Skip to main content
130

Dette jobopslag er udløbet

Pisortaq INUSSUK-IT

Kalaallit Nunaanni pisortani allaffissornermi ukiuni arlaqartuni pisariillisarniarnissaa pitsanngorsarnissaalu qitiutillugu aningaasaqarnikkut sulisoqarnikkullu qarasaasialerinermi ingerlatsivimmi ataatsimut katiternissaat sulissutigineqarpoq. 

Nunatsinni pisortaqarfinni ataatsimoorussamik qarasaasialerineq 2019 pilersinneqarpoq 2021-milu Inussuk-IT-mik ateqalerluni. Immikkoortortaqarfiup pisortani ataatsimoorussani qarasaasiatigut aaqqissuusanik atuutsitsilerneq, ingerlatsineq ikiunerlu tamatumunngalu ERP, HR, ESDH, akissarsialerineq, piffissanik nalunaarsuinerit suliffissanillu pilersaarusiorneq akisussaaffigai.

Inussuk-IT allaffimmi pisortamit ataatsimit aqunneqartumit, allaffinnut marlunnut ERP aamma ESDH immikkoortoqarpoq.  

Pisortassatta immikkoortortami ingerlatsinerup pisortanilu ataatsimoorussani tamani ikiunermi ineriartornerup ingerlaannarnissaat kiisalu suliniutinik atuutsitsinissamut ingerlanneqartunut naammassinninnissaq qulakkiissavaa.

Atorfinittussarput:
 

  • Pisortani allaffinni aqutsinermut misilittagaqarluartoq
  • Allaffissornermi suleriusini tamaginni nutarsaanissamut, digitalinngortitsinermut pitsanngorsaanissamullu misilittagaqarluartoq
  • Qarasaasialerinikkut ingerlatsinerit pitsanngorsarnissaanut misilittagaqarlunilu kajumissuseqarluartoq
  • Kalaallit Nunaanni pisunut malinnaalluartoq Namminersorlutik Oqartussani aamma kommunimit imaluunniit Nunatsinni kommuninit misilittagaliusinnaavoq
  • Suliffeqarfimmi suliffeqarfinni annertuuni kiffartuussisumi sulisinnaasoq periarfissarsiortoq siuarsaasorlu
  • Aqutsillaqqissoq, suleqatikkuminartoq attaveqaqatigiilluarsinnaasorlu
  • Siunnerfeqartumik sulinissamik pissusissamisut isiginnittoq, immikkoortoqarfimmut pisortaaffigineqartumut angusassiortartoq saniatigullu suliffeqarfimmi avatangiiserissaarnissaq kajumissuseqartitsinissarlu pingaartitsisoq.


Atorfinittussatut piukkussarput pisortani allaffinni qarasaasialerinermilu - aammalu piffissap ilaani suliffeqarfimmik siunnersuisutut atorfeqareersimassaguni pitsaasaaq.

Immikkoortortaqarfik pillugu
Inussuk-IT'ip inuiaqatigiit kalaallit aningaasaqarnikkut sulisoqarnikkullu suliassaqarfiup qarasaasialerinermi digitalinngorsaanermilu atuineranik annertusinikkut digitalinngorsaanerup inertortinnissaa anguniagaraa. 

Neqeroorutigaavut
Nuna tamakkerlugu suliassaqarfiit pisortaqarfiillu akimorlugit pisariillisaanermik nutaalianngortitsinissamullu suliaqarnissamik immikkut ittumik periarfissaqarneq.

Immikkoortortaqarfimmi pisortaaffigisassanni kommuninit Namminersorlutik Oqartussaniillu tapersersorneqarluartumi ingerlatsissaatit tassanilu angusat tamaasa naleqartilluarneqassallutik.

Neqeroorutigaavut atorfik assigiinngitsorpassuarnik suliassalik, namminersorfiusoq unammillernartulillu suliatigut inuttullu ineriartornissamut periarfissaqarluartoq. Suliffeqarfimmut persuarsiorfiunngitsumut suleqatinullu pikkorissunut pimoorussilluartunullu suleqataassaatit.

Inussuk-IT suliffeqarfiuvoq namminersortoq siulittaasunit oqartussaaffigineqarnermik ingerlanneqartoq. Pisortaq siulittaasut ataani inissisimassaaq. Siulittaasunut ilaasortat tallimat kommuninit toqqarneqarsimasut marlullu Namminersorlutik Oqartussanit toqqakkat. Ingerlatsineq Aningaasaqarnikkut Inatsimmit kiisalu kommuninit tallimanit tapiiffigineqarnikkut aningaasaliiffigineqarpoq. Namminersorlutik Oqartussat peqqussutaanut iserfissaq.
 

Akissarsiat atorfeqartitaanermilu atugassarititaasut:
Atorfik ukiuni aalajangersimasunik amerlassusileriikkanik atorfeqartitsinermi piumasaqaatit naapertorlugit, piaarnerpaamik imaluunniit isumaqatigiissuteqarnikkut inuttalerusunneqarpoq.

Atorfik akissaateqarfimmi LR 39/40-mi maanna inissisimavoq.

Aningaasarsiat aalajangersimasunik aningaasarsianut ilallit LR 39-mi  inissisimapput 1. april 2022-miit qaammammut. 84.711,- koruuniullutik, ukiumullu 1.016.540,- kr. soraarnerussutisiassat ilanngullugit


Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Paasissutissat sukumiinerusut
Atorfimmut tunngatillugu paasissutissat amerlanerusut pisariaqartikkukkit Immikkoortortaqarfimmi pisortaagallartoq Ivan Damborg attaveqarfigisinnaavat  oqaras.: +299 491121, ivda@nanog.gl imal.  siulersuisunut siulittaasoq, Namminersorlutik Oqartussani Naatsorsuuserinermut pisortaq,Egon Skindhøj, oqaras.:  +299 546426 egsk@nanoq.gl.


Kalaallit Nunaanni pisortani allaffissorneq ulluinnarni nittartakkatigullugu ass. Inussuk-It-mik taaneqartarpoq. Inussuk najoqqutarineqartartutut isumaqarpoq.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk