Skip to main content
106

Dette jobopslag er udløbet

Pisortatut Ilisimatusarfimmi allaffimmioq/kontorfuldmægtig

Pisortatut Ilisimatusarfik allaffimmiumik/kontorfuldmægtig-mik pissarsiorpoq.

Pisortatut Ilisimatusarfik qajannaatsumik aalajaalluartumillu tunngaveqarluni ilinniaqqiffiuvoq – assigiinngitsorpassuarnik iinuussutissarsiuteqarnerup tungaatigut ilinniaqqinnissamut neqerooruteqartartoq. 
Anguniagaraarput Kalaallit Nunaanni inuussutissarsiutinut ineriartortitsinermi ilisimasanut, misilittakkanut qitiussasoq. Taamaattumik maannakkut allaffimmiumik  (kontorfuldmægtig-nik) pissarsiorpugut. Illiua ujangarput?

Suliarissavatit…
Sulisut tunniusimasut aammalu pisortat ilisimatusarfiani sullitanut sulianik pitsaasunik tuniserusuttut suleqatigissavatit aammalu misigisanik nuannersunik pikkorissareernermi aammalu ilinniaqqereernermi angerlamut nassatassanik tunniusserusuttut. Allaffimmiutut suliarissavatit, pilersaarusiornerit, ilinniaqqinnerit,  allallut peqataaffigalugillu.
 
Suliarissavatittaaq sullitanut attaveqarnerit, aammalu saaffiginnissutit pikkorissarnernut aammalu ilinniaqqinnissanut, kiisalu ininik attartornissamut tunngasut.
Pikkorissarnermut system-i, IRIS aamma XAL pingaartuupput ulluinnarni sullissinerni atortutut. Naggataatigullu pingaarnertut pikkorissartut sullinneqarnerat pingaartinneqarpoq annertuumik, aammalu soorunami suliassat pikkorissarnermut tungasut, tuniniaanermut tunngasut suliassaallutik.
 
Kissaatigaarput…
Marlunnik oqaasilik avammut kiinnersinnaasoq, aalajaatsoq, suliassanut tamakkiisumik isiginnissinnaassuseqartoq, pikkorissarnernik pitsaasunik tuniserusuttoq. Immaqa taamaattunik sulereernikuuvutit.
Inuk STI/TNI aqqutigalugu ilinniagalik imaluunniit assigisaanik, alajaatsoq Microsoft Office-millu atuisinnasoq.
Uangutsinnut pingaaruteqarpoq, suleqatigiinni, suleqatigiinni aammalu pikkorissartunik sullissilluartoq aammalu nammineerluni sulisinnaasoq suut tamaasa akimorlugit, suliffimmilu ineriartortuartumi sulisinnaasoq. 

Neqeroorutigaarput…
Suliffik pissanganartoq, ilinniarfimmi ineriartortumi, aammalu suliatigut pikkorissarnertigut ilinniaqqissamillu ineriartorfiusoq.  Allaffissornermi pilersaarusiornermilu periutsinik pinngorartitsisinnaasoq Pisortatut Ilisimatusarfimmi iluaqutaassussanik. Suliassanik pissanganartulik, pikkorissunik eqeersimaartunillu suleqateqarnermik avatangiiseqarluni sulinissamut periarfissaqarneq kiisalu suleqatit pinngorartitsinissamik piumassusillit suleqatiginissai, ulluinnarni quiasaarumatuunik suleqateqarneq.

Sapaatip akunneranut nal. ak. 40 tiimit suliffiuvoq. 1. maj 2019 aallarnerfigalugu atorfinititsisoqassaaq, imaluunniit isumaqatigiissuteqarnikkut

Annertunerusumik paasisarniaraanni
Imminut allaffimmutut Pisortat Ilisimatusarfiani piukkukkuit, annertunerusumillu paasisaqarusukkuit tikilluaqquatsigit paasiniaanissannut uunga Pia Nissen Olsen, tlf. 34 25 89 eller e-mail pino@ninuuk.gl

Pisortatut ilisimatusarfik annertunerusumik paasisaqarfigerusukkukku una nittartagaq takusinnaavat www.pisortat.ninuuk.gl.

Qinnuteqarneq
Qinnuteqarnissaq kingusinnerpaamik 27. marts 2019 pissaaq. Qinnuteqartunik oqaloqateqarneq ataavartumik ingerlanneqassaaq qinnuteqarfissamut killigitinneqartoq naappat.
Tusarfiginissat qilanaaraarput!

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk