Skip to main content
89

Dette jobopslag er udløbet

Saqqummiuteqqitaq - Nunanut allanut Naalakkersuisoqarfik inuit pisinnaatitaaffiinik issittumilu suleqatigiinnermik soqutigisaqartumik inatsisilerituussarsiorpoq

Pingaarnertut suliassatit tassaajumaarput naalakkersuisoqarfiup suliassaqarfiini inatsisitigut siunnersuineq, allagaatinik takunnissinnaanetitaanermut suliat suliarinerat, Issittumi Siunnersuisoqatigiit ataanni Piujuaannartitsinermi Ineriartortitsinermi Suleqatigiinni Kunngeqarfik sinnerlugu peqataatitaqarnissaata suliarinera (SDWG). Inuit pisinnaatitaaffiinik nunap inoqqaavisa pisinnaatitaaffiinik  suliaqartuusssaatit, tassani ilaatigut FN-ip inuit pisinnaatitaaffianut isumaqatigiissutinut nalunaarusiornermi peqataassaatit, taamatullu FN-imi misilitsinnermi peqataanissamut piareersarnerit ataqatigiissaarinerillu ingerlattassallugit. SDWG eqqarsaatigalugu Kunngeqarfimmit pingaarnertut aallartitatut peqataassaatut, tassani pappilissat inissisimanermut tunngasut pillugit ataavartumik ataqatigiissaaralutillu suliaqartassaatit, ilaatigullu SDWG-mi ataatsimiinnermi Kunngeqarfik sinnerlugu isumaqatigiinniartoqassappat ingerlatsissallutit.
Naalakkersuisoqarfimmi suleqatitit allat peqatigalugit aammattaaq suliassat attuumassutillit makkuusut suliarineqartassapput:

  • Naalakkersuisumik sullissineq, misissueqqissaarneq kiisalu nunani tamalaani suleqatigiinnerni peqataanerit allat
  • Nunanut Allanut Naalakkersuisoqarfiup suliassaanut nalinginnaasumillu oqartussatut suliarinninnermut ingerlatsinermi suliassanik aaqqiinermi peqataaneq.
  • Avataanit Namminersorlutillu Oqartussanit tusarniutit akineqarnissaannut ataqatigiissaarineq. 
  • Nunanut allanut politikkit nalinginnaasut allallu suliassat takkussuuttut suliarinissaat.

Nunanut allanut Naalakkersuisoqarfik
Nunanut Allanut Naalakkersuisoqarfik Kalaallit Nunaata soqutigisaanik nunani tamalaani ingerlanneqartunik suliassanik isumaginnittuuvoq kiisalu suliatigut naalakkersuisoqarfiit nunani tamalaani ingerlataannik ataqatigiissaarisoq aqqutissiuisorlu.  Namminersorlutik Oqartussat nunani avannarlerni Issittumilu suleqatigiinnerni peqataapput tassunga ilanngullugit Issittumi Siunnersuisoqatigiit kiisalu NP-imi ingerlatat soorlu Inuit pisinnaatitaaffii pillugit siunnersuisoqatigiit aamma NP Nunat Inoqqaavisa pillugit suliassanut Permanent Forumiat. Namminersorlutik Oqartussat aamma Kalaallit Nunaannut attuumassuteqartuni illersornissamut sillimaniarnikkullu politikkikkut apeqqutinut naleqqiullugu Danmark suleqatigalugu pimoorussillutik peqataapput. USA-mik suleqateqarneq siullermik Permanent Committeemi ingerlanneqarpoq.

Piginnaasatit pisinnaasatillu

  • Cand.jur., cand. merc. jur assigisaanilluunnit.
  • Suliffeqarfimmi politikkikkut aqunneqartumi misilittagaqassaatit.
  • Nunani tamalaani avatangiisinut aamma suleqatigiiffinni sulinermik aamma/imaluunniit nunani allani sulinermik misilittagaqarputit.
  • Kalaallinut inuiaqatigiinnut kulturiannullu ilisimasaqarluarnissaq annertuumik iluaqutaassaaq.
  • Naliliisinnaassuseqarluarputit inernernillu pilersitsisinnaallutit.
  • Kalaallisut, danskisut tuluttullu attaveqarnikkut ingerlatitseqqinnikkullu piginnaasaqarluarputit, aammali allanertat oqaasiinik allanik atuisinnaaneq annertuumik iluaqutaassaaq. 
  • Suliassaqarfimmut misilittagaqarlutillu soqutiginnipputit.
  • Naalakkersuisoqarfimmi, Namminersorlutik Oqartussani suleqatinik aamma Danmarkimi oqartussanik suleqateqarnissamut pitsaasumik nammineersinnaallutillu akisussaasinnaavutit.

Uku neqeroorutigivavut 
Nunanut Allanut Naalakkersuisoqarfik suliffeqarfiuvoq nukissaqarluartoq, taamaattumik suleqatinik inussiarnersunik nuannaartunillu neqerooruteqarsinnaalluta.
Nunanut Allanut Naalakkersuisoqarfiup akisussaaffigisai tassaapput ilaannikkut ulapiffiusinnaasut, suliassaqarfiillu tamaasa matussusernissaannut siunersioqatigiillutalu suleqatigiittarluta, tassunga ilanngullugu angalanerni.
Sulisut ataasiakkaat pingaartinneqartutut misiginissaat aamma suliartornerup isumaqarneranik misiginissaat sulissutigaarput.   Ineriartoqqinnissamut ilinniaqqinnissamullu ataasiakkaat pisariaqartitaat tapersersorpavut, inuttut suliatigullu.   

Aningaasarsiat atorfininnermilu piumasaqaatit
Akissarsiatigut atorfininnermilu atugassarititaasut, tassunga ilanngullugit atorfininnermi soraarnermilu angalanissamut pigisallu nuunneqarnissaannut pisinnaatitaaffiit, Namminersorlutik Oqartussat aamma suleqatigiiffiup isumaqatigiinniarsinnaatitaasup pineqartup akornanni isumaqatigiissutaat piffissami atorfininnermi atuuttoq naapertussavai.
Sapaatip akunneranut piffissaq sulliffiusoq tassaavoq nalunaaquttap akunneri 40-it.
Atofininnissaq pissaaq martsip aallaqqaataani, isumaqatigiissuteqarnikkulluunnit.

Inissiaq
Maleruagassat qaqugukkulluunniit atuuttut malillugu sulisunut inissiamut pequtilersorneqanngitsumut atorfimmut innersuussisoqarsinnaavoq.  Qinnuteqartoq Namminersorlutik Oqartussani atorfeqarnini aqqutigalugu sulisutut inissiaqareerpat sulisumut inissiamut innersuunneqarsimasumut pisinnaatitaaffik pigiinnarneqassaaq.
Inissiamut innersuunneqartumut maleruagassat qaqugukkulluunniit atuuttut malillugit ineqarnermut akilimmik qularnaveeqqutinillu akiliisoqassaaq. 
Ineqarnermut akiliutit inissiallu qanoq ittuuneri inissiap pisoqaassusaa, piginnittut il.il. apeqqutaallutik allanngorarsinnaapput. Sulisunut inissiaq atorfeqarnermut pissutsit atorunnaarpata qimanneqassaaq.
Ataavartumik sulisunut inissiamut utaqqisoqarsinnaavoq, taamaattumik utaqqiisaasumik illusimatitsisoqarsinnaalluni, tassunga ilanngullugu aamma ataatsimut ineqarfinni mikinerusuni imaluunniit hotelini inissiani.

Paasissutissat allat
Atorfik pillugu annertunerusumik paasisaqarusukkuit allaffeqarfimmi pisortaq Uiloq Mulvad Jessen, tlf. +299 34 51 68 imaluunnit irum@nanoq.gl -mut attavigisinnaavat.

Qinnuteqarnissamut piffissaliussaq  
Qinnuteqaat kingusinnerpaamik februarip 6-ani 2020 tigoreersimassavarput.
Oqaloqateqarnerit ataavartumik ingerlanneqassapput.
Qinnuteqaat ilinniartitaaneq siusinnerusukkullu suliffigisimasat pillugit paasissutissaqartoq, soraarummeernermi uppernarsaatit il.il. assilineri ilanngullugit uunga nassiunneqassaaq: ”qinnuteqaat nassiuguk”.

Qinnuteqaatit mailikkut tigusinnaanngilagut.
 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk