Skip to main content
66

Rengøringsmedhjælper

Eqqiaasumik pissarsiorpugut
1 Maj 2020 aallarnerfigalugu imaluunniit isumaqatigiissuteqarnikkut eqqiaasut aqutsisussaannik pissarsiorpugut. Campus Kujalleq pingasunik illuuteqarpoq atuartsitsiviusunik ilinniarnertuunngorniarfik, niuernermik ilinniarfik aammalu (niuertunngorniat ilinniarfit)(GUX, NI DKC-lu). (KOLLEGIE?)
Ukiumut ilinniartut 400-ut missaanniittarput sulisullu 80-it missiliorpaat.

Suliassat akisussaaffiillu:

  • Eqqiaasut arfinillit suliassaat agguarlugit eqqiaaqatigisarlugillu illuni qulaani taaneqartuni.
  • Eqqiaanermut atortunik nakkutilliineq.
  • Annertunngitsumik pikkorissartut sutugassaannik suliaqarneq
  • Ukiumut ataaseq- marloriarluni atuarfinni sukumiisumik eqqiaaneq.


Sullerissuuguit inuillu amerlasuut akornanni sulerusullutit illit pissarsiarerusuppatsigit. Nammineq sulisinnaassaatit, aalajaatsuullutit suliassallu eqqiaasut peqatigalugit naammassisinnaasassallugit. Sapaatit akunnerisa naanerini unnukkullu annertunngitsumik sulisarnissat piareersimaffigissavat. Qallunaatut oqalussinnaaneq iluaqutaassaaq, kisianni piumasaqaataanngilaq. Ulluinnarnilu allaffiup pisortaa qullersarissavat.

Paasissutissat sukumiinerusut allaffimmi pisortamut Tulla P. Motzfeldt-imut imaluunniit HR-konsulent-imut Lone A. Geråe pissarsiarineqarsinnaapput oqarasuaat 64 23 99 atorlugu.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk