Skip to main content
75

Dette jobopslag er udløbet

Prinsesse Margrethes Børnehjem-i Tasiilaq marlunnik immikkoortortaqarfinnut aqutsisussarsiorpoq

Perorsaasutut ilinniarsimavit aqutsisutullu misilittagaqarpit assigisaanulluunniit? Piumassuteqarpit akuulernissamut aqutsisunut suleqatigiinnut ulluinnarnilu aqutsinermit ingerlatsisuullutit immikkoortortaqarfinnut marluusunut aappaanut? Pimoorullugu sulerusussuteqarpit meeqqanut angerlarsimaffiup avataanut inissinneqarsimasunut, allaanerusumik suleqataanissamik peqataarusuppit? Taava immaqa tassa illiuvutit ujartukkavut.

Atorfinitsinneqarnissamut piffissaliussaq atorfimmut ulloq.1. august 2020 imaluunniit immikkut isumaqatigiissuteqarnikkut. Qinnuigaatsigit qinnuteqaatissat naasiuteqqullugu, atorfimmut soqutiginninnersutit afdelingslederitut meeqqanut eqimattanoortunut imaluunniit innarluutilinnut eqimattanut, imaluunniit atorfinnut marluusunut tamanut.

Prinsesse Margrethes Børnehjem
Prinsesse Margrethes Børnehjem Tasiilamit inisseqqavoq Kalaallit Nunaata kangianit taannalu Namminersorlutik Oqartussat ataanit aqunneqartumik meeqqat angerlarsimaffigaat, meeqqanut immikkoortortaqarfik inissaqartitsivoq meeqqanut qulinut 0-10 ukiulinnut. Meeqqat angerlarsimaffiup avataaniit inissineqartut, ilungersunartumik annertuumillu sumiginnagaasuupput aammalu imaluunniit atornerlunneqarsimasuullutik taakkulu tamarmik Tasiilamiit nunaqarfittaaneersuullutik.
Meeqqat immikkoortortaqarfiisa saniatigut, ulloq unnuarlu immikkoortortaqarfeqarpugut inersimasunit arfinilinnit innarluutilinnit, Nasippi. Nasippiup ataaniipoq immikkoortortaqarfik ulluuneranit inersimasunut innarluutilinnut atuisartunit, ilai Nasippimmiit ilaalu illoqarfimmiit. Suleqatigiinneq ingerlanneqarpoq aammalu ataatsimoorussatut sammisassanut immikkoortortaqarfiit akornannit.
Børnehjem-i angallateqarpoq, minihal, aammalu qamuteralaat (snescooterit)
Tasiilaq avatangiiseqarpoq nunamit kusanavissumik aammalu ingerlatsisoqartarluni inuttaasut amerlasuut peqataaffigisartagaannit avatangiisimit nuannersumik misigisassanut, pinialunneq aalisariarneq ukioq tamaat. Illoqarfimmittaaq periarfissaavoq timigissartarfik akeqanngitsumik atorneqarsinnaasoq, silamit  ivigaasaaqqanit arsaattarfik nutaaq, sisoraatinit sisoqarfik majuartaatilik, atuarfik taassumalu saniatigut atuareernermit paaqqinnittarfik, sunngiffimmit ornittagaq meeqqanut annernut, paaqqinnittarfiit aammalu arlallit ulluinnarnit nioqquteqartartut pisiniarfiit.
 
Atorfimmut atatillugu:

Makku akisussaaffittut pereersimaffigissavaatit:

  • Immikkoortortaqarfimmit ulluinnarnit ingerlatassat børnehjem-imit aqutsisut suleqatigalugit.
  • Pilersaarusiorneq aammalu immikkoortortaqarfimmit sulisut ataatsimiitinneqarnissaat, kiisalu aalajangersakkat malitsissallugit.
  • Inaarutaasumik allakkiassat allallugit aammalu ineriartornermit pilersaarutit, nalunaarusiorneq aammalu ilisimatississutissatut nalunaarutissat.
  • Matumanit ataatsimiinnernut peqataaneq aammalu matuma avataanit soorlu, atuarfik kommune-iluunniit.
  • Qulakkiissallugit afdelinge-inut suliassat ilisimalikkatut anguniakkat anguneqarnissaannut, aammalu aalajangersimasumik saqqummiunneqartutut toqqammavissaq sinaakkutissallu.
  • Innersuuttarlugit siullertut angajoqqaanut suleqatissat.
  • Tikilluaqqullugit ilitsersuullugillu sulisussat nutaat.
  • Sulinermit pilersaarusiassanut peqataassassaatit, tamatumalu ataaniipput unnukkut- weekendt-inullu sulisarnissat.

 
Makku neqeroorutigaavut:
 

  • Suliffik, illit afdelingsleder-itut periarfissat allanngueqataasussatut meeqqat ataasiakkaat pillugit imaluunniit ineqartumut.
  • Suliffeqarfik siunerfilik toqqissisimasumik pilersitsisoq aammalu ineriartuutit sinaakkutit meeqqanut inersimasunullu
  • Suliffeqarfik siunnerfilik ilisimasat tunngavigalugit inerikkiartortoq aammalu pitsaasumik sulineq avatangiisilik
  • Suliffeqarfik namminerisaminit minihal-eqartoq, periarfissiisorlu illup iluanit pitsaasunit sammisaqartitsinissamik, aammalu eqqaa qanittoq tamaat nunaannarmit avatangiisilik kusanartumik, periarfissaqarluartorlu pisuttuarfissamik angalaarluni aammalu angallatikkut qamuteralannullu.
     

Makku naatsorsuutigaavut:
 

  • Perorsaasutut ilinniarsimasoq imaluunniit perorsaasutut allamik ilinniagalik
  • Aqutsinissamik soqutiginnittoq aammalu IT-imut atuinermit ilisimasalik
  • Inuttut ilisimasalittullu pitsaasumik maligassuisuusoq aammalu qiimasuusorlu
  • Tatiginartumik sulisinnaasoq makkut tungaatigut, børnehjem-ip anguniagaanut aammalu naleqartitaanut kiisalu ineriartortitsinermit tunngavissanut
  • Naleqatigiittut suleqataasinnaasoq
  • Periareersimaffigissallugillu assigiinngitsumik kultur-ilinnit suliffimmut
  • Marlunnik oqaasilik kalaallisut qallunaatullu, kisianni tamakkiisumik piumasaqaataanngilaq.
  • Bagvagtiusarnissamut piareersimasoq



Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Annerusumik paasisaqarumaguit
Atorfimmut atatillugu paasisaqarumaguit, tikilluaqqusaavutit forstander Brita Larsen attaveqarfiginissaanut tlf: +299 983502 / +299 565578 imaluunniit mail-imut: pmbforstander @outlook.gl Qinnuteqarfissaq kingulleq ulloq 19. juni 2020 nal.12.
 
Atorfinitsinneqarnissamut oqaloqatiginninneq naatsorsuutigineqarpoq ingerlanneqarumaartoq ataasinngorneq aammalu marlunngorneq sapaatip akunera 26-mi, nammineerluni saaffiginninnikkut imaluunniit oqarasuaatikkut imaluunniit Skype-ikkut.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk