Skip to main content
75

Dette jobopslag er udløbet

Pitsaaliuinermut Isumaginninnermullu Aqutsisoqarfimmi allattoqarfimmi pikkorissumik aqutsisussarsiorpoq

Pitsaaliuinermut Isumaginninnermullu Aqutsisoqarfimmi isumaginninnermi aporfiit, unammilligassat anguniakkallu pingaarutillit suliaraagut.  Isumaginninnermut pitsaaliuinernullu tunngasunik ilitsersuilluta, siunnersuilluta suliniutinillu nutaanik inerisaasarpugut suliarpullu kalaallit inuunerannut sunniuteqartaqisoq ullut tamaasa akisussaaffigalugu tigusarparput.  Aqutsisoqarfimmi suleqataasutut taamaammat annertuumik akisussaaffeqassaatit sulianullu tunngatillugu aamma annertuumik unammilligassaqassallutit.

Atorfik pillugu
Allattoqarfimmi inuttut piginnaasatigullu sunniuteqarsinnaalluartumik aqutsisussarsiorpugut.  Atorfik qitiusumik inissisimavoq nutaajullunilu pissanganartoq pitsaasumik isumannaatsumillu ingerlatsinissamut inerisaanissamullu akisussaasuussallutit anguniakkat pingaarnerit naalakkersuinermilu sumut sammiviit takulluarsinnaassallugit.  Allattoqarfimmi pisortatut allattoqarfimmi sulisut arfineq-pingasut aqutsisutut akisussaaffigissavatit soorluttaaq aqutsisoqarfimmi pisortaq sulianut tunngatillugu qanimut isumasioqatigisassagit amerlasuutigullu allaffissornermi naalakkersuinermilu aqutsisoqarfimmi attaveqaatitut atuuttassallutit.  Taamaammat atituujuvutit, sulilluarsinnaasoq sulinissamullu piareeqqasoq, soorluttaaq atorfimmut tunngavissanik pilersitseqataanissamut inerisaanissamullu periarfissanik tappittuussallutit.  
 
Suliassatit ilaatigut makkuussapput:

  • ulluinnarni sulisunik aqutsinikkut sulisutit kajumilersillugillu ineriartortillugit, 
  • allattoqarfimmi suliassat nammineq pilersaarusiorlugit naammassineqarnissaallu isumagalugit, matumani ingerlaavartumik ukkatarinninnikkut pingaarnersiuinikkullu
  • naapertuuttunik pitsaasunillu allaffissornikkut periaatsinik suleriaatsimillu inerisaaneq, atuutitsilerneq nutarterinerlu
  • suleqatit suliamut tunngasunik pitsaasumik isumasioqatigineri, taamaalilluni allattoqarfiup suliassani piffissaq eqqorlugu pitsaassusaanillu qaffasissunik tunniussisarniassammat
  • aqutsiviup suliaanut tunngasunik avammut nalunaaruteqartarneq ersaritsitsinerlu
  • aqutsisoqatigiinnut peqataalluarluni ilaanissaq aqutsiviullu ineriartuinnarnissaanut peqataanissaq


Ilinnut naatsorsuutigisavut:

  • inuiaqatigiilerinermi kandidatitut ilinniarsimanissaq
  • naalakkersuinermut tunngasunik ilisimasaqarnissaq, matumani naalakkersuinermik aaqqissuussinermit misilittagaqarsimanissaq, qitiusumik allaffeqarfimmit imaluunniit kommuninit
  • aqutsisunut sullissinermik aaqqissuussaanermillu inerisaanermik misilittagalik suliamillu eqqortumik sullissisinnaasoq
  • Paasisimasaqarluartoq ullormut suliassat assigiinngitsut suliarisinnaallugit malartaalluni naapeqatigiissuteqarsinnaallunilu
  • piumassuseqarluartoq, sunniuteqarluartoq siuarsaanissamut naammassisaqarnissamillu qulakkeerinnissinnaasoq
  • Suleqataallaqqissoq attaveqallaqqissorlu inunnillu assigiinngitsunik suliaqartunik tusarnaarluarsinnaallunilu oqaloqateqarsinnaalluartoq
  • sulisunik aqutserusuttoq taassuminngalu misilittagaqartoq. Aqutsisutut suliat nuannarissagit pingaartuuvoq suleqataasullu sumut ingerlanissaannik sammiviliisinnaallutillu kajumilersissinnaassallugit.  Taamaalillutit ikorfartuutaallutillu aqutsisuunermik sungiusimannissaatit suliassanik aqutsillutillu agguataarisinnaasoq, soorluttaaq ulluinnarni ulapaarfinni sumulluunniit sammisunik aqutsilluarsinnaassallutit

Kalaallisoorsinnaaguit aamma/imaluunniit Namminersorlutik Oqartussat pillugit ilisimasaqaruit iluaqutaassaaq piumasaqaataananili
 
Illilli makku pissarsiarissavatit:

  • suliffimmi ilisimaneqarluartumi pingaarutilimmik inissisimasoq,
  • suliffimmi inatsisit atortussaatitaasut iluanni annertuumik nammineersinnaassuseqartoq,
  • suleqatigiinni patajaatsuni ilaasoq, pitsanngorneruniarluta ikioqatigiittuaannarluta,
  • aqutsisoq sulianut tunngasunik piginnaasanut tatiginnittoq ineriartornissaminillu salliutitsisoq,
  • suleqatit pitsaasut suleqatigiilluarnissamik pingaartitsisut - aamma ulapaarfimmi,
  • persuarsiorpalaanngitsumik attaveqarneq sulinissamullu tunngavissanik nammineq sunneeqataasinnaaneq,
  • suliassanullu atuuffinnullu tunngatillugit piginnaasanik attuumassuteqartunik inerisaaneq.


Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Piffissaq atorfiniffiusoq
1. juli 2020 aallarnerfigalugu imaluunniit immikkut isumaqatigiinnikkut atorfinittussamik pissarsiorpoq.
 
Qinnuteqarneq
Qinnuteqarnissamut killigititaasoq tassa ulloq 10. juni 2020
Atorfinitsitsiniarluni oqaloqatiginninnerit naatsorsuutigineqarput ingerlanneqartussatut tamatuma kinguninngua.
 
Atorfimmut tunngatillugu paasissutissat amerlanerusut pisariaqartikkukkit Aqutsisoqarfimi pisortaq Helene Broberg Berthelsen saaffigisinnaavat uunga oqa.: +299 55 56 75.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk