Skip to main content
90

Dette jobopslag er udløbet

Pitsaaliuinermut Isumaginninnermullu aqutsisoqarfik Aqutsisoqarfiup pisortaata allatsissaanik uummaarissumik sulianut aalajangiivigisassanut peqataasartussamik pissarsiorpoq

Pitsaaliuinermut Isumaginninnermullu aqutsisoqarfimmi isumaginninnermut tunngasunik, unammilligassanik anguniakkanillu annertuunik suliaqarpugut. Ilitsersuinermik, siunnersuinermik suliaqartarpugut, pitsaaliuinerup isumaginninnerullu iluani iliuusissanik nutaanik inerisaasarluta, ullullu tamakkiallugit suliatta kalaallit inuunerannut annertuumik sunniuteqarnerannut akisussaaffimmik tigusisarluta. Taamaammat Pitsaaliuinermut Isumaginninnermullu Aqutsisoqarfimmi sulisutut annertuumik akisussaaffeqassaatit ilinniagaqassutsikkullu imaannaanngitsunik unammilligassaqassallutit.

Atorfik
Aqutsisoqarfiup pisortaata allatsissaanik  aqutsisoqarfiup pisortartaavanik sullissisussamik suleqateqartussamillu pissarsiorpugut. Atorfik nutaajuvoq pissanganartoq pingaarutilillu, aalajangiiniarnernut qanittumi inissisimassaatit iliuusissanillu nutaanik ataqatigiissaarinermi peqataasassallutit. Taamaammat sulineq politikkikkut sulianik ingerlatsinernut ilinniakkallu akimorlugit suleqatigiinnermut annertuunik paasisimannilersitsissaaq sulinermilu toqqammavissavit ilusilernissaannut annertuumik periarfissiissalluni.
 
Suliassat ilaatigut makkuussapput:

  • Aqutsisunik sullissineq, ataatsimiinnissanik piareersaaneq malitseqartitsinerlu.
  • Ilaatigut allakkianik, aalajangiivigisassanngorlugit saqqummiussassanik, misissueqqissaarnernik sulianillu ingerlatsinissamut pilersaarutinik suliaqarneq pitsaassutsimillu qulakkeerineq,
  • Aqutsisut ataatsimiinnerisa pilersaarusiornissaat ataqatigiissaarnissaallu,
  • Politikkikkut aalajangiussanik piviusunngiortitsinermi tamatumunngalu atatillugu ingerlatani minnerusuni annertunerusunilu pilersaarusiornermi ingerlatsinermilu peqataaneq,
  • Politikkinik malitseqartitsineq,
  • Nammineerluni sulianik ingerlatsineq.

Naatsorsuutigaarput:

  • Naapertuuttumik inuiaqatigiit pillugit ilisimatusarnermi kandidatiunissat,
  • Politikkimut tunngatillugu eqqortuliornissamut piginnaaneqarnissat, ajornanngippat suliffeqarfimmit politikkikkut aqutamit ilaatigut Qitiusumik Allaffeqarfimmit imal. kommunimit misilittagaqarnissat,
  • Oqaatsit allakkallu atorlugit attaveqatigiinnermi ingerlatitseqqiinermut ersarissunik piginnaaneqarnissat,
  • Assigiinngitsunik ilinniagalinnik susassaqaqatinillu suleqateqarnermut pikkorissuunissat,
  • Pitsaaliuinermut Isumaginninnermullu Aqutsisoqarfiup sulianik ingerlatsinerani nammineerlutit akisussaaffimmik tigusinissamut kajungerisaqarnissat,
  • Ilinniakkat akimorlugit avatangiisini, ataasiakkaat ataatsimut isiginnilluni aaqqiissuteqarnissamut suleqataaffianni sulinermik kajungerisaqarnissat,
  • Ataatsikkut arlalinnik pimoorussilluni piginnaaneqarlunilu suliaqarsinnaanermut annertuumik sapiissuseqarnissat,
  • Iliuuseqarsinnaassuseqarlutit, ilumoortuullutit akisussaassuseqarlutillu sulianik naammassinnissinnaassuseqarnissat.

Kalaallit tuluillu oqaasiisa piginnaasaqarfiginerat aamma/imal.  Namminersorlutik Oqartussat ilisimasaqarfiginerat iluaqutaassaaq piumasaqaataanngilarli.
 
Taamaakkaluaq:

  • Ilinniagaqassutsikkut avatangiisini nukittuuni pitsaaneruleriartuinnarnissamut ikioqatigiiffiusumi peqataasaatit,
  • Ilinniagaqassutsinnik tatiginnittumik ineriartornissannillu pingaartitsisumik aqutsisoqassaatit,
  • Ulapaarfimmissaaq pitsaasumik ataatsimoornissamik pingaartitsisunik pitsaasunik suleqateqassaatit,
  • Persuarsiunngitsumik ataatsimooriaaseqarnermi peqataassaatit namminerlu sulinermi toqqammavissanut sunniuteqassallutit,
  • Sulianut atuuffinnullu tunngatillugu naapertuuttumik piginnaasatigut inerisarneqassaatit.


Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Atorfiniffissaq
1. februar 2020 immikkulluunniit isumaqatigiissuteqarnikkut.
 
Qinnuteqaat
Qinnuteqarfissaq kingulleq tassaavoq 30. januar 2020
Qinnuteqartunik oqaloqateqarneq tamatuma kinguininngua pisussatut naatsorsuutigineqarpoq.

Atorfik pillugu annertunerusunik paasisaqarusukkuit Aqutsisoqarfiup pisortaa Helene Broberg Berthelsen, oqarasuaatikkut: +299 55 56 75 attavigisinnaavat.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.