Skip to main content
130

Dette jobopslag er udløbet

PI/SPS Kalaallit Nunaanni perorsaanilerinermik ilinniarfinni ilinniartitsisussarsiorpoq -Allagarsiuteqqitaq

Unamminiagassanut nutaanut sapiissuseqarpit killingusaarlu nutaaq piareersimaffigaajuk, taava PI/SPS-imi Perorsaanermik Ilinniarfimmi Ilulissaniittumi ilinniartitsisutut atorfik soqutiginartoq inuttassarsiorneqarpoq.

PI/SPS Kalaallit Nunaanni perorsaanermik seminariatuaavoq, nunarsuarmi kangerluit iigartartullit annersaat kusanarnerpaallu, nunarsuup kingornutaatut erligisassatut UNESCO-mit ilanngunneqarsimasup, qanittuani inissisimaffeqartoq. PI/SPS-mi ilinniarneqarsinnaasut amerlisarpagut, taamaattumillu ilinniartitsisussarsiorluta amerlasuunik.

Ilinniarfik 300 missaanik ilinniartoqarpoq, ilinniartitaanernut assigiinngitsunut arfineq-marlunnut agguataarsimasunik: ulluunerani meeqqanik sullissinermi ikiortinngorniarneq, isumaginninnermi ikiortitut ilinniarneq, socialassistentitut ilinniarneq, perorsaasutut sammivilimmik bacheloritut ilinniarneq, najugaq qimannagu perorsaasunngorniarneq, siunnersuinermi ikiortitut ilinniarneq, kiisalu isumaginninnerup iluani siunnersortitut ilinniagaq ilinniagartuutut. PI/SPS-mi 45-nik sulisoqarpugut.

PI/SPS-ip Kalaallit Nunaat tamakkerlugu suliassaqarfii pingaarutillit makkuupput:

  • Ulluunerani neqeroorutini ikiortitut, Perorsaasunngornianik, socialassistentinngornianik isumaginninnermilu ikiortinngornianik piukkunnartunik ilinniartitsineq
  • Perorsaanermik suliassaqarfik tamakkerlugu pikkorissarnernik ilinniaqqinnissanut isumaginninneq
  • Perorsaanermik suliassaqarfimmi – suliatigut ilinniartitaanernullu tunngasutigut - ineriartortitsineq isumassarsiornerlu

Ilinniartitsisumik eqaatsumik ineriartortitserusuttumillu pissarsiorpugut, perorsaanermik suliassaqarfiup iluani pimoorussinermik saniatigut suleqammik suleqatiginnikkusuttumik, avatangiisiminnik inussiarnersunik suliassaminnullu ajunngitsumik suleriaaseqartumik. PI/SPS-imi ilinniartitsisoqatigiinnut ilaalissaatit, Kalaallit Nunaanni perorsaanermik suliassaqarfimmi allannguinernut sunniuteqaqataanissamik Seminariap takorluugaanut naapertuuttumik, ilinniartitsinerit sunniuteqarfiginissaannut ineriartortitseqataaffiginissaanullu periarfissaqassallutit.

Perorsaanilerinermik ilinniarfinni ilinniartitsisussarsiorpugt, pingaarnertut perorsaasutut sammivilimmik bacheloritut ilinniarfimmi aammalu socialassitentitut ilinniarfimmi. Pikkorissaanerup ilinniaqqittarnerullu suliassaqarfiup iluani annertusaagatta, Kalaallit Nunaat tamakkerlugu ilinniartitsinikkut suliassat ingerlatallu assigiinngitsut naatsorsuutigineqarsinnaassapput.

Atorfimmut tarnip pissusaanut tunngasuni ilinniartitsisinnaasut salliunneqassapput.

Perorsaanilerinermi tulluartumik masteritut- imaluunniit kandidatitut ilinniagaqarsimassaatit.

Pingaartipparput inuussutissarsiutini perorsaanermik suliassaqarfimmi aamma/imaluunniit inersimasunik ilinniartitsinermik misilittagaqassasutit.

  • Kalaallit Nunaannit misilittagaqarlutillu ilisimasaqarputit, kulturillu allat aallaavigalugit sulinissat ammaffigalugu.
  • Nammineerlutit suliaqarsinnaavutit, ilinniartitsisoqatillu suleqatigisinnaallugit ilaatigut namminneq ilinniartitsineq pillugu, ilaatigullu ilinniarnerup ataqatigiinnera siuariartorneralu akisussaaffigissallugu.
  • Suleqatitut akuersaartumik suleriaaseqarnerit, tatiginninneq akisussaassuseqarnerlu ilisarnaatigaatit.

Atorfik piaarnerpaamik inuttalerneqarnissaa kissaatigineqarpoq imaluunniit kingusinnerpaamik 1. September 2022.

Attaveqarfissaq

Paasissutissat sukumiinerusut uunga oqarasuaat +299 38 35 50 pissarsiarineqarsinnaapput uunga Immikkoortortami aqutsisoq Benedikte Petersen Løvstrøm imal. PI/SPS-imi Tullersorti Marianne Nissen aamma e-mail-ikkut: allaffik@pi.sps.gl-ikkut pissarsiarineqarsinnaapput.

Seminaria pillugu www.pi.sps.gl-imi atuarsinnaavat.

Qinnuteqarfissaq killilerneqarpoq 22.07 nal. 8:00 (kalaallit nunaata kitaata nalunaaqutaat malillugu).

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk