Skip to main content
67

Dette jobopslag er udløbet

Pisortani digitalinngorsaanermi suleriaatsinut suliaminullu assigiinngitsunut atatillugu pilersaarusiorluarsinnaasoq

Ataqatigiissaarisinnaavit, immikkoortut ataasiakkaat ataatsimut isigisinnaavigit, aamma aaqqissuussaanerit suliassaqarfiillu assigiinngitsut akornanni sulisinnaavit. Inuiaqatigiitsinni isikkivinnit assigiinngitsunit isiginnittariaatsit ilisimasaqarfigivigit, qanorlu imminnut ataqatigiinnersut paasisimallugu, taamaappat ilittut ittumik pissarsiorpugut.
Immikkoortortaqarfitsinni –Digitalimik Attaveqaqatigiinnermi- suleriaatsinut suliaminullu assigiinngitsunut pilersaarusiorluarsinnaasumik AC-tut suliaqartumik suliniutinut aqutsisussarsiorpugut. Digitalimik Sullissinermut Aqutsisoqarfiup ataani immikkoortortaqarfitsinni sulisut arfiniliuvugut, aallutaraagullu assigiissaarineq, atuisunut atoruminarsaaneq, suliattalu tigulluarneqarlutillu atorluarneqalernissaat. Assigiinngissuseq, isumassarsiat nutaat, nutaamillu periuseqarnerit inissaqartinneqarput, isumassarsiallu timitalerneqartarlutik.
Suliatta ilagivaat pisortani ataatsimoorussamik digitalikkut aaqqiissutit, amerlanertigut sullissivik.gl-imiilertartut. Pisortat ataatsimoorussat eqqarsaatigalugit innuttaasunullu isiginnineq eqqarsaatigalugu, tamakkiisumik taakkununnga atatillugu isiginnissinnaanissat pisariaqarpoq. Suliniut tamakkiisumik isigisinnaasariaqarpat, suliniutillu sumut qanorlu ataqatigiilernissaa takusinnaasariaqarlugu.
Digitalinngorsaaneq allanngorarpoq, taamaammat allanngorarfiusumi siuttuullutit, suliniutigisannut tunngatillugu soqutigissaqaqatigiit assigiinngitsut suleqatigisinnaallugit sulisinnaanissat pingaaruteqarpoq. Allannguiniarnermi suliniutinullu aqutsisuuniaraanni, attaveqaqatigiinnermut tunngatillugu piginnaasaqarluarnissat pisariaqarpoq. Taamaammat attaveqaqatigiinneq sungiusimalluartariaqarpat.
Digitalimut tunngasut ilisimasaqarneq soqutigisaqarnerluunniit pitsaaqutaassaaq.
Misissueqqissaarsinnaaneq, attaveqaqatigiinneq, ataqatigiissaarisinnaanerlu -illit ilinniagartuutut tunngaviusumik piginnaasatit, uani atorfimmi atussavatit.

Naatsorsuutigaarput, illit:

  • Suliassat annertuut paasinartunngorlugit paatsuungananngitsumik ingerlateqqissinnaagitit
  • Pilersaarusiorluarlutit sulisinnaasutit, malinnaatitsilluarsinnaasutillu
  • Suliassat suliniutillu isumannaatsumik naammassisinnaagitit
  • Suliffiup iluani suliffiullu avataani soqutigisaqaqatigiit suliniummut attuumassuteqartut peqataatissinnaagitit suleqatigiinnissarlu qulakkeerlugu
  • Isumassarsiat pisariaqartitallu timitalernissaannut naammassisassanngorlugit pilersaarusiorsinnaasutit
  • Suliassat aalajangersimasut pilersaarusiorlugit aaqqissuussinnaagitit
  • Atuisut pisariaqartitaannik takunnissinnaasutit

 
Suliassannut piginnaasatit:

  • Ilisimatusarfimmi ilinniakkamik naleqquttumik naammassisimasaqarnissaq
  • Suliniutinik aqutsinermik misilittagaqarneq. Piumasaqaataanngilaq,  suliniutinut tunngasunik aqutsisoqarfiugatta,  suliniutinik aqutsinermut allagartaqalersinnaaneq ilinniartinneqarnissarlu periarfissaavoq.
  • Suliat tigulluarneqarlutillu atorluarneqalernissaannut tunngasunik suliaqarnermut misilittagaqarnissaq
  • Aaqqissuussani suliniutinilu politikkikkut aqunneqartuni sulinermik misilittagaqarneq
  • Kalaallisut, danskisut tuluttullu oqalussinnaallunilu allassinnaaneq

 
Suleqatigiinnitsinni amigaatigaarput:

  • Nuannaartoq suleqateqarluarnissaminik pikkoriffeqarlunilu soqutigisalik
  • Nutaaliorsinnaasoq isumassarsiullaqqissorlu
  • Ulluinnarni ulapaarfiusunik nuannarisalik
  • Namminersorsinnaallunilu suleqatigiinni sulilluarsinnaasoq
  • Suliat/soqutigisat assigiinngitsut eqqarsaatigalugit suleqataalluarsinnaasoq
  • Suliassat torersumik aaqqissuulluakkamillu ingerlallugit suliaqarsinnaasoq
  • Suliat naammassinissaanut akisussaaffimmik tigusisinnaasoq
  • Aaqqissuussami qaffasissutsit assigiinngitsut eqqarsaatigalugit oqaloqatiginnilluarsinnaasoq,
    suliassallu assigiinngitsut eqqarsaatigalugit ataqatigiissaarisinnaasoq
  • Inuiaqatigiinnitsinnut kulturitsinnullu ilisimasalik

 
Pileritsakkuit eqqarsarlutillu ”Tassa uangaqqissaaq”, periarfissaqarputit massakkut suliffissarsiornissannut.
Maani suliffimmi inuiaqatigiinni digitalikkut ataqatigiinnerusumik torernerusumillu assigiissaarinissaq, innuttaasunullu digitaliunerup ajornannginnerulersinnissaa suleqataaffigissavat.
Naalakkersuisut siunertaraat it atorneratigut digitalinngorsaanikkullu inuiaqatigiitsinni digitalimik ineriartornissap siuarsarneqarnissaa. Nuna tamakkerlugu digitalimik periusissaq suliarineqareerpoq, taassumalu atulersinniarnera ukiuni tulliuttuni sisamani ingerlanneqassalluni. Periusissaq
Digitalimik Sullissinermut Aqutsisoqarfimmi suliaqarnermi tunngaviulereerpoq, tamannalu ima isumaqarpoq massakkut aqutsisoqarfik suliniutinik pisortani ataatsimoorussaniittuniit innuttaasuniillu atorneqarsinnaasussanik suliaqarlutik aallartereertut.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk