Skip to main content
91

Dette jobopslag er udløbet

Qaammammusialeriviup Immikkoortortaqarfia pisortassarsiorpoq

Isumalluutit Kalaallit Nunaanni inuiaqatigiit ineriartornerinut atorneqarsinnaasunngortikkumallugit pisariitsumik aningaasartuutaavallaanngitsumillu suleriaaseqartuni Namminersorlutik Oqartussanullu sulisunut tunngatillugu allaffissornikkut suliat pitsaasumik suliarineqartarnissaanut suleqataarusuppit?

Namminersorlutik Oqartussat Qitiusumik Allaffeqarfiat suliffeqarfiuvoq pissanganartoq assigiinngitsunillu suliaqarfiusoq, tassaniipput naalakkersuisoqarfiit aqutsisoqarfiillu arlallit tamarmik immikkut aalajangersimasunik suliaqarfiusut.

Akissarsialeriffik Namminersorlutik Oqartussani Aningaasaqarnermut Akileraartarnermullu Naalakkersuisoqarfiup ataani Aningaasaqarnermut Sulisoqarnermullu Aqutsisoqarfimmi inissisimavoq. Namminersorlutik Oqartussat immikkoortortaqarfiillu sinnerlugit suliassat akissarsianut tunngassuteqartut suliarisarpavut.
Suleqatigiit akissarsianik nakkutilliinermik akissarsiassanilu suliaqartartut tamarmillu Akissarsialerivimmi pisortaasup ataani inissisimasut 15-iusut Nuummilu allaffeqartut suleqatigissavatit.

Suliap allaaserinera
Qaammammusialeriviup immikkoortortaqarfiata pisortaata immikkoortortaqarfiup ulluinnarni suliassanut ataqatigiissaarisuussaaq. Qaaammammusialerivimmi sulisut allat peqatigalugit suliassaqarfiit uku iluini suliassat isumagisassavatit:

  • Akissarsialerineq
  • Sulisunut tunngatillugu paasissutissat qitiusut nutartertarnissaat
  • Akissarsisitsinissat aaqqissuuttarneri naammassisarnerilu – tassunga ilanngullugit piffissaq eqqorlugu eqqortumillu akissarsititsisarnissaq
  • Akissarsianut tunngatillugu nalunaarsortarnerinut peqataasarneq.
  • Allaffissornikkut suliareqquneqartut assigiinngitsut
  • Ulluinnarni suliassat sinnerinik immikkut naatsorsuuserisoqarfimmi suliarinnittarnerit 

Immikkoortortaqarfiup pisortaatut immikkoortortaqarfiup ulluinnarni suliassaasa ingerlanneqarnissaat aqutsisuuffigissavat, aammalu qaammatip ingerlanerani suliassat piffissaq eqqorlugu ingerlanneqartarnissaat aqutsisuuffigalugu. Aammattaaq allaffiup pisortaanut qaammammusialerivimmilu sulisunut allanut isumasioqataasarnissaq, ikioqataasarnissarlu.

Naatsorsuutigaarput:                                   

  • Atorfimmut attuumassutilimmik ilinniagaqarsimasutit
  • Suliassanut tamakkununnga assingusunik suliaqarnermik sungiussisimalluartuusutit
  • IT-kkut atortorissaarutinik ilisimasaqarluartuusutit atornissaannillu sungiussisimasuusutit
  • Aalajaatsuusutit suliannillu peqqissaartumik sulisartutit aammalu qiimasuusutit
  • Suleriaaserni akisussaaffeqarlutillu patajaatsuuvutit
  • Kalaallisut danskisullu oqaatsit atorluarsinnaagukkit iluaqutaassaqaaq

Neqeroorutigaavut:

  • Sulinermi avatangiisit ajunngitsumik atugaqarfiullutik soqutiginartut
  • Ilinniarsimasatigut inuttullu siuarsarneq
  • Suliassarpassuit pissanganartut, aaqqissuunnissaannut nammineq sunniuteqarfigisinnaasatit
  • Suleqatit pikkorissut kajumissuseqartullu

Atorfininnissamut ulloq: Piaarnerpaamik imaluunniit juulip aallaqqaataa 2019
 
Paasissutissat sukumiinerusut
Apeqqutissaqaruit tikilluaqquneqarputit attavigissallugu allaffimmi pisortaq Maja Normann Sandgreen oqarasuaatikkut 34 64 21 imaluunniit mail-ikkut mans@nanoq gl.
 
Qinnuteqaat kingusinnerpaamik ulloq 26. maj 2019 akissarsialeriviup tigoreersimassavaa. Qinnuteqaammut ilanngutissapput inuunermit taasassat, siusinnerusukkullu atorfigisimasanit oqaaseqaatit, imaluunniit pappiaqqat attuumassutillit allat.
 
Aningaasaqarnermut Sulisoqarnermullu Aqutsisoqarfik pillugu
Aningaasaqarnermut Sulisoqarnermullu Aqutsisoqarfik, ulluinnarni ASA-mik taagorneqartoq, Kalaallit Nunaanni Namminersorlutik Oqartussat ataatsimoorussamik kiffartuussinermut sullissivigaat. ASA-p ilaatigut akisussaaffigai Namminersorlutik Oqartussat naatsorsuutaat, Qitiusumik Pisiortortarnermut Immikkoortortaqarfik, isumaqatigiissutinut tunngasut, akissarsianik sulisunillu sullissisarneq, sulisunik ineriartortitsineq, nutserisoqarneq kiisalu illuutinik ingerlatsisarneq aserfallatsaaliuinerlu.

ASA-p pingaartitai pingasut tassaapput:

  • Akisussaaffik -Qanoq iliuuseqarnivut, suliassavut sullitavullu eqqarsaatigalugit akisussaaffeqarpugut
  • Suleqatigiinneq -Suleqatigut sullitavullu pitsaasumik suleqatigaagut
  • Isumassuineq -Ikiuukkumatuujuvugut akunnitsinnilu paareqatigiittuulluta


Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit 
http://www.naalakkersuisut.gl/job

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk