Find job
Dette jobopslag er udløbet
Qaqortumi ulloq unnuarlu paarsivik Inuusuttut Inaat tunniusimasunik sulianullu pikkorissumik pisortamut tullersortissarsiorpoq
Aqutsisoqatigiit pilersinneqaqqammersut peqataaffigerusuppit? Taava illiusimassaaq ujartugarput. Inuusuttut Inaat 15. oktober 2023 atorfinittussamik pisortamut tullissarsiorpoq. Pisortaq kiisalu immikkoortortani aqutsisut peqatigalugit suliffimmi ineriartortitsineq siuttuuffigissavat, tamatumanilu perorsaaneq, ineriartortitsineq qanilaarnerlu pingaartinneqassallutik.
Atorfik pillugu:
Pisortamut tullersortitut aqutsisut allat kiisalu saaffiginnittarfimmi sulisut qanimut suleqatigissavatit.
Inuusuttut Inaat sulisarpoq meeraaqqat perorsagaanikkut pisariaqartitaat tunngavigalugit taavalu meeqqat tamaasa akuersaarpaluttumik tigusarlugit.
Paarsivik pingasunik immikkoortortaqarpoq, meeqqanut 19-ininut inissaqarluni, annermillu meeraanerusut tiguneqartarput, meeqqalli 18-it tungaanut ukioqartarput sapinngisatsinnik meeqqat sivisunerpaamik malinnaavigiumasaratsigit.
Naatsorsuutigaarput illit:
• Perorsaasutut ilinniarsimasuunissat
• Aqutsinermik misilittagaqartutit
• Suleqatigiuminartuussasutit.
• Assingusumik ulloq unnuarlu paarsivimmi misilittagaqartutit
• Sunniuteqarsinnaasuusutit aamma pisunik tamakkiisumik isiginnissinnaassuseqartutit
• Attaveqarluni akuersaartumik perorsaaneq akisussaassuseqarfiusoq ingerlatissallugu piginnaaneqartutit
• Atugarissaarnerup isumaginninnerullu qularnaarnissaanut peqataassasutit
• Pisortaq peqatigalugu allaffissornikkut suliat ingerlatissagitit
• Pisortaq peqanngikkaangat taartaasassasutit
• Angerlarsimallutik piareersimasunut peqataajumassuseqartutit
Neqeroorutigisinnaasavut tassaapput:
• Atorfik unammillernartorpassuarnik suliassartalik
• Pikkorissarnissamut ilinniakkamillu qaffassaanissamut periarfissat
• Suliffik suli ineriartortoq neqeroorutigaarput
• Suliat inummullu tunngasut pillugit oqilisaassilluni oqaloqatiginninneq
• Ulloq unnuarlu paarsivik ineriartortitseqataaffigisinnaasat
Piffissaq suliffiusussaq sapaatip akunneranut nal. akunnernik 40-nik sivisussuseqarpoq.
Paasissutissat sukumiinerusut pissarsiarineqarsinnaapput oqarasuaammut 642117 imaluunniit inaat@nanoq.gl-mut saaffiginnilluni
Inuusuttut inaat takuuk uani. www.uupi.gl
Qinnuteqarfissaq kingulleq 05. oktober 2023
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job