Skip to main content
144

Dette jobopslag er udløbet

Qaqortumi Ivaaraq 3-nik perorsaasussarsiorpoq

Piaarnerpaamik erseqqinnerusumilluunniit isumaqatigiissuteqareernikkut atorfinittussanik.

Qaqortumi Meeqqat Angerlarsimaffiat Ivaaraq pillugu
Ivaaraq inuusuttunut inersimasunullu innarluutilinnut ulloq unnuarlu paaqqinniffiuvoq, nuna tamakkerlugu atuuttoq.
Tungujortumi immikkortortaqarfik 10-nik najugaqartussatut,Sungaartumilu immikkortortaqarfik 5-nik najugaqartussatut naatsorsuussaapput.
Najugaqartut arlallit issiavinnik assakaasulinnik atuisuuput. Tamarmik ulluinnarni isumagisassanut tamanut tapersersugaagassaapput, ikiugassaallutik paaqqutarineqartussaallutillu.
Atuartussaatitaasut Tasersuup Atuarfiani atuartuuput.
Najugaqartut Ivaaqap sulliviani “Orpikkami” sammisaqartinneqartarput.
Fysioterapeutip katsorsaanera sungiusaaneralu Ivaaqami pisarpoq.

Ujartorpagut:
Perorsaasut pingasut nikerartumik pigaartuusartussat- sapaatip-akunneranut nal.ak 40- timiit suliffiusarput. Iluaqutaassaaq piumasaqaataananili innarluutilinnut tunngasumik ilisimasaqarnissaq.

Immikkortortaqarfinni ineriartornerup sunneeqataaffigisinnaanera periarfissarissaarpoq, taamatullu inuttut suliarmullu atatillugu ineriartornissaq.

Illit pillutit:

  • Perorsaasutut ilinniargaqassaatit.
  • Meeqqat inersimasullu innarluutillit sullinnissaat soqutigisarissavat, Ajornanngippallu misilittagaqarfigalugu.              
  • Inuusuttunut/ inersimasunullu sammisassaat isumaqarluartut
  • Pilersaarusiorsinnaallugillu pilersissinnaassavatit.
  • Aalaakkaasumik suliartortarsinnaassaatit/ natsorsuutigineqarsinnaallutit
  • Suliamullu tunniusumasuussallutit
  • Inerisaanissamut sammisuussaatit nutaanillu ilinniarumallutit
  • Perorsaanikkut ineriartorneq peqataaffigisinnaassavat
  • Piffissani nikerartuni sulisinnaassaatit

Neqeroorutigisinnaavagut:

. Suliffik pissanganartoq nikerarluartorli immikkut ittumik
   Suliaqalernissamut periarfissalik.
. Ilinniartinneqarneq siunnersorneqarnerlu aqqutigalugit
  Ineriartorsinnaaneq.
. Perorsaanikkut suliaq aaqqissuunneranni ingerlannerannilu
  Oqartussaaqataaneq.
. Suliffimmi avatangiisit persuarsiorfiunngitsunillu sulialinnik
  Suleqateqartarneq

Pillagaasimanernnginnermut meeqaanillu innarliisimannginnermut uppernarsaat:
Atorfik una pillagaasimannginnermut meeqqanillu innarliisimannginnermut inatsit malillugu uppernarsaammik piniarfiusussaasunut ilaavoq. Inatsisit naapertorlugu Ivaaqami atorfeqarneq aatsaat aallartissinnaavoq. Ivaaqqap pillagaasimannginermut uppernarsaat tiguppagu.

Paasissutissat annertunerusut:
Atorfik pillugu annertunerusunik paasiniaaniartut pisortamut Sussi Larsen
Saaffigissinnaavaat uku aqqutigaligit: email: ivaaraq@nanoq.gl imaluuniit telefon +299 64 21 13/ 2

Atorfiniffissaq: 1 April 2019 immlt. Isumaqatigiissuteqarnikkut.
Qinnuteqarfissaq Killiliussaq: 18 Marst 2019
Qinnuteqarnissamut killiliussap naanerata kinguninngua oqaloqqatigiinnerit ingerlanneqassapput. 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk