Skip to main content
77

Dette jobopslag er udløbet

Pitsaaliuinermut Isumaginninnermullu Aqutsisoqarfik ulloq unnuarlu- Inissitsiterisarnermullu immikkoortortaqarfimmut inunnik isumaginnittumik pissarsiorpoq atorfinittussamik 1. januar 2020

Pitsaaliuinermut Isumaginninnermullu Aqutsisoqarfik, 6-nik immikkoortortaqartoq 60-nik sulisoqarluni, immiikkoortortaqarfiit akunnitsinni qanimut suleqatigiittuuvugut. Suliffeqarfiuvugut suliassatigut unammillernartunik pissanganartunillu suliallit. Tamatumani suleqatigiinneq piumassuseqarluarnerlu suleqatigiilluarnitsinnut toqqammaviupput. Ulloq unnuarlu- Inissitsiterisarnermullu immikkoortortaqarfik sulisoqarpoq sulinissaminnut tunniusimalluarlutunik, taakkulu suleqatigiilluarnissaq pingaartillugu sulianut tunngasut akimorlugit sulipput.

Ulloq unnuarlu- Inissitsiterisarnermullu immikkoortortaqarfiup suliassarivaa nuna tamakkerlugu meeqqanut inuusuttunullu kiisalu innarluutilinnut angerlarsimaffiit Namminersorlutik Oqartussanit ingerlanneqartut, ataatsimut aqunneqarnerat ataqatigiissarnerat ingerlanneqarnerallu. Ulloq unnuarlu- Inissitsiterisarnermullu immikkoortortaqarfiup suliassaraattaaq suliassat angerlarsimaffiit ineriartortinnissaannut aamma nutaaliorfigineqarnissaannut tunngasut.

Suliassatit:

  • Ulloq unnuarlu angerlarsimaffiinnut inissiinissamut misissuineq/sullissineq, inatsisinillu siunnersuineq
  • Ulloq unnuarlu angerlarsimaffinnut siunnersuineq
  • Komuuninut siunersuineq, ilitsersuinerlu.
  • Peqataaneq maleruagassaliornerni ilitsersuusiornerni.
  • Siunertaliornerni, Namminersorullutik Oqartussat ulloq unnuralu angerlarsimaffiutaannut.
  • Immikkoortortaqarfimmi ineriartortitseqataanissaq
  • Ineriartortitsineq maleruagassat, ilitsesuutinillu inissiinermi misissuinermilu
  • Suliat assigiinngitsut isumagisarnissaat
  • Forstanderseminarinut peqataanissaq

Piginnaasatit:

  • Inunnik isumaginninnermut siunnersortitut allagartalik.
  • Misilittagaqarnissaq suliassat pisariusunut pisariaqarpoq.
  • Nunatsinni isumaginninnikkut inatsisit ilisimaaralugillu sulininni  toqqammavigisarsimallugit
  • Akisussaaffimmik tigusillutit aaqqiissutissat ujartorsinnaasarlugit.
  • Allattariarsornermi oqalunnermillu kalaallisut qallunaatullu pikkorissaatit
  • Inuk qiimasoq ajunngitsunillu angusaqarusuttoq.
  • Assigiinngitsunik suliallit piginnaasaqarluartullu akornanni suleqataarusukkuit qinnuteqarit
  • Pitsaaliuinermut Isumaginninnermullu Aqutsisoqarfimmi suliassanik isumaginninnissami namminerisamik akisussaaffimmik tigusinissaq kajungeraajuk?
  • Ilinniakkat akimorlugit avatangiisini - ataasiakkaat ataatsimut isiginnilersitsinermut peqataaffigisaanni sulineq kajungeraajuk?
  • Ulapaarfiusunik ineriartorfiusunillu avatangiiseqarluni sulineq kajungeraajuk ataatsikkullu arlalinnik suliaqarsinnaavit?

Angalallattaasarnissat naatsorsuutigissavat.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Atorfiniffissaq:
1. januar 2020 imaluunniit isumaqatigiissuteqarnikkut.

Paasissutissat allat:
Atorfik pillugu annertunerusumik paasisaqarusukkuit Immikkoortortami pisortaq Kenneth Thomsen, oqar. +299 34 64 81 imal. aqqutigalugit attaveqarfigisinnaavat. E-mail: kent@nanoq.gl  

Qinnuteqarfissaq:
Qinnuteqareersimassaatit: ulloq 19. december 2019
Atorfik pillugu qinnuteqaateqartut qinnuteqarfissaq qaangiuppat oqaloqateqarumaarput.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk