Skip to main content
157

Dette jobopslag er udløbet

PI/SPS Kalaallit Nunaanni perorsaanilerinermik siunnersuinermilu ilinniarfinni aqutsisussarsiorpoq

Perorsaanermik Ilinniarfimmi, Ilulissaniittumi, immikkoortortani aqutsisutut atorfik soqutiginartoq inuttassarsiorparput.

Ilinniarfik 300 missaanik ilinniartoqarpoq, ilinniartitaanernut assigiinngitsunut arfineq-marlunnut agguataarsimasunik: ulluunerani meeqqanik sullissinermi ikiortinngorniarneq, isumaginninnermi ikiortitut ilinniarneq, socialassistentitut ilinniarneq, perorsaasutut sammivilimmik bacheloritut ilinniarneq, najugaq qimannagu perorsaasunngorniarneq, siunnersuinermi ikiortitut ilinniarneq, kiisalu isumaginninnerup iluani siunnersortitut ilinniagaq ilinniagartuutut. 45-nik sulisoqarpugut.

Pingaarnertut socialasisstentinngorniat, perorsaasunngorniat, siunnersuinermilu ilinniarfinni immikkoortortani ilinniartitsisut aqqutsisussaannik pissarsiorpugut. Ilinniartitsisut aqqaneq marluk immikkoortortani taakkuni inuttaritinneqarput. Aqutsisutut PI/SPS-mi siuttunut ilanngutissaatit, tassuunalu aqutsisut immikkoortortaqarfiillu assigiinngitsut suleqatigiinnerannut isumasioqatigeeqataasusaallutit.  

Aqutsisup suliassaasa ilagivai:

  • Ilinniartitaanermi qaffasissuseq studieordning najoqqutaralugu isumannaarlugu
  • Studieordning malillugu ilinniartitaanerup, praktikkertarnerup, misilitsittarnerillu aaqqissuunnera
  • Ilinniarnerup ingerlavissaanik ataqatigiissaarineq
  • Missingersuutit malillugu aningaasaqarnermik aqutsisinnaaneq
  • Sulisunik sullissineq, tassani atorfinitsitsineq, oqaloqatiginninnerillu ingerlanneqartarlutik


Aqutsisup suleqatigisarpai:

  • Ilinniartitsisut
    • Ilinniartitsinernik piareersaaneq
  • Inuussutissarsiutigalugu ilinniakkani aqutsisoq
    • Ilinniartunut ilinniartitsisunullu tunngasut, ilinniarnerillu ataqatigiissarneri
  • Immikkoortortani allani aqutsisut
  • Strategimullu tunngasunik aqutsisut


Aqutsisutut tunuliaqutissat ilisimasassallu pingaartinneqartut:

  • Perorsaasutut ilinniarsimasoq, master/kandidat assigisaanilluunniit
  • Aqutsisutut misilittagaqarsimanissaq aammalu missingersuutinut akisussaasutut misilittagaqarsimanissaq
  • Suleqatitut akuersaartuunerit, tatiginninnerit aammalu akisussaassuseqartuunerit ilisarnaatigivat
  • Ulapaarfinni eqqissisimasumik pitsaasumillu suleriuseqarputit
  • IT-mut allaffissornermullu ilisimasaqarluarputit


Aalajaatsumik ineriartortitserusuttumillu immikkoortortami aqutsisussarsiorpugut, ineriartortitsinermik nuannarisaqarnerup saniatigut suleqatikkuminartumik, ajunngitsumik siunertaqarluni avatangiisiminik naapitsisartumik suliassaminillu aallussisartumik.

Paasissutissat sukumiinerusut oqarasuaat +299 38 35 50 sianerluni pissarsiarineqarsinnaapput imaluunniit ukununnga saaffiginninnikkut: Pisortaq, Nuka Kleeman imal. Tullersorti, Marianne Nissen, e-mail-ikkut: allaffik@pi.sps.gl -ikkut.

www.pi.sps.gl-imi Seminaria pillugu paasisaqarnerusinnaavutit.

Atorfiup oktoberip 1-ani 2022-imi imaluunniit isumaqatigiissuteqarnikkut inuttalerneqarnissaa kissaatigineqarpoq.
Qinnuteqarfissaq killilerneqarpoq septemberip 14-ani 2022 nal. 08:00 (Kalaallit Nunaata kitaata nalunaaqutaat malillugu).

E-mail-ikkut qinnuteqaatinik tigusineq ajorpugut.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk