanut sumiginnarneqarsimasunut 0-niit 18-it tikillungit ukiulinnut. Suliffeqarfik Namminersorlutik oqartussat ataani Isumaginninnermut aqutsisoqarfiup ataani inissisimavoq.

Ulloq atorfiniffissaq 16. November 2020 imaluunniit isumaqatigiissuteqarnikkut.

Meeqqat angerlarsimaffiat Sarliaq pillugu:
Meeqqat angerlarsimaffiat Sarliaq ulloq unnuarlu meeqqanut angerlarsimaffiup avataanut inissinneqarsimasunut paaqqinnittarfiuvoq Ilulissaniittoq. 20-nik inissaqarpoq, ukiut agguataarneranni 0-miit 18-nut ukiulinnut immikkoortortanut pingasunut agguangaalluni. Immikkoortortani agguaanerni ukiut isinginiarneqakkajuttarput. Meeqqat angerlarsimaffiup avataanut inissinneqarsimasut alliartornerminni ilaatigut sumiginnangaanermik; atornerluinermik assigiinngitsutigut misigitinneqarsimasarput, sinerissamiillu tamaniit aggertuullutik.
Sarliami perorsaariaaseq relationspædagogik i et anerkendende perspektiv-i aallaavingalugu suleriaaseqarpungut, aaqqissuussaasumillu maleruangassanut pingaartitsilluta ataqqeqatigiinnermik siunertalimmik meeqqanut inuusuttunullu sullissineq ingerlataralutingu.
Ulluinnaat aalaakkaasut pingaartitaraangut, atuarneq, sunngiffimmi soqutigisat kiisalu Sarliap avataani inooqataaneq eqqarsaatigalungit. Weekend-ini atuanngiffinni ferie-nilu meeqqat periarfissikkumasarpagut misigisaqartinnissaannik asimut illuaqqiartillungit, piniariartillugit, sisorariartillugit allanulluunniit illoqarfiup iluani aaqqissuussanut peqataatillungit.

Atorfik pillugu:
Inunnik isumaginninnermi siunnersorti qaninnerpaamik oqartussaaffeqassaaq Forstanderip iml. Souschef-ip peqannginnerani.
Inunnik isumaginninnermi siunnersortip akisussaaffigai:

  • Suliassat naammassinissaat aqutsisut sinaakkusersungaasa iluaniittut.
  • Aqutsisut sulisullu suleqatingalugit tatiginartumik, ujartuisumik, isumassarsiortumik, siunnersuisumillu suleriuseqarneq.
  • Paasissutissanut malinnaaneq, ilisimasaqarneq, misilittangaqarneq, sullissinermi nalorninartunik inissittoqartillungu meeqqanut inuusuttuaqqanut tunngasunut aammalu ilaqutariinnut tunngasunut.
  • Immikkoortortat naapinneranni peqataasarneq, innersuunneqartoqartillungu meeqqamik ataatsimiinnerni tamakkununngaluunniit attuumassuteqartunut ataatsimiinnerni peqataaneq.


Inunnik isumaginninnermi siunnersortip suliassaraai.

  • Meeqqat isertut suliassartaai/ pappiliartaai  tigoorarlugit iliorarlugit immikkoortortaqarfinnullu agguataarlugit.
  • Meeqqanut innersuunneqartunut suliassat piareersarlugit.
  • Perorsaanermut ineriartortitsinermi pilersaarusiornermi peqataalluni immikkoortortami aqutsisoq perorsaasullu peqatigalugit.
  • Meeqqanut sullissinermi kommuunimi attaveqarnerit tamaasa suliaralugit.
  • Suliffeqarfinnut allanut attaveqarneq suliaralugu.
  • Paasititsiniaaneq ilitsersuinerlu inatsisinut tunngasunut suleqatinut akisussaaffigalugu.
  • Nalunaarusiornermi aaliangersimasumik malittarisassamik perorsaasut ilitsersuullugit.
  • Ineriartortitsinermi pilersaarusiorneq piffissaq eqqorlugu suliarineqarnissaai akisussaaffigalugit.


Illit:

  • Inunnik isumaginninnermi siunnersortitut ilinniarsimassaatit.
  • Sullissisunik assigiinngitsunik suleqateqarsinnaassaatit.
  • Meeraq pillugu paasissutissanik assigiinngitsunik tunniussuisinnaanissat suleqataasunut assigiinngitsunut.
  • Suliamut tunngatillugu siunnersuisinnaaneq perorsaasunut.
  • Eqqumaariffigivat meeqqanut sullitiligassannut annertuumik pingaaruteqassagavit.
  • Ilisimasaqarnissat sumiginnagaasimanerup kingunerisartagaanik.
  • Ulluinnarni annikitsumik iluatsittut nuannaarutigisaritit.
  • Akerleriittoqaraangat tigusinnaagitit.
  • Ajunngitsussaq isiginiartarit aporfissat tunulliullugit.
  • Marlugiinnik oqaaseqartuusutit (kalaallisut qallunaatullu) taannali piumasaqaataanngilaq.


Soqutiginnikkuit neqeroorutigisinnaavarput illup iluani immikkuullarissumik ineriartortitseqataasinnaaneq  meeqqat angerlarsimaffiat Sarliami, periarfissiisorlu suliamut pikkorissutsimut ineriartornissaq.

Paasissutissat allat
Atorfik pillungu paasisaqarnerorusukkuit saaffiginnissinnaanernut tikilluaqquatsigit. Fostander Jens Ole Nathanielsen tlf: +299 94 33 61 iml. email: jensole@sarliaq.gl iml. Konstituer souschef Hanne Gabrielsen-imut tlf: +299 94 33 61 email: hg@sarliaq.gl
Qinnuteqarfissaq kingulleq: 25. oktober 2020

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk