Skip to main content
78

Dette jobopslag er udløbet

Qitiusumik Naatsorsuuserivik siunnersortimik pissarsiorpoq

Namminersorlutik Oqartussat naatsorsuuserinermut immikkoortortaqarfiat, DcR, naatsorsuuserinermi sulisumik pikkorissumik atorfissaqartitsivoq.

DcR immikkoortortaavoq, Namminersorlutik Oqartussani Aningaasaqarnermut Sulisoqarnermullu Aqutsisoqarfimmi inissisimasoq. DcR-imi immikkoortortaqarfiit arlaliupput, ilaatigut Aningaasaqarnermut naatsorsuuserisoqarfik, Immikkut naatsorsuuserisoqarfik, Nakkutilliisoqatigiit, Akiligassaqarfigisanut naatsorsuuserisoqarfik aamma Akiligassalinnut naatsorsuuserisoqarfik. Piffissap ilaani DcR ulapaarfiusarpoq, taamaattorli immikkoortortaqarfimmi suleqatigiit ikioqatigiilluartarput.
DcR-imi sulisut allat peqatigalugit suliassaqarfiit uku iluini suliassat isumagissagitit naatsorsuutigivarput:

  • Namminersorlutik Oqartussat aningaasaateqarnikkut aqutsissutaanni Prisme-mi IRIS-imilu aningaasaqarnikkut naatsorsuutinik nalunaarsuinerit
  • Akissarsianik ilinniagaqarnersiutinillu tunniussisarnerit
  • Naatsorsuutini akiligassanik naligiisitsineq
  • Namminersorlutik Oqartussat naatsorsuusiornermi atortagaannik IRIS-imik ilinniartitsineq ilitsersuinerluunniit
  • DcR-imi ilinniartunik ilitsersuineq
  • Suliareqquneqartut nukinginnartut assigiinngitsut.


Naatsorsuutigaarput, illit:

  • naatsorsuuserinermut tunngasutigut attuumassutilimmik ilinniagaqarsimasutit
  • naatsorsuuserinermi suliassanik misilittagaqartutit
  • naatsorsuuserinermut tunngatillugu inunnik allanik assigiinngitsunik suleqateqarusussuseqarlutillu ilitsersuerusussuseqartutit
  • suliassanik arlalinnik suliaqartarnerni tamakkiisumik isiginnissinnaassuseqartutit
  • naatsorsuuserinerup iluani ilinniaqqinnissat ingerlaqqiffiusumillu ilinniaqqinnissat piareersimaffigissagit
  • Namminersorlutik Oqartussat naatsorsuuserinermi periusaannik ilisimasaqaruit iluaqutaassaaq, piumasaqaataanngilarli ilinniartitsineq ingerlanneqarumaarmat.
  • Imminut piumaffigisinnaanerit qaffasissuusoq
  • aalajaatsuusutit.


Neqeroorutigaavut:

  • suliffik pissanganartunik avatangiisilik
  • inuttut suliassallu tungaasigut ineriartornerit
  • suliassarpassuit pissanganartut, illit iluarsinissaannut nammineq sunniuteqarsinnaasuullutit
  • suleqatit pikkorissut kajumissuseqartullu.


Atorfininneq: 15. september 2020 imaluunniit isumaqatigiissuteqarneq malillugu. Atorfininnermi qaammatit pingasut misiliutaassapput.
Atorfik pillugu paasisaqarnerorusukkuit immikkoortortaqarfimmi pisortamut Emilie NajâraK’ Brandt embr@nanoq.gl imaluunniit oqarasuaat 34 64 54 attaveqarnissannut tikilluaqqusaavutit.

Qinnuteqarnissamut piffissaliunneqarpoq ulloq 4. september 2020.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk