Skip to main content
130

Dette jobopslag er udløbet

Qaqortumi Ivaaraq perorsaasussarsiorpoq

Qaqortumi Ivaaraq perorsaasussarsiorpoq 1. august atorfinittussamik imaluuniit isumaqatigiissuteqarnikkut.

Meeqqat Angerlarsimaffiat Ivaaraq Qaqortoq
Ivaaraq inuusuttunut inersimasunullu innarluutilinnut ulloq unnuarlu paaqqinniffiuvoq, nuna tamakkerlugu innarluutillit angerlarsimaffigivaa.
Ivaaraq marlunnik immikkoortortarfeqarpoq, Tungujortumi 10-nik naatsorsuusaavoq, Sungaartoq immikkoortortaqarfik 5-nik naatsorsuussaavoq.
Najugaqartut arlallit issiavinnik assakaasulinnik atuisuupput, tamarmik ulluinnarni isumagisassanut assigiingitsunik tapersersugaagassaapput ikiugassaallutik paaqqutarineqartussaallutillu.
Tungujortumi ineqartut ilaasa Tasersuup Atuarfiani atuartuuput.
Najugaqartut Ivaaqap sulliviani “Orpikkami” sammisaqartinneqartarput.
Fysioterapeutip katsorsaanera sungiusaaneralu Ivaaqami pisarpoq.

Ujartorpagut:
Perorsaasut/inunnik nikerartumik sulisartussat- sapaatip-akunneranut nal.ak 40- timiit suliffiusarput.  Piumasaqaataangilaq innarluutilinnut tunngasumik ilisimasaqarnissaq.

Immikkortortaqarfinni ineriartornerup sunneeqataaffigisinnaanera periarfissarissaarpoq, taamatullu innarluutilinnik ilisimaqarnerulernissamik perioarfissagissaarluni.

lIlit pillutit:

  • Perorsaasutut imaluunniit assigisaannik ilinniarsimasuunissaq.
  • Meeqqat inersimasullu innarluutillit sullinnissaat soqutigisaqarneq, imaluuniit innarluutilinnik misilittagaqarusulersimaguit tikilluaqqusaavutit.
  • Ajornanngippallu misilittagaqarfigalugu             
  • Inuusuttunut/ inersimasunullu sammisassaat isumaqarluartut pilersaarusiorsinnaallugillu pilersissinnaassavatit
  • Aalaakkaasumik suliartortarsinnaassaatit/ naatsorsuutigineqarsinnaallutit. Suliamullu tunniusumasuussallutit
  • Inerisaanissamut sammisuussaatit nutaanillu ilinniarumallutit
  • Perorsaanikkut ineriartorneq peqataaffigisinnaassavat
  • Piffissani nikerartuni sulisinnaassaatit

Neqeroorutigisinnaavagut:

  • Suliffik pissanganartoq nuannersoq immikkut ittumik suliaqalernissamut periarfissalik.
  • Ilinniartinneqarneq siunnersorneqarnerlu aqqutigalugit ineriartorsinnaaneq.
  • Perorsaanikkut suliaq aaqqissuunneranni ingerlannerannilu oqartussaaqataaneq.
  • Suliffimmi avatangiisit persuarsiorfiunngitsunillu sulialinnik suleqateqartarneq


Pillagaasimanernnginnermut meeqaanillu innarliisimannginnermut uppernarsaat:
Inatsisit tunngavigalugu Ivaaraq Qaqortoq pinerlussimannginnermut aammalu innarliisimannginnermut uppernarssaat piumasaqaataavoq, qinnuteqarnermi ilanngunneqassaaq.

Atorfininnermut isumaqatigiissut:
Perorsaasutut atorfinittoqarpat inatsisit tunngavigalugu NPk isumaqatigiissutaat atuutsinneqassaaq.

Ineqarneq:
Atorfininnermut neqerooruteqartoqarsinaavoq inissamik pequsersugaanngitsoq, malittarisassat atuuttut naapertorlugit. Inissatut innersuunneqartumut akiliut qulaarnaveeqqutillu malittarisassat qaqugukkulluunniit atuuttut naapertorlugit akilerneqartassapput. Atorfininnermut atasumik inigisaq atorfeqarnermut attuumavoq, atorfeqarnerullu unitsinneqarnerani qimanneqassalluni.

Ineqarnermut akiliutissaq inigisallu pitsaasusaa nikerarsinnaapput, inigisassap qanga sanaajunera, piginnittuunermi pissutsit il.il. apeqqutaatillugit. Ataavartumik atorfimmut atatillugu inigisassap innersuunneqarnissaa utaqqisariaqarsinnaavoq, taamaammallu inissiigallartoqqarsinnaalluni, tamatumunnga ilaatillugu aamma najugaqatigiiffinni mikinerusuni imaluunniit hotelitut inissianik, inatsisit tunngavigalugit akileraarutigineqassaaq.

Qinnuteqaat ilinniagaqarsimanermut siusinnerusukkullu suliarisimasanik uppersarsaatinik ilaqartinneqartoq uunga nassiuneqassaaq:

Pisortaq Sussi Larsen

Paasissutissat annertunerusut:
Atorfik pillugu annertunerusunik paasiniaaniartut pisortamut Sussi Larsen
Saaffigissinnaavaat uku aqqutigaligit: email: ivaaraq@ivaaraq.gl imaluuniit telefon +299 64 21 13/ 2

Atorfiniffissaq: 1. august 2022 immlt. Isumaqatigiissuteqarnikkut.
Qinnuteqarfissaq Killiliussaq:  10.07-2022
Qinnuteqarnissamut killiliussap naanerata kinguninngua oqaloqqatigiinnerit ingerlanneqassapput. 
 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk