Skip to main content
149

Dette jobopslag er udløbet

Qitiusumik Naatsorsuuserivik AC-fuldmægtig-mik ineriartortitserusussusilimmik pissarsiorpoq

Qitiusumik Naatsorsuuserivik (QN) pisortani aningaasanik aqutsinermut tunngasunik naatsorsuuserinermik digitaliseeriilluni ineriartortitsinermi suleqatissarsiorpoq.  Atorfik pitsaasumik ineriartornissamut periarfissalik neqeroorutigaarput, tassanilu naatsorsuuserinerup iluani piginnaasannik ineriartortitsinissamut atuinissamullu pitsaasunik periarfissaqassaatit.

Atorfimmi ilaatigut suleriaatsinik atortunillu atuinernik taakkuninnga pitsanngorsaaniarluni atuinernik misissueqqissaarnermut peqataasassaatit.  Namminersorlutik Oqartussani tamanit suleqatinnut ullormut attaveqartassaatit suliassallu tassaassalluni atortumik atuinermi aaqqiissuteqarsinnaalluni ikorfartuineq ajornartorsiutinillu aaqqiineq. Tamatuma aningaasaqarnikkut aqutsinermut sukumiinerusumik ilisimasaqalernissannut aqqutissiuutissavaatit, tamannalu atortunik inerisaanermut periusissiamut isummersornermut atorluarsinnaassavat digitaliseeriinermut ingerlaannartunngortitsiniarnermullu ingerlaavartumik suliaqarnernut atorsinnaassallugu.
QN-mi Namminersorlutik Oqartussat immikkoortortarpassuinik suleqateqartarpugut. Taamaattumik sulianut tunngasutigut piginnaasannik avitseqateqarnissamik piumassuseqarlutillu piginnaasaqaruit iluaqutaassaqaaq. Suleqatit sungiusartassavatit sanileralugit kiisalu eqimattakkuutaartillugit (qarasaasiaq atorlugu kiisalu ornigulluni)

Suliassatit pingaarnerit ilaatigut makkussaapput:

  • QN-ip immikkoortullu aningaasaqarnermut aqutsissutinik ullormut atuinerinut ikorfartuineq
  • Ukuninnga inerisaaneq nutarterinerlu
    • Suliap ingerlanissaanik allaaserinninneq
    • Blakettit flowillu digitaliusut
    • Suliat ingerlanneri, RPA
    • Aningaasaqarnermut tunngasunik nalunaarusiorneq kiisalu aningaasaqarnermut tunngasunik paasissutissanik misissueqqissaarneq
  • Periutsit naleqqussarneqarnerannut/ineriartortinneqarnerannut suliassanut peqataaneq
  • Pisortat aningaasaqarnerannut aqutsissutinik pisortat ataatsimoorussaannik ineriartortitsineq/naleqqussaaneq nutarsarnerannullu suliassaqarfiit allat suleqatigineratigut suliassavit ilagissavaat
  • Nukinginnartumik suliassat


Suliatigut piginnaasassatit
Naatsorsuuserinermik ilinniarluarsimasunik IT-millu ilisimasaqarluartunik suleqatissarsiorpugut.  Taakkua saniatigut erseqqissumik oqaloqateqarsinnaaneq kiisalu paasissutissanik ujartuisinnaaneq ingerlatitseqqissinnaanerlu pingaartuutippavut.

  • Tulluuttumik ilinniagaqarputit, ass. aningaasaqarnermut imaluunniit naatsorsuuserinermut tunngasunik bacheloritut kandidatitulluunniit ilinniagaqarlutit.
  • Naatsorsuuserinermut tunngasunik ilisimasaqarputit kisitsisinillu paasisimasaqarluarlutit
  • aningaasanik aqutsinermi periutsinik pitsaasumik ilisimasaqarneq
  • Aqutsissutinik aamma/imaluunniit suliassanik ajornakusoortunik suliaqarneq naammassisaqartarnerlu misilittagaqarfigaatit
  • IT-mut tunngasunik atortunik pikkorissuuvutit, soorlu MS Excel, RPA, Power BI
  • Namminersorlutik Oqartussat IT-mik aqutsissutaat ilisimasaqarfigigukku iluaqutaassaaq
  • Ilisimasanik suliamut tunngalluinnartunik suliamut ilisimasaqanngitsunut ingerlatseqqissinnaavutit
  • Kalaallisut danskisullu allattariarsornikkut oqaatsitigullu pisinnaasaqarfigigukkit assut iluaqutaassaaq.


Inuttut piginnaasatit.
Nakkutilliisutut sulinermi isumaliortaatsimut naleqquttumik aaqqissuulluakkamillu suleriaaseqarnissat pingaaruteqarpoq. Atortunik, suleriaatsinik kiisalu aningaasanik aqutsinermut tunngasunik pisariaqartitat imminnut ataneqarneri misissoqqissaarsinnaassavatit paasisinnaallugillu.

QN suliffiup iluani avataanilu amerlasuunik suleqatigiiffeqarput, matumani ilaatigut siunersiuisarlutalu ilitsersuisarpugut. Taamaattumik illit inuttut inussiarnersuunissat suleqativillu imaluunniit immikkoortortaqarfiup siunersiorneqarnissamik ilitsersuunneqarnissamillu pisariaqartitsineranni suliannik unitsitsiinnarsinnaanissat pisariaqarpoq. Taamatuttaaq ulluinnarmut assigiinngiiaartunik nammineq pingaarnersiugassannik suliassaqarfiusumut naleqqussarsinnaasariaqarputit.
Quiasaarneq nuannarigukku, sapiissuseqaruit aaqqiissuteqarusuttumillu periaaseqaruit immikkoortortaqarfitsinni angusaqarluassaatit.

Neqeroorutigaavut:
Suliassannut nutaanut aqutsissummillu atukkatsinnut ilinniartinneqarluarneq, taamaalillutit immikkoortortaqarfimmi pissanganartumi suleqatigiinnermik siunersiuinermillu pingaartitsisumi ulluinnarni sulinissannut piareersimaniassagavit. Aamma namminersortorujussuussaatit ullormut sulinissat nammineq ilusilersorsinnaallugu.

Ulloq atorfiniffissaq: 1. februar 2023 isumaqatigiissuteqarnikkulluunniit.

Paasissutissat amerlanerusut:
Apeqqutissaqaruit allaffimmi pisortamut Heine Tilmamut oqarasuaatikkut + 299 34 58 55 imaluunniit mailikkut uunga miht@nanoq.gl.

Qinnuteqaat kingusinnerpaamik ulloq 1. december 2022 DcR-imit tiguneqareersimassaaq. Qinnuteqaammut cv, siusinnerusukkut atorfigisimasanit uppernarsaatit soraarummeersimanermullu uppernarsaatit ilanngullugit nassiunneqassapput.

Qitiusumik Naatsorsuuseriffik (QN) pillugu
Qitiusumik Naatsorsuuseriffik Aningaasaqarnermut Sulisoqarnermullu Aqutsisoqarfimmi immikkoortortaavoq aammalu Namminersorlutik Oqartussani nunap karsiata naatsorsuutaanut taanna akisussaanerpaajuvoq. QN 35-nik sulisoqarpoq sisamanillu allaffeqarfeqarluni; Akiligassaqarfigisanik aamma Akiligassalinnik Naatsorsuuseriffik, Aningaasaqarnermut Tunngasunik aamma Immikkut Ittumik Naatsorsuuseriffik, Naatsorsuutinik ineriartortitsinermut allaffik Naatsorsuuserinermillu kiffartuussivik

Akissarsiat atorfininnermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Inissiaq
Atorfimmut atatillugu sulisunut inissiamik innersuussisoqanngilaq. Qinnuteqartorli Namminersorlutik Oqartussani atorfeqarnini aqqutigalugu sulisutut ineqareersimaguni sulisunut inissiamik innersuussiffigineqarsinnaanini pigiinnassavaa. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk