Meeqqanut, Inuusuttunut Ilaqutariinnullu Naalakkersuisoqarfik naalakkersuisoqarfimmi pisortamik (NP) naalakkersuisoqarfiullu aqutsisuinik qanimut suleqatiginnittussamik suleqammik nutaamik ujaasivoq. Naalakkersuisoqarfimmi pisortamik aqutsisoqatigiinnillu ulluinnarni qaffasissumik sullitaqarnissamik qulakkeerinnikkusuttumik pisortaaneqarfimmi allatsimik atorfissaqartitsivugut.

Suliassanik assigiinngitsorpassuaqartuni ulluinnaat ulapaarfiusut allanngueqataaffigisinnaagukkit  Aqutsisunullu allattoqarfimmi NP-mullu suliassanik naammassinnissinnaaguit illiuvoq suleqatitaarerusutarput.

Kikkuuvugut?
Meeqqanut, Inuusuttunut Ilaqutariinnullu Naalakkersuisoqarfik immikkoortortaqarfinnut pingasunut aaqqissuussaavoq: Politikimut Allaffissornermullu Immikkoortortaqarfik, Iliuusissanut Ineriartortitsinermullu Immikkoortortaqarfik kiisalu Inatsiseqarnermut Immikkoortortaqarfik. Immikkoortortaq Naalakkersuisoqarfiup ataani inissisimasoq: Isumaginninnermut Aqutsisoqarfik.

Naalakkersuisoqarfimmi suliffimmi pissutsit pingaartippagut, tassani kikkut tamaasa suliffeqarfimmut ineriartortitseqataanissamut nutaalioqataanissamullu periarfissaqarput. Taamaattumik iluaqutaassaqaaq illit inuuguit suleqatigiissinnaanermik soqutigisalik suleqatinnillu qiimallutit soqutiginnillutillu naapitsisinnaasoq. Paarlattuanik pimoorussisunik angusaqarusuttunillu suleqatinik, tapersersuisunik ataqqinnittunillu avatangiiseqassaatit.

Naalakkersuisoqarfik isummernissamut tunngavissanik qularnaatsunik qulakkeerinninnissamut tapersiissaaq aamma politikikkut pingaarnersiuinerit anguniakkallu naammassinissaannut tapersiissalluni.

Illit suliassaraat
Politikikkut Allaffissornermullu Immikkoortortaqarfimmi suliaqartarumaarputit – ulluinnarni APA-mik taaneqartartumi imaluunniit aqutsisunut allattoqarfimmik taaneqartartumi ulluinnarni ingerlatsinermut, attaveqaqatigiinnermut, pilersaarusiornermut politikikkullu pingaarnersiuinernut atatillugu naalakkersuisut aqutsisuinik sullissisoq tapersersuisorlu.
Suleriaatsinik ullunilu suliffiusunik eqaatsumik sunniuteqarluartumillu ingerlariaaseqarnissamik qulakkeerinneqataassaatit. Immikkoortortaqarfik sulisunik tallimanik immikkoortortaqarfimmilu saaffigisinnaasannik aqutsisumik inuttaqarpoq.

Immikkoortortaqarfimmi suliassat makkuupput:

• Naalakkersuisoqarfimmut Naalakkersuisumullu saaffiginnissutinik ataqatigiissaarineq ingerlatseqqinnerlu,
• Naalakkersuisunut Naalakkersuisuniillu aamma Inatsisartunut Inatsisartuniillu suliassat,
• Inatsisartut ataatsimiinneranni ataqatigiissaarineq,
• allakkat, tusarniaanerit, nutserinerit, pitsaassutsimik qulakkeerinninnerit, attaveqarnerit,
• suliniummi aqutsinerit ineriartortitsinermullu suliaqarnerit, matumani isumasioqatigiissitsinerit,
• saqqummiinerit, suliffiup iluani ilitsersuutinik sanileralugu ilitsersuinerit, maleruagassat, suleriaatsit aamma ass. sulianik suliarinninnernut, pisiortornernut, sullissinernut,  sulisunut aaqqissuussinernut allanullu tunngatillugu ilitsersuinerit.

Ullut suliffiusut minnernik annernillu suliassaqartarput illillu nammineq isumassarsiatit suliniutitillu anguniarnissaannut periarfissaqarluarputit.

Ulloq suliffik nalinginnaasoq? Taamaattut maani amerlavallaanngillat... Suliassaqarfik unammilligassarpassuarnik assigiinngitsunillu suliallit suleqatigiinnerannik suliassartaqarpoq.

Aalajangersimasumik pingaarnertullu suliassatit marluk tassaapput naalakkersuisoqarfimmi pisortamut allattaasutut atuuffeqarneq, meeqqanut, inuusuttunut ilaqutariinnullu suliassaqarfimmi susassaqarfiit assigiinngitsut akornanni suliaqarnerit.

Pisortaaneqarfimmi allatsi

• Naalakkersuisoqarfiup pisortaanik allatseqarfimmit sullissineq, tassunga ilanngullugit ullorsiutitigut isumaqatigiissutitigullu pilersaarutinik aqutsisarnerit, ataatsimiinnissanik angalanissanillu pilersaarusiornerit piareersaanerillu, saaffiginnissutinik akissuteqarnerit kiisalu nalinginnaasunik suliaqarnerit
• Naalagaaffiit Peqatigiit ingerlaavartumik suliaanik suliarinninnerinut pisariaqartitsinermilu allakkianik suliaqarnernut akisussaaneq
• Pisortat ataatsimiinneranni imaqarniliortoq, ataqatigiissaarilluni ataatsimiinnerit, pisortat ataatsimiinneranni imaqarniliortoq, sullivimmi suleqatigiinnermut isumannaallisaanermullu ataatsimiititaliami ataatsimiinnerit, NPmillu aqunneqartumit ataatsimiinnerit allat
• Naalakkersuisup, Naalakkersuisut Inatsisartullu suliassaannik ataqatigiissaarineq malitseqartitsinerlu.
• Nutsigassanik minnernik suliaqarneq kalaallisullu allakkanik atuaqqissaarneq.

Naalakkersuisut suliassaqarfiini assigiinngitsunut alapernaatsuunissat paasisaqarusuttuunissallu pingaaruteqarpoq.

Suliassat
Naalakkersuisoqarfimmi suliassanik suliaqartassaatit tapersiillutillu -  suliffeqarfiullu iluani avataanilu suleqateqartarlutit. Massakkumut inatsisitigut nutarterinerit aamma periusissiatut iliuusissatullu pilersaarutit illit ilassuteqarfigisinnaasattut suliassatigut isumalluutinik amerlanernik pisariaqartitsipput. Suliassatigut suliassat assersuutigalugu suliniummut tunngavissiamik, aqutsinermik  nalunaarusiamillu, imaluunniit naalakkersuisoqarfimmi suliat pingaaruteqassusaannik nalunaarusianik annernik eqikkaaneq ingerlatsinerlu, imaluunniit suliassaqarfiit assigiinngitsut akornanni suleqatigiiffiusartuni naalakkersuisoqarfik sinniisuuffigalugu.   

Naalakkersuisoqarfik suliassaqarfinni assigiinngitsuni amerlasuunik suliassaqarpoq – suliffeqarfiup iluani avataanilu. Suliassaqarfik tamaat suleqatigisartagarpassuagullu immikkuullarissumik paasisaqarfigissavatit.

Suliassaalersunik suliaqarnerit apeqqutaasarput saaffiginnissutit politikip tungaaniit, tusagassiorfinniit, innuttaasuniit kommuniniilluunniit takkunnersut.

Piginnaasat
Suliassanut tunngatillugu politikikkut pitsaasumik eqqumaffiginnittuuvutit pitsaaqutaassaqaarlu naalakkersuinikkut aqunneqartumik suliffeqarfimmi sulillutit misilittagaqaruit. Naalakkersuisoqarfimmi ersarissumik sullississaatit taamaattumik pingaaruteqarpoq inussiarnersuunissat, naapeqatigiissitsillaqqissuunissat ikiuukkumatuujunissallu. Allakkatigut suliaqarneq aamma qitiusutut suliassaammat piumasaqaataavoq pitsaasumik attaveqaqateqarsinnaasutit paasiuminarsaallaqqittuusutillu, taamaasillutik nalorninartut paasiuminarninngorlutik – tigusisussaq naligalugu.

Naatsorsuutigaarput illit:

• Allaffissornermi kandidatitut soraarummeersimasutit imaluunniit inuiaqatigiilerinermut attuumassutilimmut ilinniarsimasutit.
• Ulluinnarni ulapaarfiusuni assigiinngitsunik sammisaqarfiusuni suliassaqarfiusunilu sulisinnaassuseqartutit
• Torersaallaqqissuuvutit, aaqqissuussamik suleriaaseqarputit piffissaliussanillu malinnaanissamut qulakkeerinnillaqqissuullutit
• Tamakkiisumik takunnissinnaassuseqartutit, akisussaassuseqarusuttutit suliffinnullu pitsaasumik pissuseqartutit
• Suliniuteqarumatuujusutit, namminersortumik suliaqarsinnaasutit namminerlu suliniuteqarsinnaasutit
• Politikikkut aalajangiiniartarnernut paasinnissinnaassuseqartutit, ajornanngippat siuliatigut suliffigisimasamiit
• Kalaallisut, qallunaatut tuluttullu oqaatsitigut atuisinnaasutit
• Allakkianik, saqqummiussassanik assingusunillu allallutit nuannarigit -  amerlanertigut sivikitsumik piffissaliussap iluani
• Allakkatigut paasinarsaallaqqissuullutillu piginnaasaqarluartutit
• Inuiaqatigiinnut kalaallinut piorsarsimassusiannullu ilisimasaqartutit
• Suliffimmi kulturit assigiinngitsut akornanni suliaqarnissamut paasinnissinnaassuseqartutit
• Inunnik suliaqarfinnilu assigiinngitsunik amerlasuunik suliassaqarfiit assigiinngitsut akornanni suleqateqarsinnaasutit.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq.

Paasisaqarnerorusuppit?
Atorfik pillugu sukumiinerusumik paasisaqarnerorusukkuit naalakkersuisoqarfiup pisortaanut Heidi Lindholm-imut oqarasuaataanut +299 547371 / heli@nanoq.gl saaffiginnissinnaavutit.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Qinnuteqaat nassiuguk