Skip to main content
106

Dette jobopslag er udløbet

Pitsaaliuinermut Isumaginninnermullu Aqutsisoqarfik ilinniartumik ikiortissarsiorpoq

Pitsaaliuinermut Isumaginninnermullu Aqutsisoqarfik ilinniartumik ikiortissarsiorpoq
Isumaginninnermut tunngasut iluini anguniagaqaruit, taava Pitsaaliuinermut Isumaginninnermullu Aqutsisoqarfimmi ilinniartutut ikiortitut atorfik ilinnut piukkunnaqaaq. Ilinniartutut ikiortitut meeqqat, inuusuttut utoqqaallu pineqartillugit isumaginninnermut tunngasutigut paasisimasaqarlualissaatit. Inuiaqatigiit taakku pineqartut iluini angusat ilaannik ingerlatitseqqiisarneq Aqutsisoqarfiup suliassarigaa pillugu aammattaaq paasisimasaqarfigilissavat.
Ilinniartutut ikiortitut nammineerlutit sulisinnaassaatit, kisianni aamma illit annertunerusumik nalinginnaanerusunik suliassaqarsinnaavutit, sulisut sinnerisa suliassatigut iluarsisassaannut tapersersuisinnaallutit.
 
Aqutsisoqarfik pillugu
Pitsaaliuinermut Isumaginninnermullu Aqutsisoqarfimmi atorfinitsinneqassaatit Aqutsisoqarfimmi 58-iulluta atorfiliuvugut isumaginninnermut tunngasut iluini suliffeqarfinnik kommuninillu attaveqatigiilluarnermik pilertitsinissamut tamattaalluta qulakkeerinnittussat, taamaasilluni Kalaallit Nunaat tamakkununnga tunngasutigut inissisimanerulluarnerulerniassammat.
Aqutsisoqarfik isumaginninnermut tunngasut tamarmiusut iluanni suliassanut tunngatillugu ilaatigut kommuninut attaveqartarnernik suliaqartarpoq.  Siammasissumik toqqaannartumik attaveqarnerit suliarineqartarput kisianni aammattaaq innuttaasunut paasissutissatigut atortussanik saqqummiussanngorlugit toqqaannanngitsumik attaveqarnerit suliarineqartarlutik.
 
Atorfik pillugu
Ilinniartutut ikiortitut Aqutsisoqarfimmi sulisut sinnerisa suliassaannik tapersersuisassaatit. Naatsorsuutigisinnaavat allanngorartunik siammasissunillu nangeqattaartunik suliassaqassallutit. Naatsorsuutigissavat, illumi pingaarnermi namminermut suliassanut aggersarneqarsinnaanissat, kisianni aammattaaq illut allat iluini suliakkerneqarsinnaavutit, Aqutsisoqarfiup pigisaanut.
Suliassat makkuusinnaapput:

  • Paasissutissatut atortussanik siaruarterisarnermut ikiuuttarneq.
  • Ataatsimiinnerit annertunerusut assigisaasalu piareersarneqarnerannut ingerlanneqartarnerannullu ikiuuttarneq.
  • Suliassat nalinginnaasut soorlu naqiterinerit, allagartat uppernarsaatit mappenut katersortarneri assigisaallu.
  • Suliassat nalinginnaasut soorlu allagaataasivinnut inissiinerit aammalu allagartanut uppernarsaatinik pequttanillu nalunaarsuisarneq.

 
Ilinnut tunngasut
Ilinniartutut ikiortissamik tunniusimalluartumik pissarsiorpugut, kajumissuseqarluni suliassanik suliaqarusuttumik, eqaatsumik periusilik suliassanillu assigiinngitsorpassuarnik iluarsiisinnaasoq.
Kissaatigaarput illit:

  • Bacheloritut qaffasitsigisumi ilinniartuusutit
  • Sullisserusussuseqartuusutit suliaqarnissamullu piumassuseqarlutit
  • Suleqatinik avataanillu suleqatinik suleqateqallaqqissuusutit

Akissarsiat atorfinitsitaanermilu atugassarititaasut
Sungiusaatigalugu sulisunut ilinniartutullu ikiortit akissarsiaat atorfinitsinneqarnerinilu piumasaqaatit pillugit malittarisassat 15. september 2016-imeersut.
Sulinerup sivisussusaa aallaavittut sapaatip akunneranut akunnerit 10-15-iupput ilinniarnerit apeqqutaalluni, kisianni isumaqatigiissutigineqarsinnaavoq. Misilitsinnernut assigisaannullu atatillugu eqaassutsimik neqerooruteqarpugut il.il.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat sukumiisut
Atorfik pillugu annertunerusumik paasisaqarnerorusukkuit Paarisamut immikkoortortaqarfimmi pisortap Ditte Sølbeck attaviginissaanut tikilluaqquneqarputit uunga e-mail: ditt@nanoq.gl, oqarasuaat 34 60 37 imaluunniit oqarasuaat angallattagaq 26 49 95.
 
Qinnuteqaat
Ingerlaavartumik oqaloqatiginnittoqartarpoq.
Ulloq atorfiniffiusussaq sapinngisamik piaartumik aamma isumaqatigiissuseqarneq malillugu pissaaq.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk