Skip to main content
92

Dette jobopslag er udløbet

Prinsesse Margrethep Meeqqanut Angerlarsimaffia Tasiilamiittoq immikkoortortaqarfitsinnut marluusunut perorsaasussarsiorpoq

Mikisunut immikkoortortaqarfimmi meeqqanut 0-9-nik ukiulinnut inissalik aamma Angisuunut immikkoortortaqarfimmi meeqqanut 10-18-inik ukiulinnut inissalik perorsaasussarsiorpugut.
 
Atorfiit ulloq 1. marsi 2019 imaluunniit isumaqatigiissuteqarnikkut inuttalerniarneqarput.
 
Prinsesse Margrethep Meeqqanut Angerlarsimaffianut tunngasoq: 
Prinsesse Margrethep Meeqqanut Angerlarsimaffia tunumi Tasiilamiittoq meeqqanut angerlarsimaffiuvoq Namminersorlutik Oqartussanit ingerlanneqartoq, immikkoortortaqarfigaalu: sullitat ukiui naapertorlugit immikkoortortaqarfiit marluk, Meeqqanut Inuusuttunullu immikkoortortaqarfiit, meeqqanut inuusuttunullu 0-imiit 18-inut ukiulinnut 18-inut inissallit, isumassuinermik sivitsuiffiusinnaasut, piffissat ilaanni sivikitsumik atuuttussamik, inissiigasuartoqarnerani inissat amerlineqarsinnaasarput.
Meeqqanut Inuusuttunullu immikkoortortaqarfiit saniatigut inersimasunut innarluutilinnut ulloq unnuarlu paaqqinnittarfeqarpoq arfinilinnut inissalimmik, Nasippi. Nasippip immikkoortortaqarfiata ataani inersimasunut innarluutilinnut ulluunerani sammisassaqartitsisoqartarpoq, ilaatigut Nasippimiit ilaatigullu illoqarfimmiit.
Immikkoortortaqarfiit akornanni suleqatigiittoqartarpoq tamanullu sammisassaqartitsisoqartarluni.
Meeqqanut angerlarsimaffik nunaqarfimmi inuerunnikumi illuaraateqarpoq, angallateqarpoq, minihaliuteqarpoq qamuteralaateqarlunilu.
 
Atorfinnut tunngasut:
Kisimiilluni suleqatillu suleqatigalugit allattariarsornikkut suliassaqartassaaq, soorlu nalunaarusiornerit, nakkutiginninnerit assigisaallu.
Illup iluani avataanilu suleqatigisartakkanik assigiinngitsunik, soorlu kommunimik atuarfimmillu ataatsimeeqateqarnernut peqataasassaatit.
Immikkoortortaqarfimmi perorsaanikkut ineriartortitsinissamut suleqatitit peqatigalugit akisussaaffeqassaatit.
 
Neqeroorutigaavut:

  • Suliffik perorsaasutut meeqqanut ataasiakkaanut imaluunniit najugaqartunut pitsaanerusumik ineriartortitseqataaffigisinnaasat
  • Suliffik meeqqat najugaqartullu toqqissisimanartumik ineriartorfiusumilu atugaqarnissaannik qitiutitsisoq
  • Suliffik suliatigut ineriartortitsinissamik pitsaasumillu avatangiiseqarnissamik qitiutitsisoq
  • Suliffik pitsaasunik sulisulik
  • Suliffik nammineq minihalini atorlugu meeqqat peqatigalugit sammisassaqartitsilluartartoq
  • Suliffik sunut tamanut atortussalik
  • Suliffik meeqqat peqatigalugit pinngortitami pisuttuarnissamut, qamuteralaat angallalluunniit atorlugit angalaarnissamut periarfissaqartitsisoq

 Naatsorsuutigaarput:

  • Perorsaasutut ilinniarsimasuunissat
  • Inuttut sulisutullu maligassiuilluarsinnaasuusutit
  • Meeqqat angerlarsimaffiata anguniagaanut naleqartitaanullu kiisalu ineriartortitsilluni suliniutigisartagaanut tunngatillugit aalajaatsumik sulerusussuseqartutit
  • Inussiarnersuusutit ataqqinnittuusutillu
  • Sulisut naligiillutik suleqatigiinnerannut peqataasinnaasutit
  • Suliffimmi inuiaat assigiinngitsut akornanni suleqataarusussuseqartutit
  • Eqeersimaartumik ineriartuutaasumillu nipilersornikkut sammisaqartitsisarnermut aamma/imaluunniit meeqqat peqatigalugit minihalitsinni timimik aalatitsisarnermut, angallammik qamuteralammillu aalisariartarnermut peqataanissamut piumassuseqarlutillu sapiissuseqartutit.

Iluaqutaassaaq kalaallisut danskisullu oqalussinnaaneq, tamannali piumasaqaataanngilaq.


Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk