Skip to main content
115

Dette jobopslag er udløbet

Pitsaaliuinermut Isumaginninnermullu Aqutsisoqarfik inatsisilerituumik misilittagalimmik sulisussarsiorpoq

Pitsaaliuinermut Isumaginninnermullu Aqutsisoqarfimmi isumaginninnermi aporfiit, unammilligassat anguniakkallu pingaarutillit suliaraagut.
Isumaginninnermut pitsaaliuinernullu tunngasunik ilitsersuilluta, siunnersuilluta suliniutinillu nutaanik inerisaasarpugut suliarpullu kalaallit inuunerannut sunniuteqartaqisoq ullut tamaasa akisussaaffigalugu suliarisarparput.
Isumaginninnermik Aqutsisoqarfik isumaginninnermi suliassanik ingerlatsineq pillugu kommunini ingerlatsivinnut siunnersuisassaaq, ilitsersuisassaaq imaarsaasarlunilu.

Aqutsisoqarfik suliassaqarfinnut assigiinngitsunut agguagaavoq soorlu innersuussisarneq inissiisarnerlu, tassani nunatsinni ulloq unnuarlu paaqqinnittarfinnut inissiinissanut innersuussisoqartarluni, Qitiusumik Siunnersuisarfik meeqqanut tunngatillugu suliassanik tamanik siunnersuisarfiusoq, aqutsisut allaffeqarfiat kiisalu pinaveersaartitsinermik suliaqartartut Paarisa.
Massakkut inatsisilerituutut atorfeqartoq suleqatigissavat, tassanilu isumaginninnermut tunngatillugu suliassat tassungalu ilanngullugit meeqqanut inersimasunillu tunngatillugu suliassanut tamanut inatsisilerinernut tunngatillugu suleqatigisassavat.
Aqutsisoqarfimmi massakkut inatsisilerituusoq siunnersortaasullu suleqatigalugit isumaginninnermut inatsisit pillugu kommunini sulisunik ilinniartitsisarnissaq piffissap ilaanni pisarsinnaavoq.
Aqutsisoqarfimmi inatsisilerituutut suliassanik nalinginnaasunik suliaqangaatsiartarnissat naatsorsuutigissavat.
Nunatsinni isumaginninnermut tunngasut pitsaanerusumik suliarineqartarnissaat aammalu kommunini pisariaqartitsiviusuni ikiorsiisarnissaq Aqutsisoqarfimmi anguniagaavoq.
Aqutsisoqarfimmi inatsisitigut suliassat tamaasa siunissami kisimiillutit suliarisalertussaassavatit.
Pinaveersaartitsinermut Isumaginninnermullu Aqutsisoqarfimmi suleqataasutut taamaammat annertuumik akisussaaffeqassaatit sulianullu tunngatillugu aamma annertuumik unammilligassaqassallutit.

Suliassat tamatigoortuupput aamma kulturikkut sulianullu tunngasutigut killigisat akimorlugit suleqatiginnissinnaanermik piumasaqaateqarput, kiisalu nammineq sulianut tunngasunut nammineerluni akisussaaffimmik tigusisinnaasariaqarpoq.

Atorfik pillugu
Isumaginninnermut inatsisilerituumik misilittagartuumik inuttut suliassallu eqqarsaatigalugit sunniuteqarluarsinnaasumik suleqatissarsiorpugut.
 
Suliassatit ilaatigut makkuussapput:

  • Aqutsisoqarfiup isumaginninnermut tunngatillugu suliassani tamani kommuninik tallimaasunik inatsisitigut ilitsersuisarnernik siunnersuisarnernillu suliassanik suleqataaneq
  • Inatsisinut tunngatillugu angalasartut illoqarfinnut nunaqarfinnullu ilinniartitsisarnerini piffissap ilaani peqataasarneq - angalasarnissaq naatsorsuutigisariaqarpoq
  • Suleqatit, pisortat suleqatigisallu ataatsimeeqatigisarnerini peqataasarneq
  • Suliassani ataasiakkaani inatsisitigut unammilligassat aaqqiiffigisarnissaat
  • Suliassanik ataasiakkaanik suliarinninnerit
  • pisariaqaleraangat.


Ilinnut neqeroorutigisinnaavagut:

  • Suliffeqarfik nammineersinaassusermik aalajangiisinnaassuseqarnermillu pingaartitsisoq
  • Atorfik Naalakkersuisoqarfimmi pimoorussisunik pikkorissunillu suleqateqarfiusoq
  • Atorfik, sulisut ataasiakkaat piginnaaneqarfiinik ataqqinnillunilu ammaffiusoq
  • Atorfik ulapaarfiusinnaasoq, kisiannili aammattaaq unammillernartulik pissanganartorlu.


Naatsorsuutigaarput, illit:

  • cand.jur.-itut ilinniagaqarsimassasutit
  • isumaginninnermut tunngatillugu inatsisilerinerup iluani misilittagaqartutit
  • suliffimmi politikikkut aqutaalluni aaqqissugaasumi suliaqarnissamik misilittagaqartutit
  • Ulapaarfinni tamakkiisumik isiginnissinnaassuseqartutit
  • piumassuseqarluartoq, sunniuteqarluartoq siuarsaanissamut naammassisaqarnissamillu qulakkeerinnissinnaasoq
  • Allanngortitsinissamut piareersimassasutit suleqatikkuminartuullutillu, suleqatinnut suleqatigisanullu ammasuullutillu akuersaartuullutit, aammalu suleqatigiinnissamik oqartussaasoqarfiillu assigiinngitsunik suliallit akornanni suleqatigiinnermik paasisimasaqartuusutit
  • Naligiittumik akuersaartumillu attaveqallaqqissuusutit, inatsisilerituujunngitsunullu inatsisilerinermut tunngatillugu ajornartorsiutaajunnartunik paasiuminaatsunik nassuiaasillaqqissuusutit
  • aaqqissuussaasumik sulisinnaasutit aammalu suliassat piffissaliussat iluini pitsaasumik suliarisinnaassagitit.


Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Piffissaq atorfiniffiusoq
1. november 2020 aallarnerfigalugu imaluunniit immikkut isumaqatigiinnikkut atorfinittussamik pissarsiorpoq.

Qinnuteqarneq
Qinnuteqarnissamut killigititaasoq tassa ulloq 24. september 2020 na. 12:00
Atorfinitsitsiniarluni oqaloqatiginninnerit naatsorsuutigineqarput ingerlanneqartussatut tamatuma kinguninngua.

Atorfimmut tunngatillugu paasissutissat amerlanerusut pisariaqartikkukkit Aqutsisoqarfimi pisortaq Helene Broberg Berthelsen saaffigisinnaavat uunga oqa.: +299 55 56 75.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk