Skip to main content
130

Dette jobopslag er udløbet

Pisortani immikkoortup digitalinngorsarneranut suliniutinut aqutsisuuneq

Siunniussamik angorusutaqaruit nunamilu angisuumi digitalimik sullissinerit innuttaasunut ajornaannerulersitsisut sulliviginissaanut angusaqarusussuseqarlutit. Nunami digitalimik siuarsaaqataarusukkuit innuttaasullu pisortanut assigiimmik isaariaqartinnissaat peqataaffigerusullugu. Pissutsit ataqatigiinneri annertuumik eqqarsaatigisarukkit, immikkoortullu ataasiakkaat ataasiussutsimi siunnerfigisarlugit aamma inuit akornanni suleqatigiinneq, aaqqissuussaanikkut ingerlatsineq digitalimillu teknologii paasisimasaqarfigilluarlugit. Aaqqissuussat suliassaqarfiillu akimorlugit pilersaarusiorneq, ataqatigiissaarineq sulinerlu sapinngikkukkit. Inuiaqatigiitsinni assigiinngisitaartut paasisimasaqarfigigukkit qanorlu suleqatigiinnersut paasisimasaqarfigalugit, illiusimassaaq suleqatigerusutarput.

Suliniuteqarnermut immikkoortortatsinni suliniutinut aqutsisuunernik pissarsiorpugut.

Suliniutinut immikkoortortami suliniutinut aqutsisunik kajumissuseqarluartunik suleqateqarlutit sulilissaatit suleqatigiligassallu taakkuupput nuna tamakkerlugu digitalinngorsaanermut periusissiamik pisortani ataatsimut suliniutinik suliaqartut. Suliniutini tamani nalinginnaasuutitsilernissaq, suliat ingerlanneqarnissaat pigiliussinissarlu sulissutigaavut. Suliniutit assigiinngitsut suliaraavut soorlu ISO 27001-ip atuutilersinnissaanut, Grunddataprogrammi aamma NemKonto. Immikkoortortatsinni kiffaanngissuseq angisuujuvoq, isumassarsiat nutaamillu periuseqarnissaq inissaqartinneqarlutik. Pitsaassuseq, suleqatigiinneq aamma best practice qitiutinneqarput. 
                         
Nuna tamakkerlugu pisortani ataatsimut suliaqarnermi pisariaqartoq tassaavoq pissutsinik isiginnissinnaanerpit annertunissaa, suliniutit tamakkiisumik isigisinnaanissai aammalu suliniutip sumiinnera allamulluunniit atanerata ilaani ataqatigiinnera takusinnaasariaqarlugu.

Digitalinngorsaanermi allanngoriartorneq avaqqussinnaanngilaq taamaammat allanngoriartornermi aqutsisuusinnaanerit suliniutinillu suliaqartut assigiinngitsunik soqutigisalli suleqatigisinnaasariaqarlugit. Allanngoriartornermi suliniutinillu aqutsininni attaveqaqatigiinnermik piginnaasaqarnissarnik piumasaqaatitaqarpoq taamaammat tamanna pikkoriffigissavat.  

Naatsorsuutigaarput suliniutinut aqutsisutut misilittagartuujussasutit ilaatigut:

  • malittarisassat arlallit tunngavigalugit sulisinnaasoq
  • pisinnaatitsissutit akisussaaffiillu annertuut isumagisinnaagitit, matumani periutsit, missingersuutit aamma pitsaassutsimut akisussaaffik ilanngullugit
  • angusassat, piffissaliussanik malinninnerit missingersuutillu qulakkeersinnaagitit
  • piffissaq, aningaasartuutit pitsaassutsimillu angorusutat eqqarsaatigalugit sulinermi misissueqqissaarneq, ilusilersuineq, pilersaarusiorneq nalilersuinerlu isumagisinnaagitit
  • pisut, suliniutini anguniakkat suliassallu assigiinngitsut suliakkiutigisinnaagitit
  • ajornartorsiutit imaannaanngissinnaasut paasiuminartunngorlugit oqaatigisinnaassagitit
  • pilersaarusiorluakkamik sulisinnaasutit malinnaatitsilluarsinnaasutillu
  • suliat ingerlaneri taakkulu aqunneri paasisimasaqarfigigitit
  • suliassat suliniutillu naammassinissaat qulakkeersinnaassagitit
  • suliffiup iluani avataanilu soqutigisaqaqatigiit attuumassuteqartut peqataatissinnaagitit suleqatiginerilu qulakkeerlugit
  • nammineq suliniutigisanni suliassanik aallartitsisinnaasutit
  • suleqatinik soqutigisaqaqatigiinnillu attaveqarluarsinnaasutit
  • isumassarsiat pisariaqartitallu piviusunngortinniarnissaannut pilersaarutinngornissaannullu angusaqarfigisinnaagitit
  • periusissiat suliassallu pilersaarusiorlugillu aaqqissuussinnaagitit
  • suliassat, paasissutissat, piffissaq sulisoqarnerlu pitsaasumik oqimaaqatigiisillugillu pingaarnersiorsinnaagitit
  • atuisut pisariaqartitaannik pingaartitsisuusinnaasutit
  • nammineq akisussaaffeqarfigisap suliffiullu sinnerata akornanni pissutsit paasisimasaqarfigilluarsinnaagitit


suliatigut piginnaasatit:

  • Ilisimatusarfimmi tulluuttumik ilinniagaqarsimanissat
  • Suliniutinik aqutsinermi sivikinnerpaamik ukiuni arfinilinni misilittagaqarnissat
  • Suliniutinik aqutsinermi akuersissutinik peqarnissat
  • Suliat ingerlanneqarnerinik misilittagaqarnissat
  • Sulinermi pigiliussassanik allannguinermillu misilittagaqarnissat
  • Suliffeqarfimmi politikkikkut aqunneqartumi suliniutinillu misilittagaqarnissat
  • Ajornanngippat kalaallisut, qallunaatut tuluttullu oqalussinnaanissat allassinnaanissallu


Suleqatigiitsinni amigaatigisarput:

  • Nuannaartoq ammasorlu suleqatiginnillaqqissoq
  • Tamatigoortoq nutaaliorluarsinnaasorlu
  • Ullunik ulapaarfiusunik nuannarisalik
  • Namminersorsinnaasoq aamma suleqatigiinni sulisinnaasoq
  • Suliassat soqutigisallu akimorlugit suleqatiginnillaqqissoq
  • Aaqqissuussaasumik ajornartorsiutillu aaqqissuussaaffigilluarnissaannik suliaqarsinnaasoq
  • Suliassat naammassineqarnissaannut akisussaaffimmik tigusilluarsinnaasoq
  • Suliffeqarfimmi assigiinngitsunik oqaloqateqarluarsinnaasoq assigiinngitsunillu suliaqartunik attaveqarluarsinnaasoq
  • Inuiaqatigiitsinnik kulturitsinnillu paasisimasaqarluartoq


Siuliani allatat tiguartiffigigukkit eqqarsarlutillu illit taamatut sulilerusullutit periarfissatsialaqalerputit qinnuteqarsinnaallutillu ilaatigut inuiaqatigiinni digitalip aaqqissuussaaneranik innuttaasullu digitalimik atuisarneranik ajornaallisaaqataallutit.

Digitalimik Sullissinermut Aqutsisoqarfik
Digitalimik Sullissinermut Aqutsisoqarfiup siunissaq digitaliusup isumannaatsuunissaa anguniarpaa digitalimillu aaqqiissutit nalinginnaasumik ineriartortinneqarnissaat qulakkeerniarlugit inuiaqatigiinnut tunngatillugu siuttuuffigalugit.
Digitalimik Sullissinermut Aqutsisoqarfimmi Kalaallit Nunaata digitalinngorsarneqarnissaa Kalaallillu Nunaanni Namminersorlutik Oqartussat qarasaasiaqarnikkut atortutigut ingerlatsineq suliaraavut. Aqutsisoqarfiup akisussaaffeqarfii annertupput taamaapporlu aqutsisoqarfiup piffissaq eqqorlugu kiffartuussisarnissaanut soqutiginninneq naatsorsuuteqarnerlu. Kalaallit Nunaata digitalinngorsarnera pingaarnertut akisussaaffeqarfigigipput tulluusimaarutigaarput suliassallu maniguulluta suliassaralutigit. Suliatigut inuttullu piginnaasaqarfigissagivut piumasaqaatitaqartitsivoq taamaammallu ulluinnarni ulapaarfiusarluni. Suliatigut inuttullu inissisimanerit assigiinngissusaat ataqqillugit suleqatigiilluarnikkut sulisut atugarissaarnissaat anguniartuuarput suliassallu suliarinerini peqataatitsineq annertooq qitiutitaralutigu.

Aqutsisoqarfik aamma nuna tamakkerlugu digitalinngorsaanermut periusissiaq atuarsinnaavatit uani digitalimik.gl
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk