Skip to main content
108

Dette jobopslag er udløbet

PI/SPS IT-lerisussarsiorpoq

Perorsaanermik Ilinniarfik IT’lerisussarsiorpoq
Perorsaanermik Ilinniarfik 350 missaanik ilinniartoqarpoq ilinniartitaanernut assigiinngitsunut 5-nut agguataarsimasunik: isumaginninnermi ikiortinngorniartunik, socialassistentinngorniartunik bachelorimut sammivilimmik perorsaasunngorniartunik, najugaq qimannagu perorsaasunngorniartunik kiisalu ulluunerani meeqqanik ikiortinngorniartunik ilinniartoqarluni. Massakkoqqissaaq 48 missaannik sulisoqarpugut taakkunannga 22 ilinniartitsisuupput. IIlinniarfiup Ilulissaniittup saniatigut PI/SPS Sisimiuni, Maniitsumi, Nuummi Qaqortumilu immikkoortortaqarpoq.

IT-lerinerup AV-atortulersuutilerinerullu iluanni immikkut piginnaanilimmik IT-lerisussarsiorpugut.
IT-lerisut ukuupput: teknikerit marluk aamma IT-lerisutut ilinniartoq, tassanilu nammineerlusi suliassat agguataarneqartarput. Ikioqatigiittarpugut ilisimasatsinnillu avitseqatigiissinnaasarluta, nutaanillu ilikkagaqarsinnaalluarluta.

Atorfiup makkuninnga pingaarnerusunik suliaqassaaq slutbrugersupport-imiik  server-itsinnik aserfallatsaaliineq.

Naatsorsuutigaarput uku ilisimareernissai :

  • MS windows Server 2012-mit 2019-mut
    • Active Directory, gruppe politikker, filserver, Hyper-V og backup
  • Windows 10 superbruger-itut atuisinnaaneq
  • Netværk-inik ikkussuisinnaaneq ingerlatsisinnaanerlu
    • LAN, WAN aamma Wi-Fi


Uku ilisimaarinissaai aamma iluaqutaassaaq:

  • Exchange, Veeam, Aruba og Kyocera printere
  • Nittartakkanik suliaqarsinnaaneq aamma Wordpress atornissaa
  • Nipilerineq aamma qullilerineq, kiisalu assiliineq/video’liornermik misilittagaqarneq
  • Smartboardinik aserfallatsaaliineq atuisinnaanerlu
  • Office365-imik SharePointimillu misilittagaqarneq
  • Easy Install Management / MDT Image Deployment system-it
  • ATTAT aamma serverianik ilisimasaqarneq
  • Evoko Room Manager systemimik ilisimasaqarneq


Uagut neqeroorutigisinnaasagut:

  • Suleqatit aallarniisinnaassusillit pikkorissullu
  • Suliffigissaarneq
  • Ilinniartut uummaarissut
  • Ilinniarfik allanngorartoq ineriartortuartorlu
  • Soorunalimi system-inut aalajangersimasunut ilitsersuisinnaavugut


Paasissutissat atorfimmut tunngasut sukumiinerusut pillugit saaffigineqarsinnaavoq pisortaq Nuka Kleemann e-mail: nuka@pi.sps.gl imaluunniit Lea Jensen e-mailikkut lea@pi.sps.gl imaluunniit oqarasuaatikkut 38 35 50-imut

Atorfik piaarnerpaamik imaluunniit isumaqatigissuteqarnikkut inuttalerneqarusuppoq, qinnuteqarfissarlu piffissaliussaq kingulleq novembarip 20-ani 2020 nal. 8:00.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk