Skip to main content
84

Dette jobopslag er udløbet

Pisortat suliffeqarfiisa digitaliseriinerinut attaveqaqatigiinnermut siunnersorti pimoorussisoq

Inuiaqatigiiunerput isikkivinnit assigiinngitsunit ilisimasaqarfigigukku ataatsimullu isigalugu inuiaqatigiit pillugit isumaliutiginnissinnaaguit - pisortat suliffeqarfiit akornanni,     tassaavutit atorfissaqartitarput!
 
Digitalimik Sullissinermut Aqutsisoqarfimmi Kalaallit Nunaanni pisortat suliffeqarfiisa digitalisererneqarnerunissaat sulissutigaarput, digitalikkut aaqqiinertigut isumalluutinik atuisariaqarunnaarsitsineq  anguniarlugu.  naammassiuminarsaanikkut innuttaasunut aamma suliffeqarfinnut sullissinerup pitsanngorsarneratigut.  Anguniakkatta ilagaatt  pisortat suliffeqarfii ajornannginnerusumik tikinneqarsinnaanngortinnissaat  taavalu pisortat suliffeqarfiini sulinermik ingerlatsinerit oqilisarnissaat.  Tassani attaveqaqatigiinneq pingaaruteqarluinnarpoq.
 
Suleqatigiilluta arfineq pingasuuvugut assigiissaarinermik, atuisunut atoruminarsaanermik nunatsinnilu atuutsitsilernermik suliaqartuulluta. Tamatta immikkut suliatsinnut assigiinngitsunut piginnaaneqarpugut akisussaaffeqarlutalu, tamannalu aamma suleqatigiiulluta akornatsinni attaveqaqatigiilluarnissamik piumasaqarpoq.
 
Ulapippugut taamaattumillu suleqatissarsiorpugut attaveqaqatigiinnermut atatillugu suliassatsinnik ikiuussinnaasumik. Suliamut tunngatillugu piginnaaneqarluarputit qiimasuullutillu, oqaatsillu assigiinngitsut atorlugit attaveqaqateqarsinnaallutit.  Attaveqaqatigiinnerup erseqqilluinnartup qanoq pingaartiginera lisimavat, attaveqaqatigiiffissallu assigiinngitsut atorsinnaallugit.

Inuiaqatigiit –digitalimik-  aaqqissuulluagaanerulernissaanut assigiissaarneqarluarnissaanullu ikiorusuppatsigut,  taamalu Kalaallit Nunaanni innuttaaneq digitalikkut oqinnerulersillugu.
 
Eqqarsaruit ’tassa uannoortoq‘, taava massakkut periarfissaq akoruk atorfillu qinnutigalugu.
 
Suliassatit ilaatigut makkuussapput:

  • Paasissutissanik katersineq, pisortat nittartagaasa nutarterneqartuarnissaat isumagisinnaaniassagatsigu, taakkununnga ilaalluni sullissivik.gl
  • Nittartakkat isumagisatta paasiuminartunik imaqarnissaasa pitsaassutsikkut qularnaarnissat
  • Pisortat nittartagaannut pisortat paasissutissanik piginnittut attaveqarfigisarnissaat siunersiueqatigisarnissaallu
  • Aqutsisoqarfiup suliniutaanut pilersaarusiukkanik aalajangersimasunillu attaveqaqatigiinnermut suliassaasa pilersaarusiornerat aaqqissornerallu
  • Pisortat nittartagaasa nittarsaanneri, ilaatigut sullissivik.gl nittarsaassiffinni assigiinngitsuni
  • Atuutsitsilernermi sulinermut peqataaneq aamma innuttaasunik sullissinerup digitalimik ingerlanneqarnissaa

Illit pisinnaasatit:

  • Nittarsaassinermik, attaveqaqatigiinnermik, attaveqaatinik ilisimatusarnermik assigisaannilluunniit ilinniarsimasuuvutit
  • Allallaqqipputit erseqqarilluinnartumillu ingerlatitseqqissinnaallutit
  • Pisortatigut ataatsimoorussat isikkui ilisimasaqarfigaatit
  • Suliffeqarfiit suliniutillu politikikkut aqunneqartut misilittagaqarfigaatit,  piumasaqaataanngilarli 
  • Atuisut pisariaqartitaat paasisinnaavatit
  • Paasiniaaqqissaarnermut piginnaaneqarputit ataatsimullu isiginneriaaseqarluarlutit
  • Siusinnerusukkut nittartakkanik aamma CMS system-inik suliaqarsimaguit iluaqutaassaaq,  piumasaqaataanngilarli
  • Aqqutissat assigiinngitsut arlallit atorlugit erseqqilluinnartumik ingerlatitseqqissinnaavutit
  • Namminersorlutit suliaqarsinnaavutit, aamma allanik suleqateqarsinnaallutit
  • Kalaallisut, qallunaatut tuluttullu oqalussinnaanissat allassinnaanissallu iluaqutaassaaq

Inuk suleqatissarput imaappoq:

  • Qiimasoq,  inussiarnersoq suleqateqallaqqissorlu
  • Sullerissoq nutaanillu pilersitsisinnaasoq  
  • Uummaarissoq  ulapaarfiusumilu sulinermik nuannarisalik
  • Suleqatigiikkaarluni sulinermut piginnaasaqarluartoq
  • Aaqqissuulluakkamik periaasilik attaveqaqatigiinnissamullu pilersaarutinik aamma paasissutissanik katersinermik suliaqarsinnaasoq
  • Aaqqiinissamut naammassinninnissamik anguniagaqartoq aamma inuiaqatigiitsinnik kulturitsinnillu ilisimasalik

Uagut pilluta
Digitalimik Sullissinermut Aqutsisoqarfik Kalaallit Nunaanni  inuiaqatigiinnut digitalikkut siunissaq isumannaatsoq  tikkuussisuuvoq, digitalikkut aaqqiissutit assigiissakkat ineriartortinnerisigut. Aqutsisoqarfik Kalaallit Nunaanni inuiaqatigiit digitalikkut aaqqiissutinik – assigiissaakkanik -  qularnaarfigineqarnissaannut siuttuuvoq.
Digitalimik Sullissinermut Aqutsisoqarfimmi Kalaallit Nunaata digitalikkut sullinneqarnera aamma Namminersorlutik Oqartussat IT-mik ingerlatsinerat suliarineqarput. Aqutsisoqarfiup akisussaaffigisai annertupput, aamma taamaapput aqutsisoqarfiup piffissami eqqortumi tunniussinnaasaanik soqutiginninneq ilimagisaqarnerlu. Kalaallit Nunaata digitalikkut sullinneqarneranik tigumminninnerput tulluusimaarutigaarput, suliassarlu taanna annertuumik maniguulluta tiguarput. Suliassat aamma inuttut piginnaasatta tungaasigut uagutsinnut piumasaqaatit annertupput – tamatumalu kingunerisaanik ulluinnarni sulinitsinni ulapillutalu allanngorartunik suliaqarpugut. Taamaattumik suleqateqarsinnaanermut piginnaasat pitsaasut aqqutigalugit suleqataasut atugarissaarnissaat annertooq anguniagaraarput –sulianik ingerlatsineq inuttullu piginnaasat eqqarsaatigalugit assigiinngissuteqarsinnaaneq  ataqqillugu – suliassallu ingerlannerini innarligassaannginneq annertooq ukkataralugu.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk