Skip to main content
94

Dette jobopslag er udløbet

Pitsaaliuinermut Isumaginninnermullu Aqutsisoqarfik ineriartortitserusuttumik ilinniartitaanermut siunnersortissarsiorpoq

Pingaarutilimmik atorfeqarusuppit nunarpullu tamakkerlugu isumaginninnermik suliaqarnermi piginnaanngorsaanermi kivitseqataarusullutit? Aqutsisut, sulisut allallu avataaneersut suleqatigalugit ineriartortitsilluni suliniutit assigiinngitsut ataqatigiissarsinnaavigit? Ilinniartitaanerit ineriartortitsinermullu suliniutinik ataqatigiissaarinissaq uummateqarfigaajuk?  Taava illit Pitsaaliuinermut Isumaginninnermullu Aqutsisoqarfimmi ilinniartitaanermut siunnersortigilersinnaavatsigit.
 
Pitsaaliuinermut Isumaginninnermullu Aqutsisoqarfik pillugu
Pitsaaliuinermut Isumaginninnermullu Aqutsisoqarfimmi suliassat isumaginninnermut tunngasut annertuut, unammilligassat anguniakkallu annertuut suliaraavut. Isumaginninnermut pitsaaliuinernullu tunngasunik ilitsersuilluta, siunnersuilluta suliniutinillu nutaanik inerisaasarpugut suliarpullu kalaallit inuunerannut sunniuteqartaqisoq ullut tamaasa akisussaaffigalugu tigusarparput. Aqutsisoqarfimmi suleqataasutut taamaammat annertuumik akisussaaffeqassaatit sulianullu tunngatillugu aamma annertuumik unammilligassaqassallutit.

Atorfik pillugu
Ilinniartitaanermut siunnersortimik tunniusimasumik Aqutsisoqarfiup, kommunit nunatsinnilu pikkorissaasartut ilinniarfiillu akornanni suleqatigiinnissamut pilersitseqataasussarsiorpugut, sulisut isumaginninnermi piginnaasaat qaffassarniarlugit. Suleqatigiilluta allattoqarfimmi tamanik takunnissinnaanngussaagut ilinniaqqinnissamut periarfissanik nutaaliorluta isumaginninnermi sulisut suliaqarnerannik pitsanngorsaassaagut pitsaasunillu ilinniarnissamut pikkorissarnissamullu neqerooruteqarluta pilersitsillutalu.
 
Suliassatit ilaatigut makkuussapput:

  • Ilinniarsimanngitsunut sulisunullu assigiinngitsunik ilinniagalinnut nunatsinni ilinniarfiit suleqatiginerisigut ineriartortitsinernik attuumassuteqartunik ataqatigiissaarineq ineriartortitsinerlu
  • Pikkorissaanernut, ilinniarnissamut piginnaasanullu Kalaallit Nunaanni isumaginninnermik kivitsivigineqarnissamut pisariaqartinneqartut pillugit neqeroorutit akornanni ataqatigiinnissaannik qulakkeerinninneq maanna siunissamilu
  • Pikkorissaassutigineqartussani ilinniarnernilu anguniakkap, pitsaassutsip, uppernarsaanissap, inissiinissap ineriartortitsinissallu qulakkeernissaa
  • pikkorissaanermut ilinniartitaanermullu tunngasuni ataqatigiissaarisuuneq attaveqarfissatullu inissisimaneq
  • aqutsisunut aaqqissuussaanermilu allanut ilinniartitaanermut atatillugu siunnersuineq ilitsersuinerlu.


Matuma saniatigut Pitsaaliuinermut Isumaginninnermullu Aqutsisoqarfimmi ilinniartitaanermut tunngasut pillugit suliassanik suliaqartassaatit suliassanillu tamanut tunngasunik isumaginnittassallutit.
 
Naatsorsuutigaarput, illit:

  • atorfimmut naleqquttunik ingerlaqqiffiusumik ilinniaqarsimassasutit
  • suliniutinik suliaqarnermik misilittagaqartut allaffissornikkullu sulianik annertuunik suliaqarsimallutik, suliffeqarfimmi naalakkersuinikkut aqunneqartumiissimaguit iluaqutaasinnaavoq
  • Pisunik paasinnilluarsinnaassaatit, peqqissutsimik paasinnilluarsimallutit suleqateqarsinnaalluarlutillu
  • Suleqataallaqqittutit attaveqallaqqillutillu inunnillu assigiinngitsunik suliaqartunik tusarnaarluarsinnaallutit oqaloqateqarsinnaalluarlutillu,
  • Aqutsisut suleqatiginerisigut suliassanik nalunartunik suliaqarninni namminersorsinnaallutit anguniagaqarsinnaallutillu.


Pitsaaquteqassaaq, kalaallisut danskisullu allassinnaallutillu oqalussinnaaguit.
 
Illilli makku pissarsiarissavatit:

  • Atorfik tamanut avammullu suliaqarfiusoq suliassaqarfittaalu nikerartoq pilerigineqarluarlunilu
  • Atorfik ineriartorfiusoq, iliuuseqarnissamut kiffaanngissuseqarfiulluinnartoq sunniisinnaaffiulluartorlu
  • suleqatigiinni patajaatsuni ilaasoq, pitsanngorneruniarluta ikioqatigiittuaannarluta
  • aqutsisoq sulianut tunngasunik piginnaasanut tatiginnittoq ineriartornissaminillu salliutitsisoq
  • suleqatit pitsaasut suleqatigiilluarnissamik pingaartitsisut - aamma ulapaarfimmi
  • persuarsiorpalaanngitsumik attaveqarneq sulinissamullu tunngavissanik nammineq sunneeqataasinnaaneq.


Naalakkersuisut Danmarkimilu naalakkersuisut oktober 2019-imi isumaqatigiipput Kalaallit Nunaanni meeqqat inuusuttullu pillugit suliniuteqartarnermut suleqatigiinneq nukittorsarneqassasoq tamannalu pillugu suliffeqarfiit akornanni ataatsimoorussamik suleqatigiiffimmik pilersitsisoqassasoq.  Sulinermi suliniutinut angusassaqarfiusunut kaammattuutit 16 pilersinneqarput, taakkunanngalu suliassaq ataaseq meeqqanut inuusuttunullu tunngasuni suliassaqarfimmi piginnaanngorsaanermik piginnaasanillu ineriartortinneqarnissaanut neqeroorutinik ataqatigiissaarinermut tunngavoq. Taamaattumik atorfik kalaallit-danskillu suleqatigiinneranneersuuvoq aallaaviatigullu 2023-p naanissaata tungaanut killeqartinneqarluni, sivitsorneqarsinnaajumaarporli.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Inissiaq
Atorfimmut atatillugu pisatsersugaanngitsumik inissaqartitsisoqarsinnaavoq. Qinnuteqartut atorfitsik aqqutigalugu ineqartinneqareersut imaluunniit kommuninit Namminersorlutik Oqartussanilluunniit pigineqartunik ineqartut inissaqartinneqarsinnaanngillat.
Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Sulisumut inissiaq atorfimmut pituttugaavoq atorfimmiillu soraarnermi kingusinnerpaamillu suliniutip naammassippat qimanneqassalluni.

Piffissaq atorfiniffiusoq
1. oktober 2020 isumaqatigiissuteqarnikkulluunniit.
 
Qinnuteqarneq
Qinnuteqarnissamut periarfissaq kingulleq tassaavoq ulloq 29. september 2020 Atorfinitsitsinissamut oqaloqatiginninnerit taassuma kingorna pinissaat naatsorsuutigineqarpoq.

Atorfimmut tunngatillugu paasissutissat amerlanerusut pisariaqartikkukkit allattoqarfimmi pisortaq Sheila Flyckt Steen saaffigisinnaavat uunga oqar.: +299 54 66 66 imaluunniit aqutsisoqarfimmi pisortaq Helene Broberg Berthelsen, oqar: +299 55 56 75.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

  Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk