Skip to main content
116

Pitsaaliuinermut Isumaginninnermullu Aqutsisoqarfik Isumaginninnikkut iliuuseqarnissamut immikkoortortaqarfimmut tunniusimasunik inunnik marlunnik siunnersortissarsiorpoq

Ilaqutariinnut pisariaqartitsisunut allaanerusumik iliuuseqarusussinnaanermut kajumissuseqarpit aamma Kalaallit Nunaat tamakkerlugu qimarnguinnut ilaqutariinnullu sullissivinnit neqeroorutinik pitsanngorsaanissamut soqutiginnippit? Ineriartortitsinermik ingerlataqarusullutit sulissallutit nuannariviuk aammalu ikorfartuissallutit paasissutissiissallutit iluarisimaartuuiiuk? Pitsaaliuinermut Isumaginninnermullu Aqutsisoqarfik nunatta qimarnguiinik ilaqutariinnillu sullissiviinik suleqateqarnissamut siunnersortissamik pissarsiorpoq.
 
Ilaqutariit inuiaqatigiinni qitiunerpaanut ilaapput ilaqutariillu ingerlalluartut tassaapput meeqqap toqqissisimasumik peroriartornissaanut periarfissaqartitsinerpaat. Taamaattumik nunatsinni ilaqutariit pitsaanerpaamik atugaqarnissaat qulakkeerniarlugu Pitsaaliuinermut Isumaginninnermullu Aqutsisoqarfimmi suliniuteqarpugut. Ilaqutariinnut sullissiviit 16-it qimarnguiillu arfineq-pingasut nunami kommuninut tallimanut agguarsimapput. Ilaqutariinnut sullissiviit meeqqanut ilaqutariinnullu isumaginninnerup tungaatigut suliniuteqarnissamut tunngatillugu najukkami qitiusutut inissisimanissaat ilaqutariinnut sullissivinnik siunertaavoq. Meeqqanut ilaqutariinnullu sullissiviit suliniutinik pitsaaliuinermik ilaqutariinnermullu tunngasunik assigiinngitsunik kiisalu paasiniaaqqissaarnermik aammalu sulianik kinguaassiutitigut kannguttaatsuliornermut tunngasunik suliarinninnissamik, siunnersuinermik peqqinnerulernissamullu suliniutinik assigiinngitsunik neqerooruteqarput. Qimarnguiit suliassaat tassaavoq arnanut meeqqanullu angutaasernertigut siorasaarneqartarnertigullu misigitipilunneqartartunut najugaqarfissanik neqerooruteqartarneq.
 
Qitiusumik Siunnersuisarfimmi Siunnersortitut Isumaginninnikkut iliuuseqarnissamut immikkoortortaqarfimmut ilanngutissaatit. Suliamik ilisimasallit tapersersornissaat ilitsersornissaallu qitiutillugit Nunatsinni qimarnguiit ilaqutariinnillu sullissiviit tamaasa tapersersorlugit ilitsersorlugillu sullinnissaat suliassatta ilagaat. Taamaattumik siunertarput tassaavoq suliamik ilisimaarinninnermik patajaallisaanissaq aqqutigalugu piginnaanngorsaaneq, kiisalu katsorsaanissamik neqeroorutit pitsaassusaannik peqqissaaruteqqissaarilluinartumik qulakkeerinninneq.

Siunnersortitut atorfimmi makkua ilaatigut suliassarissavatit:

  • Nuna tamakkerlugu qimarnguiit ilaqutariinnullu sullissiviit suleriaasiinik aaqqissugaanerinillu ataqatigiissaarineq ineriartortitsinerlu.
  • Ilaqutariinnut sullissiviit ikiorserlugit najukkami neqeroorutit allat pigineqareersut katersussallugit ataqatigiissassallugillu "sullissiviup ataatsip ataani".
  • Meeqqanut ilaqutariinnullu atugarliortunut tunngatillugu suliniutinik periaatsinillu nutaanik pinaveersaartitsissutaasunik ineriartortitsinissaq kiisalu isumaginninnermik ilisimasalimmik tapersersuinerit katsorsaanissanullu neqeroorutinik pitsaasunik qulakkeerinninnissaq.
  • Ilisimasanik katersinermik suliaqartarneq.
  • Suliamik ilisimasalinnik piginnaasanik ineriartortitsinernut ilinniarnernilu tatiginartunik sinaakkusiinissamik pilersitsinissaq.
  • Neqeroorutinut periaatsinillu qimarnguiit ilaqutariinnillu sullissiviit pisariaqartitaannut iluaqutaasinnaasunut tunngatillugu ikorfartuineq.
  • Pitsaassutsinik naliliinernillu qulakkeerinninneq kiisalu paasissutissanik katersineq misissueqqissaarnerlu.
  • Ilaqutariinnut qimarnguinnullu sullissivinnut tunngatillugu kommuninik suleqateqartarneq.
  • Qimarnguinnut ilaqutariinnullu sullissivinnut atatillugu suliaqarfiit assigiinngitsut akornanni suliniutinik ataqatigiissaaralunilu pitsanngorsaasarnerit.
  • Qimarnguinni ilaqutariinnullu sullissivinni neqeroorutinik, atuisunut atoruminarluinnartunik assigiissaarinissaq siunnerfigalugu sulissuteqarneq.


Kissaatigaarput tullinnguuttut arlallit pikkoriffigissagitit piginnaasaqarfigalugillu:

  • Perorsaasutut, isumaginninnermut siunnersortitut, peqqissaasutut, katsorsaasutut, ilisimatuussutsikkut inuiaqatigiilerisutut imaluunniit allamik attuumassutilimmik ilinniagalittut ilinniarsimasuuvutit.
  • Isumaginninnerup imaluunniit katsorsaanermut tunngasut iluini ilinniagaqaqqissimasuuvutit.
  • Isumaginninnermut tunngasut iluini piffissap sivisunerusup iluani sulinermik misilittagaqarputit.
  • Sulianut tunngasutigut inuttullu sakkortuumik sunniisinnaalluartuuvutit.
  • Suliniutit ingerlaneri aallaavigalugit sulisarputit pitsaasunillu angusaqarusussuseqartuullutit.
  • Kalaallit Nunaanni inuiaqatigiinni pissutsinut, pingaartumik isumaginninnermut tunngasuni ilisimasaqarputit.
  • Ataqatigiissumik, misissueqqissaarnermik tunngaveqartumik nalinginnaasumiillu allaanerusumik eqqarsarsinnaassuseqarputit.
  • Suliniutinik ineriartortitsinermillu suliaqarnermik misilittagalik.
  • Allattariarsornikkut oqaluttariarsornikkullu paasissutissiisarnermut piginnaasalik.
  • Namminersorluni sulineq iluarisimaartarpat, kisiannili sulianut tunngasutigut ikorfartoqatigiinnissaq tamatigut piareersimaffigisarpat.
  • Ilisimasanik nutaanik  piviusunngortitsinissamut piginnaasaqarputit.
  • Marluinnik (kalaallisut/danskisut) oqaaseqarnissat iluaqutaassaqaaq kisianni piumasaqaataanngilaq.


Neqeroorutigaavut

  • Suliffik suliap naammassineqarneraniit ingerlaannartumik sunniutitigut takussutissaqarfiusartoq.
  • Suliffik annertuumik namminersorluni suliaqarfiusinnaasoq peqatigisaanillu suliatigut siunersiuinissamik tapersersorneqarnissamillu periarfissaqartuaannartoq.
  • Suleqatit suliaminnik aallussilluartut ataqatigiilluartuullu.
  • Suliamut tunngasutigut ineriartornissamut atugassarititat pitsaasut.
  • Suliffeqarfik pissanganartoq annertoqisumillu ineriartortoq.
  • Suliffimmi avatangiisit pitsaasut.
  • Suliffeqarfik nunami isumaginninnermut suliassaqarfiup pitsanngorsarnissaanik pingaarnertut siunertalik.


Uagut pilluta
Pitsaaliuinermut Isumaginninnermullu Aqutsisoqarfik, Naalakkersuisuni aqutsisoqarfiuvoq tulliuttunik tallimanik immikkoortortaqarfeqartoq: Pinaveersaartitsinermut immikkoortortaq PAARISA, Aningaasaqarnermut immikkoortortaq, Ulloq unnuarlu aamma nalilersuisarnermut immikkoortortaq, Qitiusumik Siunnersuisarfik aamma Allattoqarfik. Immikkoortortaqarfiit qanimut suleqatigiittarput.
Qitiusumik Siunnersuisarfik pingaarnertut suliassaa tassaavoq, meeqqanut inuusuttunullu ajornartorsiutilinnut inatsisinut tunngasutigut isumaginninnikkullu ilisimasat nukittunerulersissallugit, kommuninut siunnersuinikkut ilitsersuinikkullu. Immikkoortortaq pingasunik immikkoortortaqarfeqarpoq, tamarmik immikkut suliassaqarfimmik isumaginnittunik: oqartussaasunut, pineqaatissiisarnermut kiisalu innuttaasunut neqeroorutinut tunngasutigut suliassaqarfiit. Qitiusumik Siunnersuisarfik annertuumik ineriartortuuvoq. Tatiginartumik suliassanut tunngasutigut piginnaasaqarnissaq ataqatigiilluarnissarlu pingaartinneqarput.

Paasissutissat pisariallit
Ataqatigiissaarisutut Nuummi allaffitsinni qitiusutut inissisimassaatit. Ilaannikkooriarluni atorfimmut atatillugu angalasarnissaq naatsorsuutigineqassaaq. Atorfik piffissaq tamakkerlugu suliffiuvoq – tassa allaaviatigut sapaatip akunneranut akunnerit 40-t. Atorfininneq pissaaq  ulloq 1. nov. 2020 imaluunniit tamatuma kingorna piaarnerpaamik.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Piffissaq atorfiniffiusoq
1.november 2020 imaluunniit isumaqatigiinnikkut.
 
Qinnuteqarfissaq
Qinnuteqarnissamut killigititaq tassaavoq ulloq 22. okt. 2020 nal. 12.00
Atorfinitsitsiniarluni oqaloqatiginninnerit naatsorsuutigineqarput ingerlanneqartussatut tamatuma kinguninngua.
 
Paasissutissat sukumiinerusut
Atorfik pillugu sukumiinerusumik paasisaqarusukkuit, suliatigut aqutsisoq Stina Mølgaard oqarasuaatikkut +299 34 60 17 e-mail-ikkulluunniit stmo@nanoq.gl-ikkut imaluunniit immikkoortortamut pisortaagallartoq Ane-Louise Løvstrøm oqa. + 299 34 60 14 alov@nanoq.gl-ikkut attavigissallugit tikilluaqquneqarputit.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk