Skip to main content
92

Dette jobopslag er udløbet

Qitiusumik Naatsorsuuserivimmi akiligassalinnik naatsorsuuserivimmi immikkoortortami aqutsisumik piniaqqinneq

Qitiusumik Naatsorsuuserivimmi akiligassalinnik naatsorsuuserivimmi immikkoortortami
aqutsisoq.

Namminersorlutik Oqartussani Qitiusumik Naatsorsuuseriviup akiligassaqarfigisanik naatsorsuuserivittaani siuttoorusuppit?

Qitiusumik Naatsorsuuserivimmi akiligassalinnik naatsorsuuserivimmi immikkoortortami aqutsisussarsiorpugut, piffissami aalajangersimasumi ukioq ataaseq, sivitsornissaanik periarfissalik.  Akiligassalinnik naatsorsuuserivik arfinilinnik sulisoqarput, taakkununnga ilaallutik ilinniartoq ikiortilu.

Akiligassalinnik naatsorsuuserivik:
Immikkoortortaqarfiup Namminersorlutik Oqartussat pisiffigisartagi 3.500-it missaanniittut akiligassanik allagartaliarisargaat tiguneqarnissaat akilerneqarnissaallu qulakkeertarpai. Immikkoortortaqarfiup Namminersorlutik Oqartussat ataanni immikkoortortaqarfiit 250 missaanniittunut pisiffigisartakkat akiligassat allagartai pillugit ikiuilluni siunnersuisarpoq.  Tamatuma saniatigut immikkoortortaqarfik pisiffigisartakkanik naligiissitsisarpoq akiligassallu akuerineqarnissaat pillugit pikkorissaasarluni.

Kina immikkoortortaqarfimmi aqutsisorilissavarput:
Ulluinnarni isummersuisuullutit aqutsisuussaatit, allanik kajumissaarilluartartoq.  Ulluinnarni aqutsinermik misilittagaqarsimasinnaavutit, sulisunullu aqutsinissamut piginnaaneqarlutit soqutiginnittuullutillu. Naatsorsuuserisinnaanermut tunuliaqutaqarlutillu naleqqutumik ilinniagaqarsimasuussaatit.  Naatsorsuuserisarnermut misilittagaqarluarsimassaatit IT-millu atuinermik ilisimsaqarluassallutit.

Tamatuma saniatigut makku pingaartippagut:

  • Qiimasuullutit inuunermut isiginnittariaaseqassaatit isumagissaartuutillu tapersersuisuussasutit
  • Qajannaatsuusutit, aalajangeriataallaqissoq piviusunillu aallaaveqartartoq
  • Atassuteqalersitsisartoq attaveqaqatigiisitsilluarsinnaasorlu
  • Suleqatigiinni suleqataasoq


Makku neqeroorutigaagut:
Suliffik pissanganartoq unammillernartoq suliffikkuminartorlu, nutaaliornissamik inissaqartitsisoq.  Sulisut pimoorussilluartut pikkorissullu qulit ulluinnarni aqunneqarneri akisussaaffigissavatit, suliallu iluamik suliarineqarnissaat immikkoortortaqarfiullu naammassisassai akisussaaffigalugit, taakku ataanni suleriaatsit ingerlatsinerillu naammassisaqarsinnaanerullu pitsanngorsartuarneqartuarnissaat isumagalugit.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Uagut pilluta:
Qitiusumik Naatsorsuuserivik qitiusumik inissisimavoq, Namminersorlutik Oqartussat tamaat sullillugu. Aningaasaqarnermut sulisoqarnermullu aqutsisoqarfimmi inissisimavoq immikkoortortamilu ulluinnarni aqutsisutut akiligassalinnik akiligassaqarfigisanullu naatsorsuuserivimmi allaffimmi pisortamut nalunaartartussaavutit.

Paaserusutat allat:
Atorfik pillugu allanik paasisaqarusukkut Naatsorsuuserivimmi Allaffimmi pisortaq Amalie Noahsen Eugnius-imut oqarasuaat 34 67 80 sianerfigalugu, imaluunniit e-mail amno@nanoq.glattaveqarfigalugu paasiniaasinnaavutit.

Qinnuteqarfissaq kingulleq:
Qinnuteqarfissaq kingulleq tassaavoq ataasinngorneq 31. januar 2019.

Qinnuteqaammut inuunermit taasassat, siusinnerusukkut atorfigisimasanit oqaaseqaatinut soraarummeersimanermullu uppernarsaatit ilanngunneqassapput.

Piaarnerpaamik sulilersitsoqassaaq imaluunniit isumaqatigiissut malillugu.

Ataani link atorlugu qinnuteqaat nassiunneqassaaq. E-mailinik tigusaqarneq ajorpugut.

Qinnuteqaammut inuunermit taasassat, siusinnerusukkut atorfigisimasanit oqaaseqaatinut soraarummeersimanermullu uppernarsaatit ilanngunneqassapput. Ataani link atorlugu qinnuteqaat nassiunneqassaaq. E-mailinik tigusaqarneq ajorpugut.

Aningaasaqarnermut Sulisoqarnermullu Aqutsisoqarfik, ulluinnarni ASA-mik taagorneqartoq, Kalaallit Nunaanni Namminersorlutik Oqartussat ataatsimoorussamik kiffartuussinermut sullissivigaat. ASA-p ilaatigut akisussaaffigai Namminersorlutik Oqartussat naatsorsuutaat, Qitiusumik Pisiortortarnermut Immikkoortortaqarfik, isumaqatigiissutinut tunngasut, akissarsianik sulisunillu sullissisarneq, sulisunik ineriartortitsineq, nutserisoqarneq kiisalu illuutinik ingerlatsisarneq aserfallatsaaliuinerlu..

ASAp tunngavia tassaavoq “ASA pisortani oqartussaaffiuvoq uppernassusilik takussaasorlu. ASA immikkoortortaqarfiit, suliffeqarfiit innuttaasullu suleqatigiinnerat ineriartortinniarlugu sulissuteqarpoq.” Tamanna isumaqarpoq ASA suliassanut qitiusunut ersarissunik anguniagaqartoq, ASA piginnaasanik ineriartortitsinissaq pingaartitsisoq kiisalu ASA pisortat suliassaqarfiinik pisariillisaasoq.

ASA-p pingaartitai pingasut tassaapput:

  • Akisussaaffik - Qanoq iliuuseqarnivut, suliassavut sullitavullu eqqarsaatigalugit akisussaaffeqarpugut
  • Suleqatigiinneq - Suleqatigut sullitavullu pitsaasumik suleqatigaagut
  • Isumassuineq - Ikiuukkumatuujuvugut akunnitsinnilu paareqatigiilluta


Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.
 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk