Skip to main content
92

Dette jobopslag er udløbet

Pitsaaliuinermut Isumaginninnermullu Aqutsisoqarfik, immikkoortortami aqutsisussamik Oqartussaatitaanermik Immikkoortortaqarfik atorfinittussarsiorpoq

Pitsaaliuinermut Isumaginninnermullu Aqutsisoqarfimmi, isumaginninnikkut ajornartorsiutit assigiinngitsut suliarisarpagut, unammillernartut angusaqarluarfigerusutatsinnillu. Aqqutissiuisarpugut, siunnersuisarluta kiisalu pitsaaliuinerup iluani suliniutinik nutaanik ineriartortitsillutalu, isumaginninnikkut atukkanik suliaqarpugut.

Atorfimmut tunngasut
Oqartussaatitaanermik immikkoortortami aqutsisussamik pissarsiorpugut, ilaatigut inatsisinik tunngasunik kiisalu isumaginninnikkut tunngasunik, kommunikkaartumik ingerlatsivinnik ineriartortitsinermik ikorfartuutaasumik suliaqartussamik, kiisalu meeqqanik inuusuttuaqqanillu sumiginnagaasunik sullissinermik suliaqartunik ilitsersuisumik ikorfartuisoqarpoq, kiisalu isumaginninnikkut tunngasunik allanik sulianut tunngasunik.

Immikkoortortaq suli ineriartorpoq illillu suliassarissavatit, neqeroorutinik atuutereersunik tamanik  ineriartortitsinissaq uukkatarissallugu, kisiannili aamma allat suleqatigalugit nutaanik aallarnisaanissamut suleqataanissaq.

Immikkoortortami aqutsisoq ujartugarput inuttut suliatigullu sunniuteqarluartuunissaa kissaatigaarput. Atorfik pissanganartoq pineqarpoq, illillu ineriartornerup inuutissarsiorpalaartumik pikkoriffigalugu patajaatsumik aqunneqarnissaa akisussaaffigissavat, taamatuttaarlu maleruagassat malinneqarnissaat politikkikkullu angusartoqarnissaa anguniassallugu. Immikkoortortami aqutsisutut, immikkoortortap sulisuinut aqutsinermut akisussaasuussaatit, taamatuttaarlu sulianik tunngatillugu Aqutsisoqarfiup ittuanut qanimut suleqateqassaatit immikkoortortanullu allanut. Taamaattumik qajannaatsuussaatit, annertuumik suliumassuteqarlutit, sulilernissannullu piareeqqasimassallutit, taamatuttaarlu atorfimmut tunngatillugu pilersitsinissanut atorfiullu ineriartornissaanut periarfissanik takunnissinnaassaatit.

Piginnaasanik pisinnaasanillu piumasaqaatit:

  • Isumaginninnermut siunnersortitut ilinniagalik, misilittagartooq aqutsinermillu misilittagalik
  • Pisortat aqutaannik politikkikkut suliaqarnermik misilittagalik
  • Aqutsinermik misilittagalik
  • Suliassanik ineriartorfiusunik misilittagalik
  • Inuiaqatigiinnik kalaallinik tunngasunik ilisimasalik, annermik isumaginninnermut tunngasunik
  • Sulianik pilersitsinissamik suliaqarnissamut piumassusilik, katersuussillunilu aaqqissuussisinnaasoq
  • Allattariarsornikkut oqaluttarissornikkullu attaveqaatitigut piginnaasaqarluarnissaq.


Suliassatit assersuutigalugu ukuussapput:

  • Ingerlatsinermik akisussaassuseqarneq
  • Politikkikkut suliniutinik akuerineqareersunik ineriartortitsineq immersueqataanerlu
  • Pilersaarusiupallassinnaasoq, misissueqqissaartoq immikkuullarissorlu
  • Aaqqissuussillaqqissoq angusaqarluarumasorlu
  • Pilersaarusianik- ineriartortitsinermullu sulianik misilittagaqarneq
  • Inunnik isumaginninnikkut tunngasunik ilisimasaqarlunilu inatsisinik soqutigisalik
  • Allattariarsornikkut oqaluttariarsornikkullu annertuumik piginnaasalik
  • Ilisimasanik katersuineq ingerlatitseqqiinerlu
  • Ataatsimoortitsillunilu suliassanik agguataarisinnaasoq
  • Atorfimmut tulluartumik ilinniagaqarsimaneq
  • Suliffimmut pimoorussisoq, inunnillu assigiinngitsorpassuarnik suleqateqarsinnaasoq.


Atorfimmut tunngatillugu ilaatigut angalasariaqartarnissaq naatsorsuutigineqassaaq. Marluinnik (kalaallisut/qallunaatut) oqaaseqarnissaq allamiutullu oqaaseqarsinnaaneq iluaqutaassaaq kisianni piumasaqaataanani.

Pinaveersaartitsinermut kiisalu Inunnik Isumaginninnermut tunngasut pillugit.
Pinaveersaartitsinermut kiisalu Inunnik Isumaginninnermut Tunngasunik Aqutsisoqarfik, aqutsiviuvoq Naalakkersuisut ataanniittoq, ukunanngalu 6-nik immikkoortortaqartoq:
Pinaveersaartitsinermut Immikkoortortaq PAARISA, Aningaasaqarnermut Immikkoortortaq, Ulloq unnuarlu kiisalu Inissititerinermut Immikkoortortaq, Oqartussaatitaanermik Immikkoortortaq, Pinaveersaartitsinermillu Immikkoortortaqarfik Allattoqarfillu.
Immikkoortortaqarfik tamarmik qanimut suleqatigiipput, suliffeqarfiuvorlu sulianut unamminartulik. 

Akissarsiat atorfeqartitaanermilu atugassarititaasut
Atorfik akissaateqarfimmi LR 38-mi maanna inissisimavoq.

1. april 2020 LR 38-mi akissarsiat imak isumaqagitiissutigineqarnikuupput qaamammut  Kr. 55.829 ukiumullu Kr. 669.953 tunngaviusumik aningaassarsiarititaasoq tapillu aalajangersimasut ilanngulugit.

Aallaavittut atorfinitsitsinermi isumaqatigiissut aallaaviussoq, qinnuteqartorlu tjenestemand-tut atorfeqareersimaguni nunatsinni Oqartussat kommuninilu tjenestemandit pillugu Inatsisartut inatsisissaat malillugu atorfinitsitineq tjenestemanditut atugassarititaasut naapertorlugit atorfinitsitaasoqarsinnaavoq.

Naalagaafiup ataanni atorfeqartut isumaqatigiissutaasimasut naapertorlugit aningaasarsiaqarnatit sulinngiffeqarnissamut periarfissinneqarnikuupput, Tjenestemand-itut isumaqatigiissulluniit naapertorlugu atorfeqaruni soorlulusooq kattuffik AC isumaqatigiissutigisimasaaniitut soorlu DJØF Finansministeriap akornani isumaqatigiissut.  Qallunaat nunaanni nunap iluani pissutsinut Naalakkersuisoqarfiusoq innersuussutigivaa Kalaallit Nunaanni Namminersorlutik Oqartussat ataanni atorfininnikkumallutit qinnuteqartut sapinngisamik akimisaarfigineqassanngitut akissarsiaqarnatik sulinngiffeqarniarlutit qinnueqarpata, sulinngiffeqarnissamut isumaqatigiissutit qinnuteqartup inooqataanuttaaq assingusumik atuutsitaapput.

Aallaaviusumik sapaatip akunnerani suliffiuvoq akunneri 40-t, atorfimmullu atuuppoq qaanngiuttornermusiaqarsinnaanginneq aammattaaq ulloq sulinngiffiusussaasoq annaagaani ajunngitorsiassaqarfiunngilaq.

Akissarsiatigut aamma atorfeqartitaanermi atugassarititaasut, taakkununga ilanngullugit atorfinikkiartorluni soraarlunilu angalasinnaatitaanermut aamma pequtit nuunneqarsinnaanerat akiliunne-qartarneq, Namminersorlutik Oqartussat aamma pineqartup kattuffiata isumaqatiginninniarsinnaa-titaasup akornanni atorfinitsitaanermi piffissami atuuttumi isumaqatigiissutaasa/sulisunut isumaqatigiissutaat naapertorlugit ingerlanneqartarput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Atorfinititsinissamut piffissarititaasoq
1. november 2020 imaluunniit isumaqatigiissuteqarnikkut.

Qinnuteqarfissaq
Qinnuteqarfissamut killigitinneqarpoq ulloq 28. september 2020 nal. 12:00
Oqaloqatiginninnerit atorfininninnissamut killigitinneqartoq naammasseriarpat pissaaq.

Paasissutissat allat
Atorfimmut tunngatillugu qanimut paasisaqarnerorusukkuit, Aqutsisoqarfiup pisortaa Helene Broberg Berthelsen attavigissallugu tikilluaqqusaavutit, oqarasuaammut uunga: +299 55 56 75.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk