Skip to main content
92

Dette jobopslag er udløbet

PI/SPS Ilulissani Perorsaasumut ikiortitut ilinnniarnermut ataqatigiissaarisumik ilinniartitsisumillu pissarsiorpoq

Kalaallit Nunaanni Perorsaanermik Ilinniarfik Perorsaasumut ikiortitut ilinniagartuutut inuutissarsiummik ilinniarnermut ataqatigiissaarisumik ilinniartitsisumillu pissarsiorpoq

Eqaatsumik, ineriartortitsiviusumillu ilinniartitsisinnaavit?
Suleqateqarneq nuannaraajuk?
Akuersaartumik inoqaternut pissuseqarpit?

Taava illit ujartugaraatsigit PI/SPS-miit ataqatigiissaarisussatut, ilinniartitsisussatullu Perorsaasumut ikiortitut ilinniagartuutut inuutissarsiummik ilinniarnertut aamma / imaluunniit perorsaasumut ikiortitut ilinniagartuutut atuagarsorluni ilinniarnertut neqeroorutaasussamut. Tamannalu pilersaarutaavoq 2022-ip ukiaanerani atuarfiusup aallarnerfigalugu ingerlanneqalissalluni. Ilinniagaq najugaq qimannagu perorsaasutut ilinniarnerup aaqqissuuteqqinnerivaa.

PI/SPS-ip qitiusumik immikoortortaqarfiani Ilulissaniittumi atorfinissaatit. Najugaq qimannagu perorsaasumut ikiortitut ilinniartitaanerup sinaakkutaanut, ilinniartitsinermullu suliassanut attuumassuteqartunut ataqatigiissaarisuussaatit, ilinniarnerullu ingerlanerani ilinniartitsisuussallutit allat peqatigalugit. Naatsorsuutigissavat sulinermut atatillugu angalasarnissaq, apeqqutaalluni ilinniartitsineq sumi ingerlanneqassanersoq.

PI/SPS-imi ilinniartitsisoqatigiinnut pikkorissorsuarnut ilaalissaatit, perorsaanilerinerup iluani suleqataallutit. Ataqatigiissaarisutullu Kalaallit Nunaanni perorsaanilerinermik suliassaqarfimmi allannguinernut sunniuteqaqataanissamik, ilinniarfiup takorluugaanut naapertuuttumik, ilinniartitsinerit sunniuteqarfiginissaannut ineriartortitseqataaffiginissaanullu periarfissaqassallutit.

Eqaatsumik, ineriartortitsiviusumillu ilinniartitsisuunerpit saniatigut, kajumissuseqarlutit suleqatigiinnut akuunissat naatsorsuutigaarput. Avatangiisernut suliaqarfigisannilu isummersinnaassallutit, suliap pitsaasumik naammassinissaa siunertaralugu.
 
Qinnuteqartuni ilinniakkamik atuilluarsinnaaneq piginnaasallu makku pingaartinneqarput:

  • Perorsaasutut ilinniagaqartoq Bachelorniveaumi, attuumassutilimmilluunniit ilinniagaqaqqissimasoq masteritut kandidatitulluunniit.
  • Inuussutissarsiutini perorsaanilerinermik suliassaqarfimmi aamma/imaluunniit inersimasunik ilinniartitsinermik misilittagaqarnerit iluaqutaassaaq.
  • Suliassanik namminersorlutit, suleqateqarlutillu ingerlatsisinnaaneq
  • Kalaallit oqaasiinik atuisuussaatit – perorsaasunut ikiortitut ilinniakkap ataqatigiissarnerani, aaqqissuunnerani aamma ilinniartitsinerni kalaallit oqaasii aallaaviusussaagamik


PI/SPS 300 missaanik ilinniartoqarpoq, ilinniartitaanernut assigiinngitsunut arfineq marlunnut agguataarsimasunik: isumaginninnermi ikiortitut ilinniarneq, socialassistentitut ilinniarneq, perorsaasutut sammivilimmik bacheloritut ilinniarneq, najugaq qimannagu perorsaasunngorniarneq (maannakkut iluarsaanneqarpoq perorsaasumut ikiortitut), ulluunerani meeqqanik sullissinermi ikiortinngorniarneq, siunnersuinermi ikiortitut kiisalu isumaginninnerup iluani siunnersortitut ilinniarneq. PI/SPS-mi 40-nik sulisoqarpugut taakkunannga 20 missaat ilinniartitsisuullutik.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut, pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut, atorfininnerup nalaani atuuttut, naapertorlugit ingerlanneqassapput.

Najugaqartitaaneq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq, atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumilluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq.

Paasissutissat sukumiinerusut Teamleder Benedikte Petersen Løvstrøm imal. Tullersorti Marianne Nissen oqarasuaat +299 38 35 50-ikkut mail: allaffik@pi.sps.gl-ikkut pissarsiarineqarsinnaapput.

Piaartumik atorfik jannuaarip 15-ani 2022 imaluunniit sukumiinerusumik isumaqatigiissuteqarnerup kingornatigut inuttalerneqarusuppoq.

Qinnuteqarfissaq ulloq kingulleq decembarip 14-ani 2021 nal. 8:00 (Kalaallit Nunaata kitaata nal. malilugu)

Seminaria pillugu www.pi.sps.gl–imi paasisaqarnerusinnaavutit.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk