Skip to main content
99

Dette jobopslag er udløbet

Qarasaasialerinermut siunnersortimik pissarsiorpoq

Piareersimavit, Kalaallit Nunaanni Pisortat ataatsimoorussámik qarasaasiaqarfianni qitiusumik inissisimassallutit, qarasaasiaqarfiillu pitsanngorsaaffigissallugit ingerlatseqataarusuppit?  

Pisortat Ataatsimoorussamik qarasaasiaqarfiinik atuinerup pitsanngorsaaniarneq annertuumik nakkutigineqarpoq, taamaasillunilu aningaasaliiffigineqarnera – tamakkiisumik atorneqassammat. Qarasaasialerinermut Siunnersortissarput – qitiusumik inissisimassaaq, Kalaallit Nunaat tamakkerlugu qitiusumik atorfeqassalluni.
 
Suliassatit
Qullersaq suleqatigalugu assersuutigalugu suliassanik makkunannga suliaqartassaatit:

  • Niuernerup ineriartornera
  • Qarasaasialerinermi pitsanngorsaaneq, assigiissarinissaq eqqarsaatigalugu, qarasaasiaqarfinnik sumiiffilersuineq kiisalu pisortat ataatsimoorussamik qarasaasiaqarfiisa pitsanngorsarneqarnissaat, taamaasilluni suleriaatsinik ingerlatseriaaatsinillu pisariillisaaneq.  
  • Suliassanik pilersaarutinik aqutsineq
  • Sulianut tunngatillugu sakkunik pitsanngorsaariaatsimik, Business Casesinik suliaqarneq
  • Ingerlatseriaatsinik nutaanik pitsaassutsinillu atuutsilersitsineq

Kinaanerit 
Misilittagartooq imaluunniit ilinniakkamik naammassserlaaq? Pingaarnerunngilaq taamaallaat oqilisaanissamut pingaartitsineq aamma pitsaassuseq pillugu aqutsinissamut ingerlatsinissaq piginnaasaqarfigissavat, LEAN aamma atorlugu ingerlaatsinik pitsanngorsaaneq, kiisalu taakku aaqqissuussaanikkut immikkoortortanut inissitsiterinissaq. Aningaasaqarnikkut/ERP-mik suleriaatsimik misilittagaqarnissaq soorunami pitsaaqutaassaaq.

Sulianut immikkut ittunik sulialinnik pikkorissunik suleqateqassaatit, immikkoortortanut assigiinngitsut iluanni ilisimasalinnik.  

Inuttut naatsorsuutigaarput, qajannaatsuunissat, naalaarsinnaasutit, tigooraasinnaallutillu paasissutissanillu suleriaqqiisinnaasutit kiisalu qarasaasiaqarfimmik ineriartortitsinermut pikkorissuusutit taamatuttaarlu attaveqaatinik qajannaatsumik attaveqartuussallutit. Immikkoortortaqarnikkut sutigut tamatigut allattariarsornikkut oqaluussinermilu attaveqaataalluartuunissaq.

Ilinniartitaanerit
Aaliangiisuussanngilaq, qulaanili taaneqartunut naapertuuppat.

Uagut pilluta
Naalakkersuisut siunertarivaat, inuiaqatigiinni kalaallini qarasaasiaqarnikkut pisariillisakkamik digitalimik ineriartornerup siuarsarnissaa, matumani pisortat ingerlatsiveqarfiisa qarasaasiaqarnikkut pitsanngorsaanissaq. Tamannaavoq Pisortat ataatsimoorussamik qarasaasiatigut aaqqiissuussaanermi kiisalu ERP-mik suliamut maannamut pilersaaarusiamiit ingerlatsilernissamut suliamut ingerlaavartumut pingaaruteqartussaq.

Neqeroorutigaarput 
Neqeroorutigaarput siammasissumik, namminersorfiusumik unammillernartumillu atorfik, suliamut tunngatillugu ilisimasanik inuttullu ineriartornissamut periarfissaqarfiulluartoq. Sulianut tunngatillugu suleriaatsinut persuarsiorfiunngitsumut, suleqatit pikkorissut tunniusimasullu suleqatigissavatit.
Aaqqissuussaanikkut, Ataatsimoorussamik Pisortat qarasaasiaqarnikkut immikkoortortaanni inissinneqassaatit qullersamullu attaveqartuussallutit.

Atorfimmut tunngasumik paasisaqarnerorusukkuit, qullersaq Ivan Damborg, oqarasuaatikkut  +299 491121 attavigisinnaavat imaluunniit nittartakkatigut allaffigisinnaavat uunga: : ivda@nanoq.gl.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk