Skip to main content
132

Dette jobopslag er udløbet

Pisiortortarnermut, Sanaartornermut Ineqartitsinermullu Allaffik siunnersortissarsiorpoq

Pisiortortarnermut, Sanaartornermut Ineqartitsinermullu Allaffimmi suliassat assigiinngitsorpassuit suliarisarpavut. Neqerooruteqartitsisarpugut aamma Namminersorlutik Oqartussat sinnerlugit susassaqarfiit akimorlugit pilersuisussanut isumaqatigiissusiortarluta, aserfallatsaaliugassat sanaartugassallu annertuut pilersaarusiortarpavut aamma Namminersorlutik Oqartussani sulisut utaqqiisaasumik ineqartinneqarnissamut imaluunniit sulisunut inissiani najugaqartinneqarnissamut pisinnaatitaaffillit ineqartinneqarnissaat isumagisarlutigu. Nuummi ullumikkut utaqqiisaagallartumik inigitinneqartartut 50-it missaanniittut allaffimmit aqunneqarput.

Atorfik pillugu
Siunnersortitut naatsorsuuserineq missingersuutinillu malitseqartitsisarneq ulluinnarni qitiusutut akisussaaffigissavatit. Aamma feeriartoqarnerani napparsimasoqarneranilu il.il. ineqartitsisarnermut ulluinnarni akisussaaffik tigummiartassavat. Tamatuma saniatigut atorfimmut atatillugu pisiortortarnerup, inerisaalluni suliassat assigiinngitsut iluini suliassat isumagineqartarput, pingaartumik IT-mi atortorissaarutinik atuinerup iluani kiisalu suliassat nukiginnartut assigiinngitsut isumagineqartarlutik.
Atorfik suliassaqarfiuvoq nammineerfiusoq, tassa ulluinnarni suliarisartagassavit sunniuteqarfiginissaat periarfissagissaarfigissavat. Atorfik ilinnut nammineersinnaasumut, piffissamik atorluaasinnaasumut tamakkiisumillu isiginnissinnaasumut tulluartuuvoq.

Pingaarnertut suliassatit akisussaaffeqarfissatillu:

  • Naatsorsuuserineq, tassunga ilanngullugit akiitsulinnik aqutsineq, akiligassaqarfinnik aqutsineq, naatsorsuusiorneq, naligiissaarinerit missingersuutinillu malitseqartitsineq
  • Pisiortorneq, tassunga ilanngullugit atortussanik annertunngitsunik pissarsiniartarneq, akikillisaaffigitinnissamut isumaqatiginninniartarneq, isumaqatigiissutinik atuuttunik malitseqartitsisarneq, suliassanik annertuunik suliariumannittussarsiornermi suleqatinut ikiuuttarneq
  • IT-kkut iluaqusersuutinut tunngatillugu suleriaatsinik inerisaaneq pitsanngorsaanerlu
  • Suliassat nukiginnartut assigiinngitsut, taakkununnga ilanngullugit attaveqaatit ataatsimeeqatigineqarnerannut tunngatillugu suliaqarneq, isumasioqatigiinnerit, ilinniartitsineq, pilersuisorisanik ataatsimeeqateqartarneq il.il., Namminersorlutik Oqartussat immikkoortortaqarfii allat peqatigalugit aaqqissuussisarneq, sulisunik nutaanik ilisarititsisarneq

Atorfimmut qinnuteqarninni tiguneqassaguit iluaqutaassaaq:

  • Allaffissornermik ilinniagaqarsimanerit imaluunniit atorfimmut naapertuuttumik allatut ilinniagaqarsimanerit,soorlu TNI-mi assigisaaniluunniit
  • Naatsorsuutinut naatsorsuusiornermullu tunngatillugit misilittagaqarnerit
  • Pisiortortarnermik misilittagaqarnerit
  • IT-kkut atortorissaarutinik ilisimasaqarnerit taakkununngalu tunngatillugu piginnaasaqarnerit
  • Avatangiisini allanngorartuartuni sulinissamik nuannarisaqarnerit suliassanillu assigiinngitsorpassuarnik suliaqarsinnaanerit
  • Ataatsimoorluta pitsaanerpaamik angusaqarnissarput siunertaralugu ilisimasanik, isumassarsianik misilittakkanillu suleqatinnut avitseqateqarnissamik nuannarisaqartuunerit
  • Nammineerlutit, aaqqissuussaasumik suliaqarsinnaanerit piffissaliussanillu malinnissinnaanerit
  • Marlunnik oqaaseqartuunerit, kalaallisut / danskisut
  • Namminersorlutik Oqartussat suliffeqarfittut ilisimasaqarfigigit

Paasissutissat allat
Atorfik pillugu paasisaqarnerorusukkuit attavigisinnaavatit Allaffimmi pisortaq Anders Malinovski, oqa. +299 34 58 39 e-mail andm@nanoq.gl imaluunniit Naatsorsuuserisoq Bogholder Gerda Hansen oqa. +299 34 58 62 e-mail ghan@nanoq.gl aqqutigalugit
Kalaallit Nunaanni Namminersorlutik Oqartussat pillugit paasissutissat nalinginnaasut pissarsiarineqarsinnaapput nittartakkakkut www.naalakkersuisut.gl.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk