Skip to main content
136

Dette jobopslag er udløbet

Pissarsiorpugut suliassaqarfiit assigiinngitsut akimorlugit suliaqartussamik AC-fuldmægtigimik ilinniartitaanernik suliassaqarfimmut, Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmi

Qinnuteqarnissamut piffissaliussap killunga: 03.06.22.
Atorfininneq ersarinnerusumik isumaqatigiissuteqarnikkut.
 
Nunatsinni inuusuttortatsinnut ilinniartitaanernik suli pitsaanerusunik pilersitseqataarusuppit?

Ilinniartitaanernut suliassaqarfimmi ineriartortitsineq pingaarnersiuinermi qaffasissumik inissisimavoq, inuusuttatsinnut ilinniartitaanernik pitsaanerpaanik pilersitsisoqarsinnaaqqullugu, qularnaarlugulu inuussutissarsiornermik ingerlatsiviit pikkorissunik sulisussaqarnissaat. Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik pissarsiorpoq suleqatissatsinnik nutaamik, inuusuttunut ilinniartitaanernut atatillugu suliassaqarfiit assigiinngitsut akimorlugit sulianik ingerlatsisuusussamik. Suleqatissarput peqataassaaq ineriartortitsinermi aamma nukittorsaanermi suliassaqarfiit assigiinngitsut akornanni sulianik.

Suleqatigiinnitsinni kultureqarpugut tamanut periarfissaqartitsisumik tunniussaqartarnissamut aaqqissuussaanitsinni eqqarsaatinik nutaanik suliattalu aaqqiissutissaannik. Ammasuuguit suleqatigiinnermik periaaseqaruit ilinniartitaanerillu soqutigisaqarfigigukkit immaqa taannaavutit suleqatissarput nutaaq. Atorfimmi tassani suliarissavatit ineriartortitsineq, nalilersuisarneq aamma ilinniartitaanermut suliassaqarfimmi sulianik ingerlatsineq.

Illit inuttut pikkoriffigisatit
Sulisussarsiorpugut AC-fuldmægtigimik, suliassaminut tunniusimasumik aammalu piginnaaneqartumik piumassuseqartumillu suleqatigiinni piusunik suleqataanissamut, ineriartortitsinermillu pingaartitsisumik. Illit ujarpatigit fagitigut naammassilluagaasunik sulianik tunniussisarnermik tulluusimaaruteqartartoq, aaqqissuussaasumillu suliassaminik ingerlatsiumatooq. Suliassat siammasissuupput allaffissornikkut aamma ingerlatsinikkut sulianiit ineriartortitsinermik sulianut naalakkersuinikkullu suliaqartunik sullissinermik aamma imaqartartut. 

Iluarissavarput:

  • Illit suliassanut naleqquttumik qaffasissumik ilinniagaqarsimanerit.
  • Misilittagaqarnerit inuussutissarsiutinut ilinniartitaanerniit – ilinniarnertuunngorniarluni ilinniartitaanerniit imaluunniit ilinniartitaanernik suliassaqarfimmi atorfimmit allamiit.
  • Paasisimasaqarnerit aningaasarsiornermut aamma kisitsisinik paasissutissanik suliaqarnermik.
  • Tamakkiisumik isiginnissinnaassuseqarnerit piffissamilu ulapiffiusumi suliassanik naammassinnissinnaanerit.
  • Inuiaqatigiinnik kalaallinik ilisimasaqarluarnerit.
  • Iluaqutaassaaq oqaatitsigut piginnaaneqarnerit kalaallisut, nunani avannarlermiut oqaasiini aammalu tuluit oqaasiini.
  • Tamakkiisumik takunnissinnaassuseqarputit, piffissamilu ulapiffiusumi tamakkiisumik isiginninnerit pigiinnarsinnaasarlugu.
  • Qarasaasiani aningaasarsiornikkut aqutsinikkut programminik aamma kisitsisinik paasissutissanik suliaqarnermut programminik ilisimasaqarneq iluaqutaassaaq.

Pissarsiorpugut AC-fuldmægtigimik suliassanut tulliuttunut:

  • Suliassanik isumaginninneq inuussutissarsiutinut ilinniartitaanernut sammisunik, suliassanik Perorsaanermik Ilinniarfimmut atasunik suliaqarneq aamma Qitiusumik Ilinniarfinnut Peqqinnissamullu Ilinniarfimmut tunngasunik suliaqarneq, tamatumani aamma:
    • Ineriartortitsineq, suliniutinik aallartitsisarnerit, nalilersuisarneq aamma suliniutinik atortuulersitsisarneq, siunnersuisarneq, aningaasanut inatsisissamut atatillugu suliassat, aningaasanut tunngasunik paasissutissanik katersisarneq nalilersuisarnerlu.
  • Inuusuttut ilinniartitaanerinut atatillugu suliassanik ingerlatsisarnerit, soorlu: Perorsaanikkut ilinniartitseriaatsini suliat, ilinniakkaminnik taamaatitsiinnartartut, ilitsersuisarneq/ siunnersuisarneq allallu.
  • Naalakkersuinermik suliaqartunik sullissineq, allakkianik suliaqartarneq, nalunaarusiortarneq, suliassat allattorsimaffiannik suliaqartarneq, oqalugiaasiorneq aamma tusagassiorfinnut nalunaarutinik suliaqartarneq.
  • Ataatsimiinnermi peqataasarnerit, ilaatigut isumalioqatigiissitani, ataatsimiititaliani, suleqatigiissitani siunnersuisoqatigiinnilu.
  • Suliassaqarfiit assigiinngitsut akimorlugit ineriartortitsinernik suliani peqataaneq.
  • Naalakkersuisunut / Inatsisartunut suliassanik isumannaarisarneq.
  • Inuusuttunut ilinniartitaanernik suliassaqarfimmi Ad hoc-imik suliassat.

Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmi ilinniartitaanernut immikkoortortaqarfimmi suliat suleqatigiiaani assigiinngitsuni aaqqissuussaasarput, kiisalu ilalersuisuusarlutillu Naalakkersuisoqarfimmi inuiaqatigiinnilu sulianik ataatsimut assigiinngiiaartunik. Atorfik periarfissaqartitsivoq sunniuteqarnissamut, akisussaaffeqarnissamut tamatigoortunillu sulianik ingerlatsinissamut, kiisalu suleqatigiinnermut pitsaasumut isumasioqateqartarnermullu.

Angalasarnerit pillugu 
Naatsorsuutigisariaqassaaq angalasarnissaq.

Akissaatit atorfeqarnerlu 
Uani pineqarpoq AC-Fuldmægtigitut atorfeqarneq. Atorfinittussaq pisariaqartinneqartunik eqqortunillu piginnaaneqartoq naammattunillu misilittagaqareersoq Immikkut siunnersortitut - Specialkonsulent - atorfinititsisoqarsinnaavoq.
 
Akissaatit aamma atorfeqarnermi atugassarititaasut, matumani aamma atorfininnermut soraarnermullu atatillugu angalanerit pequtinillu angallassinerit, piffissami atorfiniffiusumi isumaqatigiissutaasut Namminersorlutik Oqartussat aamma kattuffiup isumaqatigiinniarsinnaatitaasup akornanni atuuttut naapertorlugit.

Atorfimmut atatillugu sulisumut inissiamik innersuussisoqartanngilaq.

Qinnuteqartorli sulisuusutut atorfimmut atatillugu Namminersorlutik Oqartussani ineqartinneqareersimappat inissiaq innersuunneqarsimasoq pigiinnarneqarsinnaassaaq. Atorfeqarnermut atatillugu inigisaq atorfimmut atasuuvoq, atorfeqarnerullu taamaatinnerani qimanneqartussaalluni.


Attaveqarfigisassaq  
Atorfimmut atatillugu apeqqutit pillugit attavigineqarsinnaavoq, Immikkoortortaqarfimmi, Dorthe Bistrup: dbip@nanoq.gl
Qinnuteqaatit, CV, ilinniakkanut pikkorissarnernullu uppernarsaatit, kiisalu uppernarsaatit allat attuumassuteqartut nassiutikkit toorlugu “Qinnuteqaat nassiuguk”.
Qinnuteqaatinik e-mail atorlugu tigusisanngilagut.
 
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk