Skip to main content
152

Dette jobopslag er udløbet

Pisortat allattoqarfianni Afdelingslederi

Ineqarnermut Attaveqaqatigiinnermullu Naalakkersuisoqarfik Afdelingslederissamik, Naalakkersuisoqarfimmi pisortat allattoqarfianni 1. maj 2019-imi imaluunniit isumaqatigiissuteqarnikkut piaarnerpaamik atorfinissinnaasumik pissarsiorpoq.

Atorfik pillugu
Pisortat allattoqarfiat Naalakkersuisoqarfiup immikkoortortaqarfiisa tallimaasut ilagaat. Naalakkersuisoqarfimmi sulisut 30-it missaanniipput.

Pisortat allattoqarfianni sulisut arfineq marluupput, immikkoortortaqarfillu Naalakkersuisoqarfiup naalakkersuinikkut aqutsinikkullu pisortaanerit sullissivigaat, pisortat allattoqarfianni sulisut allat qanittumik suleqatigalugit Naalakkersuisoqarfiup Naalakkersuisumut Naalakkersuisoqarfimmilu pisortamut sullissineranik ataqatigissaarinissamut pitsaassutsimillu qulakkeerinissamut akisussaaffeqartoq.

Suliassatit pingaarnerit tassaassapput:

  • Naalakkersuisunut Inatsisartunullu suliassanik piareersaaneq
  • Nutsigassat annikinnerusut
  • Nutsikkat pitsaassusiinik qulakkeerisarneq
  • Immikkoortortaqarfimmi suliassanik ataqatigiissaarinermut, suliaqarnermut, ilinniartitsinermut ilitsersuinermullu suleqataaneq
  • Pisortat Allattoqarfiani suliassaqarfimmi tamarmiusumi ingerlatsinermi allaffissornermilu suliassat
  • Immikkoortortaqarfimmi suliassaalersunik immaqalu Naalakkersuisoqarfimmi immikkoortortaqarfimmi suliassanik suliaqarneq

Uku piginnaaneqarfigissavatit:

  • Allaffissornermi, niuernermi sullissinermilu attuumassutilimmik ilinniagaqarneq
  • Kalaallisut danskisullu, aammalu ajornanngippat tuluttut allattariarsornermik oqalunnermillu piginnaaneqarluarneq
  • Allattariarsornermut attaveqaqatigiinnermullu piginnaaneqarluarneq
  • Nutserinermik pitsaassutsimillu qulakkeerisarnermik misilittagaqarluarneq
  • Ataqatigiissaarinermik suleqateqarnermillu piginnaaneqarluarneq aammalu ulapaarfiup nalaaniikkaluarpalluunniit eqaatsumik aaqqiisinnaaneq
  • Allannguinissamut piareersimaneq, qunusuissuseqarneq aammalu aaqqissuussaanermi naalakkersuinikkut aqunneqartumi sulinermut naleqqussarsinnaassuseqassaatit • Ilakkuminartuuneq ammasuunerlu
  • Tulleriiaartumik sulisinnaassuseqassaatit, aammalu akisussaassuseqarlutit, pitsaasumik ataqatigiissaakkamillu sulinissamik pingaartitsisuussaatit
  • Namminersorlutit, tunniusimallutit akisussaassuseqarlutillu suliassatit suliarisinnaassavatit

Matumani atorfik assigiinngitsorpassuarnik annertuumillu akisussaaffeqarfiusunik suliaqarfiusoq pineqarpoq. Ilaanneeriarluni unnukkut sapaatillu akunnerisa naanerini ulapaarfiusunilu sulisoqartarsinnaavoq. Tamanna pingaartumik Inatsisartut ataatsimiinnerini pisarpoq.

Naalakkersuinikkut aalajangiisarnernik, tassungalu ilanngullugu Inatsisartut ataatsimiittarnerinik misilittagaqaruit, aammalu sullissinermik pisortallu ingerlatsinerinik misilittagaqaruit iluaqutaassaaq. Aamma IT-mut sakkussat, taakkununnga cBrain F2, Outlook aamma Microsoft Office ilanngullugit misilittagarfigilluarukkit iluaqutaassaaq.

Neqeroorutigaavut:

  • Naalakkersuinikkut aalajangiisarnerit qanillugit sulineq
  • Sullivimmi avatangiisit pingaartorsiorfiunngitsut, naalakkiisarnermi naatsunik aqquteqarfiusut suleqatillu tunniusimasut, suliatigut pitsaasumik suliaqarnissamik ataqqinnittut
  • Sullivimmi avatangiisit allanngorartut
  • Inuttut suliatigullu ineriartornissamut periarfissat pitsaasut


Aningaasarsiatigut atorfinitsitaanermilu atugassarititaasut Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq 
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk